Фудбалскиот клуб Барселона потврди дека Артуро Видал во летниот преоден рок ќе го напушти клубот. Речиси сигурно е дека Чилеанецот ќе се пресели во Интер кај својот поранешен тренер Антонио Конте.

Видал од почетокот на сезоната се поврзува со Интер. Барселона ќе се обиде да го понуди Видал како дел евентуалниот трансфер на Лаутаро Мартинез.

Се претпоставува дека за Чилеанецот Барселона ќе бара помеѓу 15 и 20 милиони евра. Од почетокот на сезоната тој одиграл само 13 натпревари за Барселона во шпанската Ла Лига.

Наполи во летниот преоден рок ќе се обидат да го реализираат трансферот на Лука Јовиќ. Српскиот напаѓач сезонава не ги оправда 60 милиони евра што во него ги вложи Реал Мадрид.

Наполи се во потрага по напаѓач за наредната сезона откако Аркадиуш Милик одби да го продолжи договорот и најави заминување. Полскиот репрезентативец го поврзуваат со Милан и Атлетико Мадрид.

Наполи целат кон Јовиќ, иако во нивните планови се наоѓа и Чиро Имобиле. Во клубот процениле дека трансферот на Јовиќ можат полесно да го реализираат. Познато е дека претседателот на Лацио Клаудио Лотито е тврд преговарач, а згора на тоа Лацио му понудиле нов договор на Имобиле.

„Апсурд – полесно е да донесете играч на Реал него на Лацио“, пишува на порталот „Форца Наполи“.

Градот Мемфис во професионалниот спорт во САД е застапен само со кошарката, но како стојат работите во блиска иднина може да остане и без неа.

Американските медиуми тврдат дека сопственикот на „гризлите“ Роберт Пера ќе побара дозвола од лигата да го пресели тимов во друг град. Пера е сопственик на клубот од 2012 година.

Веројатна дестинација е северот на Калифорнија, каде што е домот на Пера.

Гризлис како франшиза во НБА влегоа во 1995 година. Клубот е основан во Ванкувер, преселбата во Мемфис се случи во 2001 година.

Како една од причините што Пера сака да да ја пресели франшизата е слабата посетеност на натпреварите во Мемфис.