Тренерот на Реал Мадрид, Алваро Арбелоа, одржа прес-конференција пред натпреварот од Лигата на шампионите против Монако, кој ќе се игра вечерва во 21 часот.

Коментирајќи ги свирежите на дел од публиката на „Сантијаго Бернабеу“, Арбелоа застана во одбрана на бразилскиот напаѓач Винисиус Жуниор.

„Сакам и очекувам поддршка од „Бернабеу“ за сите играчи, а пред сè за Винисиус“, рече тренерот. Тој ја нагласи важноста на навивачите за неговата игра, додавајќи дека „му е потребен „Бернабеу“ за да ја даде својата најдобра верзија“.

Арбелоа го опиша Винисиус како играч со „огромно срце“, кој е многу емотивен, што се рефлектира во неговиот фудбал. Тој ја отфрли можноста да го остави надвор од тимот за да го заштити.

„Тој секогаш ќе биде на теренот кога е достапен и кога настапува вака. Како тренер на Реал, ако сакам да имам шанса да победам, потребен ми е Винисиус на теренот“, заклучи тој.

Арбелоа ги изнесе обвинувањата, тврдејќи дека има организирани напади врз клубот.

„Знам дека има акции за ослабување на Реал Мадрид и знам кој ги организира“, рече тој, но не сакаше да открие повеќе детали.

Кога еден новинар го праша да ги разјасни своите тврдења, тој кратко одговори: „Вие сте новинари. Јас сум тренер на Реал Мадрид и сум фокусиран на натпреварот против Монако. Ја вложувам целата моја енергија и ентузијазам во тоа“.

Един Џеко (39) постигнал договор со Шалке, објави новинарот на „Билд“, Флоријан Плетенберг. Инсајдерот открива дека сега ќе мора да се договорат водечкиот тим во германската втора лига и Фиорентина.

Един Џеко ѝ се придружи ова лето, но одигра 18 натпревари (722 минути) главно како резерва и сега сака да си замине. Неговиот договор истекува по завршувањето на сезоната.

Плетенберг додава дека спортскиот директор Франк Бауман и тренерот Мирон Муслиќ успеале да го убедат Џеко да дојде и да им помогне да го задржат првото место, што им гарантира пласман во Бундес лигата.

Џеко е еден од најдобрите напаѓачи на 21 век и најголемиот фудбалер во историјата на Босна и Херцеговина. Играше за Железничар, Теплице и Усти над Лабем во Чешка, Волфсбург, Манчестер Сити, Рома, Интер и Фенербахче.

Вкупно, постигна повеќе од 400 гола во својата кариера, а со заминувањето во Шалке, ќе се врати во Германија по 15 години, кога го напушти Волфсбург.

Жан-Филип Матета постигна договор со Јувентус и го чека исходот од преговорите меѓу Кристал Палас и „старата дама“.

Италијанските медиуми открија дека Матета ја прифатил понудата на Јувентус, според која ќе заработува 4.000.000 годишно, но сега следува потешкиот дел од преговорите.

Наводно, Палас сака да собере 35.000.000 евра и бонуси, додека Јувентус нуди опција за позајмица до крајот на летото со задолжителен откуп за 28-30.000.000 евра. Оваа понуда клубот од Лондон ја одбил.

Матета врши притисок врз Палас, кој нема многу простор за маневар, поради што медиумите тврдат дека трансферот, на овој или оној начин, ќе биде договорен во наредните 48 часа.

Матета има договор до летото 2027 година и влегува во последната сезона во јуни, па Палас сигурно ќе профитира од него.

Палас за трансферот на ;Матета од Мајнц, во 2022 година, плати 11.000.000 евра.

Јасно е дека Матета доаѓа како замена за Душан Влаховиќ, кој ќе го напушти Торино како слободен играч следното лето.

Foto/ depositphotos