Томас Тухел повторно реши да го изостави Нејмар од тимот на Пари Сен-Жермен додека траат шпекулациите (и преговорите) за неговата иднина, но тоа не му пречеше на францускиот шампион да стигне до убедлива 4:0 победа над Тулуз, откако го скршија отпорот на противникот во второто полувреме.

Максим Чупо-Мотинг ја искористи својата шанса и во 50. минута ги донесе домаќините до водство, а само шест минути подоцна Гонсалвес си постигна автогол.

Во 69. минута, Анхел ди Марија можеше да си дозволи да биде непрецизен од белата точка, за во 75. минута Чупо-Мотинг да го постигне својот втор гол. Во 83. минута, Маркињос ги постави конечните 4:0.

И без повредените Лионел Меси и Луис Суарез, Барселона стигна до убедлива 5:2 победа над Реал Бетис на „Ноу Камп“, каде што свое шоу имаше новата ѕвезда на Блауграна, Антоан Гризман.

Првично, имаше „шок“ за домаќините, откако Набил Фекир во 15. минута го замолче „Ноу Камп“ за водство на клубот од Севилја, но потоа на сцена стапи Гризман. Французинот прво во 41. минута израмни на 1:1, пред со фантастичен втор гол по пет минути во второто полувреме да го најави супер-пресвртот.

По постигнувањето на голот, Гризман доби конфети и го симулираше својот идол, НБА мега-ѕвездата Леброн Џејмс за интересна прослава.

Ова како да го крена духот на домашниот тим, и само шест минути подоцна (56. минута) Карлес Перез зголеми на 3:1, за во 60. минута Жорди Алба да ја најави катастрофата на Бетис за 4:1. Во 77. минута, замената Артуро Видал начека шанса да зголеми на 5:1, иако само две минути подоцна Лорен да намали на 5:2.

Griezmann’s celebration is pure class.pic.twitter.com/0VljpXDQRq

— BU Videos/Gifs (@BU_Videos) August 25, 2019

Antoine Griezmann did the @KingJames chalk toss with blue and red confetti after his second goal 👑 pic.twitter.com/eKjBDYKl7K

— B/R Football (@brfootball) August 25, 2019

Рома и Џенова одиграа трилер натпревар во првото коло од Серија А, откако на „Олимпико“ домаќините трипати поведуваа, но упорните гости трипати успеваа да израмнат.

Лацио беше сигурен против Сампдорија (0:3), Аталанта од 2:0 го „сврте“ резултатот за 3:2 победа над СПАЛ, додека и со Синиша Михајловиќ покрај нив, Болоња успеаја да одиграат само 1:1 на гостувањето кај Верона.

Ченгиз Ундер уште во шестата минута ја донесе „волчицата“ во водство, но седум минути подоцна Андреа Пинамонти израмни на 1:1. Един Џеко по половина час игра повторно стрелаше за Рома, но во 43. минута со гол од пенал на Кришито, Џенова повторно израмни. Александар Коларов на почетокот на второто полувреме повторно донесе предност за Рома, но Кристијан Куаме во 70. минута од мечот ја покажа упорноста на Џенова, за која во составот не беше Горан Пандев.

Лацио немаше вакви проблеми со вториот клуб од Џенова, Сампдорија, победувајќи со 3:0 на гости благодарение на двата гола на Чиро Имобиле и едниот на Хоакин Кореа.

СЕРИЈА А, 1.КОЛО

Рома – Џенова 3:3

Каљари – Бреша 0:1

Сампдорија – Лацио 0:3

СПАЛ – Аталанта 2:3

Торино – Сасуоло 2:1

Верона – Болоња 1:1