Спорт
Тотенхем се „закопа“ во Холандија, стоп за Монако и Анри (видео)
Тотенхем ги загуби реалните шанси за пласман понатаму во Лигата на шампиони, откако на гостувањето кај ПСВ Ајндховен не успеа да издржа и одигра 2:2 во меч полн со возбудувања, поништени голови и црвен картон за Иго Љорис. Тјери Анри во европското деби…

Тотенхем ги загуби реалните шанси за пласман понатаму во Лигата на шампиони, откако на гостувањето кај ПСВ Ајндховен не успеа да издржи и одигра 2:2 во меч полн со возбудувања, поништени голови и црвен картон за Иго Љорис. Тјери Анри во европското деби на клупата на Монако го предводеше својот тим до разочарувачко 1:1 реми на гости кај Клуб Бриж.
Мексиканскиот напаѓач Ирвинг Лозано ги донесе ПСВ во водство по половина час игра, по големата грешка на Тоби Алдервирелд, а мизеријата за Спарси се зголеми веднаш потоа кога на прв поглед регуларниот гол на Давинсон Санчез беше поништен.
Лукас Моура израмни пред крајот на полувремето, пред само 10 минути по полувремето, Хери Кејн да донесе водство од 1:2. Меѓутоа, голманот Иго Љорис доби црвен картон во финишот на натпреварот по фаулот над Лозано. Првиот поен за ПСВ во ЛШ оваа сезона го обезбеди Лук де Јонг во 87. минута. По ова реми, ПСВ и Тотенхем имаат по 1 поен, додека Барселона и Интер, кои вечерва се среќаваат веќе имаат по шест.

Монако исто така не успеа да стигне до првата победа во ЛШ оваа сезона, по 1:1 ремито во Белгија против Бриж, прв европски со Тјери Анри како тренер. По овој резултат, Монако и Бриж имаат по еден поен, додека Борусија Дортмунд и Атлетико Мадрид се на врвот со по шест поени.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Вања го сруши светскиот рекорд
Вања Милинковиќ-Савиќ (28), голман на актуелниот италијански шампион Наполи, направи вистински подвигот во осминафиналето на купот.
Наполи и Каљари во 90 минути одиграа 1:1, па победникот беше решен по изведување на пенали.
Наполи победи со 19:8 откако двата тима упатија дури 10 шута од по 11 метри. Херој во пенал рулетот беше голманот на Наполи. Во последната серија, тој одбрани удар на Жито Лувумбо, но пред тоа направи нешто веројатно невидено.
Шутираше пенал во осмата серија, постигна гол со моќен удар под пречката. Неговиот колега од другата страна, Елија Каприла, беше немоќен да одбрани таков удар.
Голот што го постигна Милинковиќ-Савиќ со топовски удар од 11 метри веднаш стана вирален на социјалните мрежи.
Српските медиуми објавуваат дека аналитичарот Рикардо Тревисани изјавил дека Милинковиќ-Савиќ ја шутирал топката така што таа влегла во голот со брзина од 130 километри на час.
Vanja Milinković-Savić, one of the best goalkeepers itw. pic.twitter.com/GO6MKG96AE https://t.co/q8Z7OH6bBM
— Daniel (@danieIscouting) December 3, 2025
Доколку ова е точно, Милинковиќ-Савиќ го срушил рекордот што го држеше Трент Александер-Арнолд.
На Европското првенство минатата година, тој постигна гол од пенал со топка што се движеше со брзина од 125,6 километри на час. Во текот на својата кариера, Милинковиќ-Савиќ веќе изведуваше пенали, а претходно изведуваше и слободни удари.
Foto/ EPA
Спорт
Реал скапо ја плати победата во Билбао
Во 19-то коло од шпанската Ла Лига, фудбалерите на Реал Мадрид забележаа убедлива победа од 3:0 на гостински терен против Атлетик во Билбао. Килијан Мбапе ги предводеше „Кралевите“ до победа со два, а Едуардо Камавинга додаде еден со асистенција на Мбапе. По овој резултат, Реал се доближи на еден бод од лидерот Барселона, додека Атлетик е осмиот тим во Ла Лига со 20 бода.
Победата во Билбао е со горчлив вкус, бидејќи мечот не го завршија двајцата најдобри, покрај Мбапе.
Англискиот дефанзивец Трент Александер-Арнолд мораше да го напушти натпреварот поради повреда. Токму кога го одигра најдобриот натпревари во дресот на Реал. Доживеа повреда на бутниот мускул на левата нога, а првите прогнози не се оптимистички, пишува шпанскиот весник „Марка“.
Арнолд ќе биде подложен на детални прегледи за да се утврди точниот степен на повредата, но вестите што доаѓаат од клубот не влеваат надеж.
„И двата случаи се загрижувачки“, соопшти Реал, осврнувајќи се на состојбата на Трент и повредениот соиграч Едуардо Камавинга. Тој исто така пред време го заврши натпреварот, само 14 минути откако Англичанецот излезе од игра во 55-та минута.
Спорт
Нејмар го води Сантос кон опстанок во лигата
Нејмар (33) му помогна на Сантос да направи клучен чекор во борбата за опстанок во лигата, постигнувајќи хет-трик во победата од 3:0 против Жувентуд. И покрај тоа што играше со повреда на коленото, бразилската ѕвезда ги постигна сите три гола во рок од 17 клучни минути во второто полувреме, со што му донесе на Сантос исклучително важна победа.
Нејмар веројатно ќе мора да се подложи на артроскопска операција на крајот од сезоната поради повреда на менискусот на левото колено. Тој ги одигра последните два натпревари со третмани за контрола на болката што ја чувствува. Со три нови гола, тој го зголеми својот учинок на 11 гола и четири асистенции во 29 натпревари за бразилскиот тим оваа сезона.
Хет-трикот против Жувентуд беше негов прв од април 2022 година, кога последен пат постигна три гола за Пари Сен Жермен против Клермон.
Поранешната ѕвезда на Барселона го постигна првиот гол во 56-та минута по брз контранапад. Помалку од десет минути подоцна, Нејмар повторно беше прецизен, овој пат по центаршутот на Игор Винисиус. Тој го комплетираше хет-трикот од пенал, кратко пред да биде заменет во 83-та минута.
Победата значително го оддалечи неговиот клуб од зоната за испаѓање, а до крајот на сезоната останува само еден натпревар. Сантос сега е два бода пред Виторија, клубот моментално на последното место меѓу четирите екипи кои испаѓаат во втората лига на Бразил.
Foto/ EPA

