Спорт
Чемпионшип-лигата му донесе милионска добивка – типувал исто на сите 12 меча во Sport Life и погодил!

Среќно и со милионска добивка заврши драмата во англиската Чемпионшип лига за играчот на Спорт Лајф во Скопје-Центар.
Типувал само на 12 натпревари од последното коло на оваа лига, со еден ист тип – дека во првото полувреме ќе има најмалку еден гол и дека во второто полувреме ќе има најмалку еден гол на мечот (тип 1+I & 1+ II), потоа уплатил 3 220 денари за бруто добивка од 1 милион денари.
И навистина сè му пошло „од рака“. Сите 12 меча завршиле во негова корист, додека на натпреварот Шефилд – Мидлсбoро, посакуваниот гол од второто полувреме се паднал дури во 92-та минута за победа на гостите, но и за среќа на обложувачот на Спорт Лајф. Со тоа тој конечно освоил над 850.000 денари, од кои речиси 300.000 денари од бонус на добивката од акциската понуда на Sport Life „Лето на 500%“ . Во оваа понуда се нудат бонуси за уплатени тикети со најмалку осум пара, а во случајов на овој играч за 12 уплатени мечеви, бонусот на добивката се искачил до 40 отсто.
Сите коефициенти на милионскиот тикет се меѓу 1.40 и 1.75, односно се работи за игри кои реално можат да се остварат. Овој тикет е само уште една потврда дека среќата може во секој момент да ви се насмевне, па дури и на сите 12 меча во едно првенство да има барем по еден погодок во двете полувремиња.
Инаку, последното коло во англиската Чемпионшип заврши успешно за Вест Бромвич албион кој се пласираше во Премиер лигата, а Нотингам форест испадна од Топ 6 и нема да игра во плејофот за пласман во елитата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Французите и Швеѓаните со супериорност до четврт-финале

Фаворитите Франција и Шведска не дозволија никаква неизвесност околу нивниот пласман во четврт-финалето на Светското првенство во Египет, стигнувајќи до убедливи победи во последните мечеви од втората групна фаза на Мундијалот.
Избегнувајќи секакви „комбинаторики“, Французите го одиграа најдобриот меч на првенството, доминирајќи над Португалија и стигнувајќи до победа од 32:23 за прво место во групата 3 пред Норвешка, а во исто време Шведска исто толку беше супериорна над Русија, победувајќи со неверојатни 14 гола разлика (34:20) за да го освои првото место во групата 4 пред Египет.
Освен на почетокот на мечот, кога двапати Португалија имаше по гол предност, Франција ја имаше контролата на играта, правејќи дури +10 во второто полувреме. Иго Деска имаше осум гола за „триколорите“, по пет уфрлија Н’Гесан и Мем. Шведска, пак, работите ги реши уште во првото полувреме, кога имаа дури девет гола предност против Русија (17:8)
Швеѓаните во четврт-финалето ќе се сретнат со второпласираниот од групата 2, каде што во игра уште се Данска, Аргентина и Хрватска, додека Французите ќе играат со второпласираниот во групата 1, Унгарија или Шпанија.
СП ЕГИПЕТ, ВТОРА РУНДА
ГРУПА 3
Алжир – Швајцарија 24:27 (13:15)
Исланд – Норвешка 33:35 (18:18)
Португалија – Франција 23:32 (12:16)
Табела: 1.Франција 10, 2.Норвешка 8, 3.Португалија 6, 4.Швајцарија 4, 5.Исланд 2, 6.Алжир 0
ГРУПА 4
Македонија – Белорусија 26:30 (14:14)
Словенија – Египет 25:25 (14:8)
Русија – Шведска 20:34 (8:17)
Табела: 1.Шведска 8, 2.Египет 7, 3.Словенија 6, 4.Русија 5, 5.Белорусија 4, 6.Македонија 0
Спорт
Капа долу, капитену – Кирил Лазаров е најголемиот!

Македонија имаше неславен настап на Светското првенство во ракомет во Египет, со една победа и пет порази во шест меча, но никој не може да ја потцени големината на нашиот капитен, Кирил Лазаров, кој стигна до митската бројка од 500 гола во македонскиот дрес на големите натпреварувања, 22 години по неговиот прв настап на СП, токму во Египет во 1999 година.
Тој со право беше прогласен за играч на мечот по поразот од Белорусија, а во негова чест претходно ИХФ направи интересна компилација од неговите настапи за македонската репрезентација.
View this post on Instagram
Lazarov the Great 🇲🇰 #Egypt2021
22 years after his first IHF World Championship, precisely in Egypt, a thankful @LazarovKiril7 looks back at his most glorious days with the North Macedonia jersey 🙌
Full feature ▶️ https://t.co/qfVIZDdyyB pic.twitter.com/4wwQbFiYE5
— International Handball Federation (@ihf_info) January 24, 2021
Llegó el fin de una era.
🇪🇬 1999
🇭🇷 2009
🇪🇦 2013
🇶🇦 2015
🇫🇷 2017
🇩🇪🇩🇰 2019
🇪🇬 2021Kiril Lazarov se despide de los Mundiales. ¡Leyenda! pic.twitter.com/1wknPObvFF
— Asier Oiarbide (@AsierOiarbide) January 24, 2021
Пораз од Белорусија за крај на катастрофалното СП за Македонија
Спорт
Бруно ги „реши“ Ливерпул на „Олд Трафорд“

Манчестер јунајтед во многу подобар меч од тој од пред една недела, го доби големото дерби со Ливерпул со 3:2 во четвртото коло на ФА купот на „Олд Трафорд“, за уште еден удар на разнишаниот интегритет на англискиот шампион.
За разлика од мечот минатиот викенд на „Енфилд“, кога двата тима беа многу повлечени и внимателни во играта, во купот се играше поопуштено со повеќе шанси од двете страни, и секако со пет гола.
Гостите први дојдоа во водство, кога Мо Салах во 18-тата минута ја искористи слабата реакција на одбраната на „ѓаволите“ да го совлада Дин Хендерсон. Јунајтед, невообичаено во првите половина час имаше повеќе од поседот од топката и врати во 28. минута преку Мејсон Гринвуд по фантастичната топка која ја доби од Маркус Рашфорд.
Само што почна второто полувреме, во 48. минута, Гринвуд му асистираше на Рашфорд за Јунајтед да дојде во водство, но радоста не траеше долго – по една лоша реакција на одбраната на Јунајтед, Салах во 58. минута израмни. Џокерот на Солскјер беше Бруно Фернандеш, кој го замени Дони ван де Бек во 66. минута, и во 78. минута по еден невнимателен фаул над Единсон Кавани на работ на шестнаесетникот, Португалецот постигна убав гол од слободен удар за 3:2. Минути подоцна Кавани ја погоди стативата во ситуација во која беше сам пред Алисон Бекер.
Во петтото коло, Јунајтед на „Олд Трафорд“ ќе го пречека тимот кој го предводи нивниот поранешен менаџер, Дејвид Мојс, Вест хем.
Bruno Fernandes, take a bow 🎩pic.twitter.com/8LDPle9jML
— utdreport (@utdreport) January 24, 2021
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот