Рафаел Надал нема да игра за десетта титула од Мастерсот во Рим, откако во шокантен меч загуби со 6:2/7:5 од Диего Шварцман, откако малиот Аргентинец во 10-тиот меч против „кралот“ на земја ја оствари првата победа.

Ова дефинитивно е меѓу најголемите победи во кариерата на Шварцман, кој покрај тоа што го немаше победено Надал, првпат во својата кариера победи тенисер во топ 5 (1-22 скор).

28-годишниот Аргентинец во полуфиналето на „Форо Италико“ ќе игра со Канаѓанецот Денис Шаповалов, кој со 6:2/3:6/6:2 го победи Григор Димитров во четврт-финалето. Во второто полуфинале ќе играат светскиот број 1, Новак Ѓоковиќ и Норвежанецот Каспер Руд.

Арсенал се приклучи на Евертон и Кристал палас со две победи во првите два меча во Премиер лигата, откако Еди Нкетија им донесе 2:1 победа во лондонското дерби против Вест хем.

„Топчиите“ дојдоа во водство во 25. минута со 50-тиот гол во дресот на Арсенал на Александер Лаказет по убавата акција на капитенот Пјер-Емерик Обамејанг, но Мајкл Антонио успеа да израмни за тимот на Дејвид Мојс во 45. минута.

Овој резултат беше актуелен до 86. минута, кога по една прекрасна акција, Дани Себалјос му асистираше на Нкетија за убава победа.

Без Един Џеко и со Хенрик Мхитарјан како единствен напаѓач, Рома одигра само 0:0 на гостувањето кај Верона во разочарувачкиот втор меч од новата сезона во Серија А.

Џеко, кој го чека трансферот во Јувентус, но само откако Аркадијуш Милик ќе пристигне од Наполи, така што Пауло Фонсека немаше голем избор.

Рома имаше повеќе од играта во првото полувреме, но Верона ја имаше најдобрата шанса во судското продолжение, кога ударот на Тамезе заврши во стативата. Димарко и во второто полувреме ја погоди стативата за Верона, и домашните навивачи треба да бидат разочарани што пропуштиле победа.