Американската боксерка, првак во средна категорија Клареса Шилдс (24) тврди дека може да победува и мажи во борбите. Таа минатиот викенд ја декласираше дотогаш непоразената Кристин Хамер.

Американката верува дека е најдобрата боксерка на светот, а порачува и дека е подобра од поголемиот дел боксери.

Тврди дека без проблем може да го победи првакот во велтер категорија, Кеит Турман и Генадиј Головкин, човекот кој од 2010 до 2018 ги држеше четирите главни појаси во средна категорија.

„Спарингувам со мажи, ги рушам, ги разбивам нивните носеви цело време. Мислам дека можам да ги победам Турман и Головкин. Можеби се поснажни од мене, но нивната боксерска техника не е на мое ниво“ – вели Шилдс.

Турскиот кошаркар со македонски корени, родениот охриѓанец Чеди Осман (24) за турските медиуми изјави дека е подготвен да и се стави на располагање на турската репрезентацијата за престојниот кошаркарски Мундијал во Кина и рече дека се радува што ќе може да игра против американската репрезентација.

„Сите се радуваме на Светското првенство, многу сме нестрпливи. Веќе размислувам за тренинзите и за играњето кошарка. Имав долга сезона и ми треба одмор, но ќе бидам подготвен кога ќе и требам на репрезентацијата. Сонувам за Светското првенство, ќе биде тоа голем турнир за сите. Одвај го чекам натпреварот против САД“ – рече Осман.

Осман е член на НБА тимот Кливленд Кавалирс.

Бразилската фудбалска ѕвезда, Нејмар утре конечно се враќа на фудбалскиот терен, изјави тренерот на ПСЖ, Томас Тухел.

Герменецот рече дека скоро сигурно Нејмар ќе биде дел од составот на неговиот тим во дуелот против Монако. Со победа „светците“ уште сега можат да ја осигураат титулата во Лига 1, иако ПСЖ на последните три меча освои само еден бод.

Нејмар нема настап за својот клуб уште од јануари годинава кога го повреди стапалото, а претходно настапи на 13 првенствени меча на кои постигна 13 гола.

Тухел информираше дека Едисон Кавани е новата повредена ѕвезда на тимот од „Паркот на принцовите“, но најави дека Уругваецот ќе биде подготвен за финалето на Купот на Франција против Рен за седум дена.