Спорт
Пипита и Азар „пукнаа петарда“ во мрежата на Хадерсфилд (Видео)



Гонзало Игуаин ги постигна првите голови во дресот на Челси. „Сините“ во 25 коло убедливо го поразија последно пласираниот тим во лигата Хадерсфилд. Тимот на Маурицио Сари барем до утре ќе биде на четвртото место на табелата.
Бесот за поразот во Бортмут, играчите на Члеси го искалија врз Хадерсфилд. „Сините“ испорачаа пет гола во мрежата на најлошиот тим во Премиер лигата. По два гола постигнаа Гонзало Игуаин и Еден Азар, а конечниот резултат го постави Давид Луиз.
Игуаин ги постигна првите два гола за својот нов клуб. Аргентинецот минатата недела им се приклучи на Челси.
Кристал Палас во малото лондонско дерби ги совладаа Фулам со 2:0. Првиот гол го постигна Лука Миливојевиќ од пенал, а конечниот резултат го постави Шлуп во 87 минута.
Брајтон и Вотфорд одиграа натпревар без голови, додека Барнли во драматичен финиш успеаја да се спасат од пораз против Саутемптон. Барнс од пенал во 94 минута им донесе бод на Барнли, откако претходно Саутемптон водеа со голот на Редмонд во 55 минута.
Евертон забележаа уште еден пораз оваа сезона на домашен терен. Вулверхемтон победија на Гудисон парк 3.1. Рубен Невеш, Хименез и Дендокер беа стрелци за „волците“, а единствениот гол за Евертон го постигна Андре Гомеш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Падна договор меѓу Арсенал и Ѓекереш

Арсенал е на добар пат да го потпише Виктор Ѓекереш, еден од најбараните напаѓачи во Европа во моментов.
Како што објави „Атлетик“, преговорите меѓу „Топџиите“ и играчот на Спортинг напредуваат добро и веќе се зборува за петгодишен договор за 27-годишниот Швеѓанец.
Во претходната сезона, со 54 гола на 52 натпревари, Ѓекереш му помогна на Спортинг да стигне до двојната круна.
Долго време неговото име се поврзува со Арсенал, и не е тајна дека преселбата во лондонскиот клуб е негова голема желба, сега наводно сите услови се веќе договорени.
Со доаѓањето на Андреа Берта како спортски директор на „Топџиите“, доведувањето на Ѓекереш беше поставено како еден од приоритетите на клубот.
Се шпекулира дека фиксниот дел од трансферот ќе изнесува 65 милиони евра, а уште 15 милиони Спортинг ќе може да заработи преку бонусите.
Спорт
Пјастри: Нема да зборувам многу, би можел да се најдам во неволја

Трката за Големата награда на Велика Британија во Силверстоун донесе ново намалување на разликата меѓу асовите на Мекларен, Оскар Пјастри и Ландо Норис. А тоа значи и зголемување на тензиите, а дека се оди во тој правец може да се насети и по изјавата на Австралиецот по завршувањето на трката.
Лидерот во генералниот пласман ги имаше сите адути во свои раце – водечка позиција, контрола на трката. Но, една кардинална грешка и казна од 10 секунди практично го чинеше победа, па наместо да се оддалечи од тимскиот колега за уште осум поени и да стигне до разлика од 23 бода, ситуацијата се сврте – Норис ја намали разликата на само осум поени на половина од сезоната.
Самиот Пјастри не е задоволен од казната, смета дека е неправедна. Кога отиде да ја одработи казната и дојде до предавање на позицијата на Норис, побара од тимот да му наложат на Норис да ја врати позицијата и да се тркаат, но Мекларен тоа го одби.
„Нема да зборувам многу, за да не западнам во неволја. Но изгледа дека повеќе не смее да се кочи зад безбедносното возило – изјави Пјастри.
Фото: ЕПА
Спорт
Пјастри му ја подари победата на Норис, Хулкенберг е херојот во Британија

Ландо Норис го искористи подароот од тимскиот колега Оскар Пјастри и победи на трката за Големата награда на Велика Британија. Тркањето на култната патека во Силверстоун ја обележа безбедносното возило, кое шест пати излезе на патеката и брилијантниот Нико Хулкенберг кој го комплетираше подиумот.
Трката која се возеше по тешки услови, требаше, но не ја доби Пјастри. Австраиецот направи глупава греша додека безбедносното возило беше на патеката, поради што доби казна од 10 секунди, што му овозможи на Норис да ја забележи осмата победа во кариерата.
Херој на денот е Хулкенберг од Заубер, во 239 настап во Ф1 трка прв пат се искачи на подиумот. Германецот трката ја започна од 19. позиција.
Бодови во Британија освоија Хамилтон, Ферстапен, Гасли, Строл, Алонсо, Албон и Расел.
Во првенството сега следува пауза од три недели. Следната трка ќе се вози во Белгија на Спа Франкошамп.
Foto/ EPA/PETER POWELL