Спорт
Карагер: Јунајтед имаат подобар тим од Ливерпул


Поранешниот фудбалер на Ливерпул, кој сега работи како стручен коментатор за телевизијата „Скај“, Џејми Карагер рекол дека борбата за титулата во Премиер лигата започнала од синоќа. Ливерпул, не успеа да победи кај Вест Хем (1:1), а бидејќи и со Лестер освоија само еден бод, Манчестер сити ја намали предноста на „црвените“ на само три бода.
Карагер, по синоќешниот меч, упатил низа критики на адреса на својот поранешен клуб, а еден дел од неговиот коментар нема воопшто да им се допадне на навивачите на „црвените“.
„Веќе имам кажано дека Манчестер Јунајтед имаат подобар тим од Ливерпул. Можеби ова на луѓето им звучи чудно, но ова што се случува може да го потврди тоа“, рекол Карагер и дополнил.
„Џејмс Милнер делува како некој кој не знае на која позиција игра…Ливерпул платија многу за Кеита, а тој губи премногу топки. Фирмино не личи на себе, а не видовме многу ниту од Салах. Постои проблем, не верувам дека се работи за некаков притисок, туку е предизвикан од повредите. Не можам да поверувам дека Ливерпул беа толку лоши во последниот натпревар. Сепак и натаму се први на табелата. Дури и во случај Сити да го преземат водството со поен или два повеќе 2црвените“ ќе имаат свои шанси за титулата“.
До крајот на Премиер лигата остануваат уште 13 рунди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чаби Алонсо има многу повеќе незадоволни отколку задоволни фудбалери
Медениот месец на Чаби Алонсо во Реал заврши, сега мора да се справува со големите ега во соблекувалната. Реал нема победа на последните три од последните четири натпревари, загуби од Ливерпул во Лигата на шампионите и одигра нерешено во Примера против Рајо Ваљекано и Елче.
Нерешениот резултат во Елче е резултат на нарушената атмосфера во тимот, тврдат шпанските медиуми. Откриваат дека две групи владеат во соблекувалната.
Според медиумите, дека атмосферата не е добра, јасно видливо и на теренот. Играчите не го притискаат противникот како порано и не изгледаат поврзани со тренерот, пишува „Копе“.
„Незадоволни играчи? Винисиус, Валверде, Родриго, Брахим, Ендрик, Менди… Задоволни? Хаусен, Карерас, Куртоа, Гулер и Мбапе“, објави „Копе“ и нагласува дека во тимот има повеќе незадоволни отколку задоволни фудбалери, но не сакаа да ги откријат сите имиња бидејќи некои, како што тврдат, се „некаде измеѓу“.
Чаби и неговите асистенти мора некако да ја обединат соблекувалната пред претстојните натпревари, во спротивно ќе се размислува дури и за смена на тренерот.
Чаби Алонсо и неговите помошбници сè уште веруваат дека можат да ја свртат сезоната во своја корист. Точно е дека некои клучни играчи се надвор од форма, но на 25 ноември е, Реал е прв во Ла Лига и меѓу осумте најдобри во Лигата на шампионите.
„Чаби Алонсо мора да воведе меритократија и да игра со оние кои се во најдобра форма, а да ги испрати на клупата оние кои не ги почитуваат неговите одлуки или не ги извршуваат неговите барања. Тоа е единствениот начин да ја добие довербата од соблекувалната на своја страна“, заклучуваат Шпанците.
Спорт
Mик Шумахер во Индикар
Германскиот возач Мик Шумахер (26), син на седумкратниот светски шампион во Формула 1, Михаел Шумахер, следната сезона ќе се натпреварува во Американската Инди серија за тимот Рахал Летерман Ланиган (RLL).
Синот на легендарниот седумкратен шампион во Формула 1, Михаел Шумахер, има 43 стартови во Формула 1, а неговиот најдобар пласман е шестото место.
Тој се тркаше за Хас во сезоните 2021 и 2022 година, а подоцна беше тест-возач за Ферари и Мерцедес. Последните две години се натпреваруваше во Светското првенство на издржливост (WEC) на ФИА за Алпин, пред да се пресели во Индикар.
Шумахер ќе го вози болидот Dallara DW12 со мотор на Хонда на сите 17 трки следната сезона.
„Возбуден сум за автомобилот и американскиот начин на мотоспорт, кој се чини дека е повеќе фокусиран на чисто и директно тркање, и токму тоа го очекувам. И секако, љубопитен сум за нови искуства и секогаш сум заинтересиран за проширување на моите хоризонти. За мене, ова е почеток на ново патување и возбуден сум за почетокот на сезоната“, рече Шумахер.
Сезоната „NTT Indy Series 2026“ започнува со Големата награда на Фајерстоун во Санкт Петербург на 1 март. Закажани се 17 трки, а сезоната завршува на 6 септември во Монтереј, Калифорнија.
Спорт
(Видео) Тешка повреда на Един Вишќа
Дуелот меѓу Башакшехир и Трабзон, одигран во синоќа, освен донесе гол шоу и победа на гостите 4:3, беше обележан и со сериозна повреда на Един Вишќа.
Поминаа само пет или шест минути од почетокот на натпреварот кога Фести Ебоселе сљкаше да спречи контра напад. Ирецот „влета“ во Вишќа, кој падна на левата нога, а стапалото му се сврте неприродно.
Вишќа веднаш гестикулираше, бараше помош, судијата му покажа жолт картон на Ебоселе, а играчот на Башакшехир дури и не разбра зошто. Дури откако доби повик од ВАР собата, главниот судија го исклучи фудбалерот на Башакшехир.
Başakşehir – Trabzonspor maçında
Başakşehir'de Ebosele, VAR incelemesinin ardından direkt kırmızı kart gördü
Edin Visca sakatlığının ardından yerini Olaigbe'ye bıraktı
#iBFKvTS pic.twitter.com/peb7E6jmSX
— 𝐂𝐚𝐜𝐚 𝐁𝐞𝐲 (@1Cacabeyy_cb) November 24, 2025
Капитенот на Трабзон беше однесен во болница, а клубот не коментираше за деталите од повредата. И Трабзон и Башакшехир му посакаа брзо закрепнување, а турските медиуми шпекулираа дека станува збор за повреда што би можела да му ја заврши кариерата на 35-годишниот фудбалер.
Вишќа има договор со Трабзон до крајот на сезоната, одигра повеќе од 500 натпревари во Турција и двапати беше шампион.

