Голден стејт вориорс откупија реклама од цела страна во весникот „Торонто сан“ за да ја честитаат НБА титулата на Торонто репторс, кои ги спречија да стигнат до третата последователна титула.

Рекламата се појави истиот ден кога Репторс ја имаа победничката парада во Торонто, со околу 2 милиони луѓе на улиците.

„Голден стејт вориорс им честитаат на Торонто Репторс за историскиот успех и носењето на НБА титулата во градот Торонто“, се вели во рекламата покрај фотографија на Стеф Кари во прегратка со Кајл Лаури по финалето.

Репторс ја освоија титулата со 114:110 победа во шестиот натпревар во Оукленд минатата недела.

Full page ad in today’s @StarSports section. Classy move by the Golden State Warriors. pic.twitter.com/XtkYCtDAKq

— Alex Ballingall (@aballinga) June 17, 2019

Рома официјално одговори на експлозивната прес-конференција на Франческо Тоти, оценувајќи дека „неговите впечатоци за клубот се измислени и далеку од реалноста“.

Поранешниот капитен ја одби понудата да стане технички директор на клубот и си замина од „волчицата“ по 30 години, обвинувајќи ја управата на чело со претседателот Џејмс Палота и Франко Балдини дека сакаат да ги „остранат“ римјаните од клубот. Официјалниот веб-сајт на клубот не ја покриваше прес-конференцијата, туку се јави со соопштение вечерва.

„Клубот е екстремно разочаран што Франческо Тоти реши да го напушти клубот и да не ја преземе позицијата на технички директор, која му беше понудена по заминувањето на Мончи и за која чекавме одговор. Веруваме дека улогата која му ја понудивме беше една од најодговорните во клубот и побаруваше целосна посветеност, нешто што се очекува од сите на високи позиции. Бевме подготвени да бидеме трпеливи со Франческо и да му помогнеме во транзицијата од голем фудбалер во голем менаџер. Сфаќаме колку е тешко да си замине од АС Рома по 30 години, веруваме дека неговите впечатоци за фактите и одлуките во клубот се измислени и далеку од реалноста“, се вели во соопштението на Рома.

Покрај ова, од клубот исто така предупредија дека не е можен кам-бек под нова сопственичка структура.

„По информациите околу заинтересираните за клубот од целиот свет, се надеваме дека тоа не беше неправилно очекување на преземање на клубот, сценарио кое ќе биде опасно, бидејќи Рома е компанија на берзата. Инвестициската група нема намера да ја продава АС Рома, ниту сега, ниту во иднина. Му посакуваме на Франческо многу среќа во иднината“, се завршува во соопштението.

Official statement from AS Roma: Francesco Totti

➡️ https://t.co/SmLpy7Qfrv pic.twitter.com/R0AuYfSCOx

— AS Roma English (@ASRomaEN) June 17, 2019

Тоти си заминува со горчина во устата: Како да умирам!

Лошиот пораз на Аргентина од 2:0 од Колумбија во првиот меч на Копа Америка го налути легендарниот Диего Марадона, кој влезе во остар напад на сите фудбалери кои според него не се достојни да го носат дресот.

Аргентина и покрај тоа што речиси секогаш има огромни ѕвезди во својот состав, последен пат освои голем трофеј во 1993 година (Копа Америка), откако загубија две финалиња на Копа Америка и едно на Светското првенство.

„Овој тим би загубил и од Тонга! Постои престиж кој треба да се заддржи и за кој сме се бореле. Се сеќавате кога загубивме од Перу кога го искршивме автобусот? Што остана од тоа? Што е овој дрес? Го навредувате дресот, копилиња“, напиша Марадона, кој неодамна се откажа од тренерското место во мексиканскиот второлигаш Дорадос поради медицински причини.