Спорт
Реал ја намалија клаузулата на Роналдо на „само“ 120 милиони евра?
Шпанските медиуми тврдат дека има драматичен развој на настаните околу иднината на Кристијано Роналдо, откако Реал Мадрид решија да ја намалат неговата клаузула за раскин на договорот од 1.000 милиони евра на „само“ 120 милиони евра, со што заминувањет…

Шпанските медиуми тврдат дека има драматичен развој на настаните околу иднината на Кристијано Роналдо, откако Реал Мадрид решија да ја намалат неговата клаузула за раскин на договорот од 1.000 милиони евра на „само“ 120 милиони евра, со што заминувањето станува пореално.
Според „Марка“, ова „спуштање“ е договорено уште на почетокот на февруари, и клаузулата нема да се однесува на Барселона (поради големото ривалство) и на Пари Сен-Жермен (поради нивните пари), кои би требало да ја платат целата сума ако се заинтересирани за Португалецот.
Според „ОК дејли“, пред финалето на Лигата на шампиони во Киев, три клубови од Премиер лигата (Манчестер сити, Арсенал и Челси) и еден од Серија А (Милан) му соопштиле на агентот на Роналдо, Жорге Мендеш, дека се подготвени за трансфер за 120 милиони евра и годишна плата од 40 милиони евра. Според овој извор, Роналдо веќе ја направил конечната одлука да замине од Реал поради неисполнетите ветувања околу подобрувањето на условите на неговиот договор со „Лос бланкос“.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Горецка пред трансфер во Премиер лигата
Репрезентативецот на Германија, играч на Баерн, Леон Горецка (30), би можел да му се приклучи на Тотенхем во зимскиот преоден рок, објавија британските медиуми.
Оваа сезона, Горецка не беше во почетниот состав на ниту еден од шесте натпревари од Лигата на шампионите, додека во Бундеслигата тренерот Винсент Компани често го заменува по еден час игра.
Тренерот на Спарс, Томас Франк, верува дека германскиот играч за врска би бил одлично решение за проблемите во средниот ред, а медиумите тврдат дека Горецка е отворен и за нови предизвици.
Поволна околност кога станува збор за потенцијален трансфер во англиски клуб е фактот што договорот на Горецки со Баерн истекува на крајот од оваа сезона.
Foto/ depositphotos
Спорт
Фелипе Луис го продолжи договорот со Фламенго
Фелипе Луис ќе остане тренер на Фламенго до 2027 година, објави во понеделникот бразилскиот клуб.
Човекот кој освои пет трофеи во првата година од својата професионална тренерска кариера, потпиша нов договор и со тоа стави крај на сите шпекулации за неговиот понатамошен ангажман.
Фиелипе Луис, некогаш ѕвезда на Атлетико Мадрид и бразилската репрезентација, веднаш по завршувањето на кариерата, започна да работи како тренер. Прво во тимовите до 17 и до 20 години на Фламенго, а првиот тим го презеде во септември 2024 година.
Со клубот од Рио де Жанеиро, во тековната година го освои националното првенство на Бразил, Купот, Суперкупот, првенството Кариока и Копа Либертадорес.
„Тој не оди никаде“, пишува во официјалното соопштение на Фламенго во врска со потпишувањето на новиот договор.
Спорт
Роналдо откри кога ќе се пензионира
Најдобриот стрелец на португалската репрезентација, 40-годишниот Кристијано Роналдо, изјави дека ќе престане да игра кога ќе ја постигне својата цел, односно ќе собере илјада гола во кариерата.
Роналдо постигна два гола за својот Ал-Наср во победата од 3-0 против Ал Акдуд во фудбалското првенство на Саудиска Арабија во саботата. Тој дојде до бројката од 956 гола во кариерата досега, а му недостасуваат 44 гола за да ја постигне својата цел.
„Не е лесно, но сум многу мотивиран и полн со страст. Не е важно каде играм, во Европа или на Блискиот Исток. Секогаш уживам во фудбалот и сакам да играм повеќе. Знаете кои се моите цели: да освојувам трофеи и да стигнам до илјада гола. Ако ме одминат повредите, дефинитивно ќе ја достигнам бројката од илјада гола“, рече Роналдо, кој го носи дресот на Ал-Наср од јануари 2023 година, а ова лето го продолжи договорот до јуни 2027 година.
Роналдо е најдобриот стрелец во историјата на Реал Мадрид со 450 гола. Со 143 гола, тој е рекордер и во португалската репрезентација. Исто така, тој е единствениот фудбалер кој ја поминал границата од 100 гола во дресот на четири клуба (Манчестер Јунајтед, Реал Мадрид, Јувентус и Ал-Наср).
Foto/ depositphotos

