Роџер Федерер, според многумина најдобриот тенисер на сите времиња, смета дека Новак Ѓоковиќ може уште повеќе да ја унапреди својата игра. Швајцарецот, дополнил, дека српскиот тенисер се уште не е на нивото од пред неколку сезони, кога бил непобедлив.

Федерер и Ѓоковиќ, се наоѓаат во Чикаго, каде од 21. до 23.септември ќе настапат на второто издание на „Лејвер купот“. Швајцарецот и Србинот се во тимот Европа.

Последниот меѓусебен меч овие двајца го имаа пред еден месец, кога Ѓоковиќ победи 6:4, 6:4 на мастерсот во Синсинати.

„Од Новак можеме да очекуваме уште многу работи. Во овој момент не го игра својот најдобар тенис. Мислам дека му уште малку му недостига за да го достигне нивото од пред неколку години кога играше најдобар тенис и кога буквално беше непобедлив“, рекол, Федерер.

Роџер Федерер и Новак Ѓоковиќ досега имаат одиграно 46 меча, а Србинот има две победи повеќе (22:24).

Италијанските градови Коритна Дампецо, Милано и Торино ја откажаа заедничката кандидатура за организација на Зимските олимписки игри (ЗОИ) во 2026 година.

Кандидатурата пропаднала бидејќи не можеле да постигнат договор кој од градовите ќе ја има водечката улога во целиот проект. Кандидатурата повеќе ја нема ниту поддршката на италијанската влада.

Милано и Коритна сакаат да се обидат без Торино да ја продолжат кандидатурата, меѓутоа тој проект владата нема да да го финансира.

„Доколку Ломбардија и Венето (покраини во Италија), сакаат заеднички да организираат ЗОИ, владата нема да им стои на патот, но нивната кандидатура нема финансиски да ја поддржи“, рекол државниот секретар Џанкарло Џорџети.

Речиси во исто време од кандидатурата се откажа и јапонскиот град Сапоро, поради земјотресот што неодамна го погоди градот и околината. Во земјотресот загинаа 44 лица, а 660 беа повредени. Земјотресот предизвика голема материјална штета во градот во кој живеат 1,9 милиони луѓе.

За добивање на организацијата на ЗОИ во 2026 година во конкуренција останаа Калгари, Грац, Стокхолм, Сион и Ерзурум. Меѓународниот олимписки комитет името на домаќинот ќе го соопшти во септември 2019 година.

Вечерва ќе биде комплетирано првото коло од 27.сезона во Лигата на шампионите. На програмата се дуелите во групите Е, Ф, Г и Х. Шампиониот од претходните три сезони Реал, на домашен терен, одбраната на титулата ќе ја започне против полу-финалистот од мината сезона, Рома.

Покрај натпреварот во Мадрид, интересни пресметки се очекуваат ви Лисабон и во Валенсија. Бенфика ќе го пречека Баерн, додека Јувентус со Кристијано Роналдо ќе гостува на „Местаља“ во Валенсија.

Денешната програма повторно нуди два натпревари во терминот од 18:55 часот. Во Е-групата ќе играат Ајакс-АЕК Атина , а во Ф-групата ќе се сретнат Шахтјор-Хофенхајм.

Останатите дуели се од 21 часот:

Група Е:

Бенфика-Баерн Минхен

Група Ф:

Манчестер сити-Олимпик Лион

Група Г:

Викторија Плзен-ЦСКА Москва
Реал Мадрид-Рома

Група Х:

Јанг Бојс-Манчестер јунајтед
Валенсија-Јувентус