Контакт

Спорт

Ѓоковиќ ексклузивно за „Макфакс“: Во план ми е многу скоро да ја посетам Македонија и да одиграм партија тенис со Калин Ивановски

Објавено пред

НОЛЕ ГИ ПОЗДРАВИ НАВИВАЧИТЕ ВО МАКЕДОНИЈА, НАЈАВИ СКОРА ПОСЕТА НА ОХРИД И ПРИЈАТЕЛСКИ МЕЧ СО КАЛИН ИВАНОВСКИ

dobivaj vesti na viber

Од Вимблдон, Лондон, Ненад Живановски

На завршната, победничка прес конференција на Новак Ѓоковиќ, тој одговори и на две прашања на известувачот на Макфакс и Топспорт, Ненад Живановски.

– Со оглед дека најави дека од утре си на одмор, дали може да се надеваме ова лето да те видиме во Охрид, со оглед дека во Македонија сè уште не си бил, а твоите навивачи со нетрпение те очекуваат, особено после денешната, нова, седма, титула на Вимблдон.

„Се надевам дека многу скоро ќе ја посетам Македонија, и тоа ми е во план. Не знам дали тоа ќе биде сега одма, во наредните недели, но во план ми е дефинитивно. Би ги поздравил моите драги браќа и сестри од Македонија. Имам неколку пријатели од Скопје, кои постојано ми праќаат фотографии од Скопје и од Охрид и ми праќаат поддршка. Пред две години зборував и со Претседателот на Македонија да го одиграме Адриа Тур и во Македонија, но, за жал, поради короната сè се заврши како се заврши. Но тоа не значи дека нема да се игра во иднина и во Македонија. Би сакал да играм во Скопје. Сум бил во Македонија како многу малечок, одамна не сум бил и би сакал да одиграм партија тенис со новата надеж на македонскиот тенис Калин Ивановски. Калин е одличен, го гледам, го следам. Високо момче, добро момче, има одлична игра. Ќе го повикам на некои мои тренинзи во Белград, да изградиме некаков однос, за да му помогнам за да се домогне до некои тениски височини. И се надевам дека во тоа ќе успеам. Исто така, мојот чичко многу добро го познава неговиот татко Александар“.

Второто прашање се однесуваше на изјавата на Новак дека сè уште има мотив да игра тенис и не знае уште колку години ќе игра, така што од новинарот на Макфкас беше направена една занимлива паралела.

– Ноле, пред точно седум дена, во овие часови, Ролингстонс одржаа концерт овде во Лондон, на Хајд Парк, и нивниот официјален концертен фотограф, Бранислав Рашиќ, ми рече дека Мик Џегер никогаш не изгледал подобро на сцена од сега. Со оглед дека ти сè уште си гладен за победи и освојување гренд слемови, дали може да очекуваме и тенисот да добие свој Мик Џегер?

„Се надевам дека половина од кариерата на Мик Џегер ќе можам да имам, бидејќи тешко е да се очекува и во седумдесетите години да играм тенис. Можам да свирам и да пеам до тие години, но не и да играм тенис. Меѓутоа, немам некој лимит, ниту сакам да го имам, ниту сакам некој тоа да ми го наметнува. Тоа сите во мојот тим го знаат и тоа е забранета тема, за која не смее да ме праша никој уште колку време ќе играм или да ми наметнува негово мислење. Едноставно, ме оставаат јас тоа да го направам колку сакам и колку имам желба тоа да трае. А сигурно би требало уште да трае, кога сè уште освојувам гренд-слемови. Зошто би застанувал сега?!



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

УЕФА ја претстави новата Лига на шампиони

Објавено пред

Новиот формат на Лигата на шампионите ќе стартува од следната есен. Ова го објави УЕФА на официјалната веб-страница. Најважната промена е што во најсилното европско клупско натпреварување ќе учествуваат 36 клуба, а не 32 како досега.

dobivaj vesti na viber

„УЕФА покажа посветеност на основните вредности на спортот и ги бранеше принципите на отворени натпреварувања. Постои спортска солидарност, која го краси европскиот спортски модел“, изјави Александар Чеферин, претседател на УЕФА.

Нема повеќе групи, туку се игра лига систем на натпреварување. Во првата фаза секоја екипа ќе има по осум натпревари и ќе собира бодови за да се пласира во следната фаза. Веќе нема да играат против истите противници дома и на гости.

Квалификациите за Лигата на шампионите ќе бидат отворени во зависност од пласманот на клубот во домашното првенство на крајот од претходната сезона и националниот коефициент. Дополнителни четири екипи влегуваат во Лигата на шампионите според следните правила.

Една третопласирана екипа од петтата најсилна лига во Европа според коефициентот на УЕФА.

Другиот тим ќе биде шампион на својата земја кој преку патот на шампионите ќе влезе во Лигата на шампионите. Во Лигата на шампионите досега низ четирите прелиминарни кола влегуваа четири екипи, а од следната сезона ќе има место за пет.

Третата и четвртата екипа влегуваат врз основа на добрите резултати од претходната сезона. УЕФА автоматски ќе испрати две екипи во главната фаза од Лигата на шампионите според коефициентот и успехот од претходната сезона.

Системот на бодување не се менува. Остануваат три бода за победа и еден за нерешен резултат. Бидејќи сите екипи учествуваат во лигата, осумте најдобри одат директно во осминафиналето.

Екипите пласирани од 9. до 24. место ќе го одиграат еден натпревар дома и еден на гости за да се пласираат во осминафиналето.

Двојките во таа фаза ќе бидат одредени со ждрепка, а екипите ќе бидат поделени во две групи, носители (од 9. до 16. место во лигата) и неносители (од 17. до 24. место). Потоа, победниците ќе играат против еден од осумте најдобро пласирани од првиот дел на сезоната.

Прикажи повеќе...

Спорт

Порака испратена до Ливерпул и Баерн: Алонсо ќе остане во Леверкузен

Објавено пред

Чаби Алонсо оваа сезона бележи чудесни резултати со Баер Леверкузен. Неговиот тим е на добра пат да ја освои титулата во Бундеслигата, а има шанси да се бори и за трофеите во Купот на Германија и Лига Европа.

dobivaj vesti na viber

Моментално е најбараниот стручњак на пазарот, најмногу за него се распрашуваат Ливерпул и Баерн. Великаните на светскиот фудбал во наредната сезона ќе влезат со нови тренери. Клоп најави дека сигурно заминува од Ливерпул, а претпладнево дојде информацијата дека Тухел ќе го напушти Баерн.

Свесен за интересот на големите клубови, се огласи спортскиот директор на Леверкузен Симон Ролфес. Тој тврди дека Чаби Алонсо и наредната сезона ќе биде ги води „фармацевтите“.

„Сигурен сум дека Чаби останува. Тој е обврзан со договор и се чувствува добро кај нас. Има многу добар тим со перспектива за следната сезона. Секој сега има своја улога во клубот и квалитет да игра на врвно ниво. Не сме зависни од еден систем, но тој се прилагодува на играчите кои се на располагање“, изјави Ролфс.

Шпанецот е под договор до летото 2026 година. Но наводно во неговиот договор постои клаузула која му овозможува да го напушти Леверкузен, доколку го побара некој од неговите поранешни клубови: Ливерпул, Баерн или реал Мадрид.

Прикажи повеќе...

Спорт

(Фото) Почнаа тестирањата во Бахреин

Објавено пред

Foto/ EPA

dobivaj vesti na viber

Во Бахреин започнаа тестирањата за новата сезона на Формула 1. Сите болиди се на патеката и јавноста има прва можност да види како изгледаат, но и да ја види подготвеноста на возачите.

Тестирањето започна утрово во осум часот, а во првиот час највредни на патеката беа возачите на Астон Мартин кои извозеа речиси 30 круга, додека по нив следуваа Ред Бул, Хас и Алпин.

Фернандо Алонсо прв го постави најбрзото време, но многу брзо Макс Ферстапен го имаше најбрзиот круг. Добро се забавуваа и Валтери Ботас и Јуки Цунода.

На почетокот на тестирањето прв имаше проблеми Естебан Окон, потоа Шарл Леклер, Алекс Албон и Оскар Пјастри.

Инаку, за време на тестирањето, некои автомобили возат со специјални уреди зад воланот, некои автомобили се обоени со флуоресцентни бои за да се соберат важни податоци.

Флуоресцентниот автомобил Заубер е единствениот кој значително се разликува од минатата година кога станува збор за изгледот на автомобилот. Заубер повторно го носи тоа име по неколку години во кои настапуваше под брендот Алфа Ромео.

Што се однесува до времето, немаше многу изненадувања. Макс Ферстапен беше најбрз и имаше круг од 1:32.548. Шарл Леклер во Ферари беше за 699 илјадитинки побавен, а Фернандо Алонсо заостана една секунда. Следуваа Пјастри, Цунода, Расел, Ботас, Албон, Окон и Магнусен.

По еден возач од секоја екипа возеше во среда наутро, додека другата половина од возачите ќе возат попладне.

Прикажи повеќе...

Најново

Македонија1 час

Костадиновска-Стојчевска: Да се поништи конзерваторското решение за зградата кај Воената болница

Министерката за култура Бисера Костадиновска-Стојчевска, за изградбата на висококатницата до „Воена болница“ во Скопје, информираше дека го добила Извештајот од...

Македонија3 часа

Цените за катастарските услуги удрија по џебот на граѓаните: поскапувањето не е 300 отсто, туку 90

Според претседателот на Комората на трговските друштва за геодетски работи, Никола Рибароски, најновите поскапувања на тарифниците на Агенцијата за катастар...

Македонија3 часа

Вкупно 56 потврдени случаи на голема кашлица, во следните недели се очекува зголемен број кај повозрасните

По денешниот редовен состанок на Комисијата за заразни болести, претседателот Александар Петличковски рече дека состојбата со големата кашлица е под...

Македонија3 часа

Ковачевски се извини: Ги прифаќам сите реакции, не сакам да дојде време да се случува она што се случуваше до 2016

Лидерот на СДСМ, Димитар Ковачевски, присуствуваше на почетокот на градежните работи на објектот Универзална сала, каде повторно им се извини...

Македонија6 часа

„Мицкоски опкружен со луѓе поврзани со скандали со дрога“, велат СДСМ

„Мицкоски постојано е опкружен со луѓе поврзани со скандали со дрога. Пред неколку месеци претседателот на ДПМНЕ Христијан Мицкоски и...

Македонија6 часа

„И во последните денови од владеењето власта е брутална, сега си играат со судбината на Леонид“, вели ВМРО-ДПМНЕ

„Со СДС и ДУИ секојдневно тоне се, а цената дури и на последните денови од нивното владеење е висока, чини...

Свет8 часа

Кина остро ги критикува САД поради ставеното вето на резолуцијата за прекин на огнот во Газа

Кина остро ги критикуваше САД дека ставија вето на резолуцијата на Советот за безбедност на ОН со која се бара...

Европа8 часа

Западните лидери го обвинија Путин за смртта на Навални, Трамп не: „Можеше да остане настрана“

Поранешниот американски претседател Доналд Трамп вчера изјави дека Алексеј Навални бил многу храбар човек кој веројатно не требало да се...

Свет9 часа

Ники Хејли: Трамп е премногу стар

Кандидатката за републиканска номинација Ники Хејли вети дека ќе ја продолжи својата претседателска кампања, велејќи дека нема намера да се...

Регион9 часа

(Видео) Протест во Албанија, фрлени „молотови коктели“ врз зградата на владата: „Го рушиме режимот на Рама“

Демонстрантите од опозицијата вчера фрлаа молотови коктели и камења врз зградата на албанската влада, обвинувајќи ги владините претставници за вмешаност...

Европа19 часа

Лукашенко: Десетици илјади војници на НАТО се распоредени во близина на Белорусија и Русија

Претседателот на Белорусија, Александар Лукашенко, изјави дека загриженоста за можниот почеток на Третата светска војна е целосно оправдана, пренесува руската...

Македонија20 часа

ЗНАМ в четврток ќе избере лидер на партијата и кандидат за претседател на Македонија

Партијата Движење ЗНАМ-За наша Македонија на денешната прес конференција го најави првиот Конгрес, што ќе се одржи на 22 февруари...

Македонија20 часа

„Леонид не е на лекување во странство, туку на рехабилитација, затоа се одби барањето“, велат од ФЗО

„Барањето на осигуреното лице Б.И. од Скопје, за неговото дете Л.И. за упатување на лекување во странство се одби како...

Топ23 часа

Скопјанка почина на паркинг во Кисела Вода, телото е дадено на обдукција

Вчера околу 11.30 часот во СВР Скопје било пријавено дека на паркинг на подрачје на Кисела Вода во Скопје починала...

Македонија1 ден

(Видео) Поради ставот „да прооди, да прозборува, па ќе го вакцинираме“, ни се заканува и епидемија на морбили

Лекарите се едногласни во ставот дека одлагањето на вакцините е причина за сегашната епидемија на голема кашлица и предупредуваат дека...

Економија1 ден

На четиричлено семејство му се потребни приближно 1.000 евра за да го преживее февруари

Минималните трошоци на едно семејство во февруари изнесуваат 57.476 денари, што претставува зголемување од 313 денари во однос на јануари, покажуваат...

Македонија1 ден

Бојмацалиев: Стигнати се 20.000 обрасци за пасошите, до крајот на месецот се очекува поголема пратка

Во Министерството за внатрешни работи стигнати се 20.000 обрасци, а до крајот на месецот се очекува да стигне дополнителна поголема...

Македонија1 ден

Ахмети нема да прифати да биде претседател на држава, не му е приоритет да се натпреварува за било која функција, вели Џафери

Ахмети има мисија а не е претендент за функција, истакна техничкиот премиер Талат Џафери одговарајќи на новинарско прашање за можноста,...

Македонија1 ден

Убиен млад Македонец во Германија: го претепале до смрт со пивско шише

32-годишен маж од Македонија е убиен во германскиот град Есен, а како што пренесуваат локалните медиуми, младиот Македонец бил претепан...

Свет1 ден

Ким Џонг-ун доби подарок автомобил од Путин

Севернокорејскиот лидер Ким Џонг-ун доби подарок автомобил од рускиот претседател Владимир Путин „за лична употреба“, објавија државните медиуми, што претставува...