Лигата на шампионите 2018/19 стартуваше во необичен термин во 19 часот, со „магичниот“ хет-трик на Лионел Меси за да ја најави 4:0 победата на Барселона, а на чело во групата ќе им прави друштво Интер, откако во драматичен финиш со 2:1 го совлада Тотенхем.

Барселона го пречека холандскиот гигант, ПСВ Ајндховен, и првиот гол во новата сезона го постигна стариот познаник, Лионел Меси и тоа со фантастичен слободен удар, нешто што станува специјалност на Аргентинецот во последно време.

Овој резултат беше актуелен до 75. минута, кога Усман Дембеле постигна убав гол, за само две минути подоцна Меси доби одлична топка од Иван Ракитиќ за по третпат голманот на ПСВ да ја вади топката од мрежата. Иако Барса остана со играч помалку по вториот жолт картон на Умтити, Меси го комплетираше хет-трикот во 87. минута за да најави дека Барса оваа година тргнува во трофејот во ЛШ.

Тотенхем за малку не успеаја да го „расипат“ враќањето на Интер во елитата, откако примија два гола во последните пет минути од мечот за 2:1 победа на „нераѕурите“ и прекинување на лошата низа резултати на тимот на Лучано Спалети.

Хери Кејн имаше совршена шанса во првото полувреме да го совлада Хандановиќ на голот, но не успеа. Кристијан Ериксен го постигна својот гол на помалку комичен начин во 56. минута.

Кога изгледаше дека Интер ќе се врати во ЛШ со пораз, Мауро Икарди постигна прекрасен гол од дваесетина метри во 86. минута, за во 92. минута Матијас Весино да обезбеди победа за „нераѕурите“ по еден корнер!

ЛИГА НА ШАМПИОНИ, ГРУПА Б

Барселона – ПСВ Ајндховен 4:0

Интер – Тотенхем 2:1

Фото: ЕПА

Роџер Федерер не се согласува со Серена Вилијамс застанувајќи во одбрана на судијата Карлос Рамос за скандалозното финале од САД опен, во кое Американката се расправаше со судијата и го загуби мечот од Наоми Осака.

Американката доби прва казна кога нејзиниот тренер Патрик Муратоглу ѝ даваше совети од трибините, а доби уште една казна за кршење на рекетот. 23-кратната гренд слем шампионка потоа влезе во неочекувана расправија со Рамос нарекувајќи го крадец пред тој да ѝ даде трето предупредување и да ја казни со гем.

Рамос беше обвинет дека е сексист и дека не би казнил тенисер доколку го направи истото, но Федерер не се согласува со тоа.

„Тоа беше интересна ситуација и важно е да се гледа на рамноправноста во спортот. Секој судија има свој стил, како и во секој спорт. Може некој сака повеќе да внимава да нема совети од тренерите, некој сака да внимава на времето што се троши. Не верувам дека постои разлика само бидејќи некој е машко, но грешки се случуваат и тие треба да имаат свое право да го прават тоа“, вели Федерер.

Тој зборуваше на настан за фондацијата на поранешниот американски тенисер, Енди Родик, кој исто така се согласува дека сексизмот не е присутен во тенисот.

„Не треба да се заборави дека тенисот е предводник – постои еднаква распределба на наградниот фонд на речиси сите турнири. Ако сакаме да покажуваме со прст, тенисот е последен на кој треба да се покаже. Да, секогаш може да биде подобро, но во тенисот има поголема родова рамноправност од кој било друг спорт“, вели Родик.

Серена остана на своето: Бев во право!

Претседателот на Барселона, Џосеп Марија Бартомеу, оценил дека заминувањето на Кристијано Роналдо од Реал Мадрид негативно влијае врз Ла Лига. Роналдо, во летниот преоден рок, се пресели во Јувентус, што го прави овој тим еден од најсериозните кандидати за титулата во Лигата на шампионите.

„Андреа Ањели заврши одлична работа. Жал ми е што од Ла Лига, втора година по ред, заминува вистинска ѕвезда. Лани тоа беше Нејмар, сега Роналдо. Ова заминување може да има негативни последици по првенството. Не се грижам дали Реал ќе биде послаб, јас сакам најдобриот фудбале да се игра во Шпанија. Роналдо не е само засилување за Јувентус, тој го унапреди комплетниот италијански фудбал“, рекол Бартомеу.

Инаку, Кристијано Роналдо вечерва повторно ќе игра натпревар во Шпанија. Јувентус, во Лигата на шампионите, гостува во Валенсија.