Спорт
Јуве ја имаше играта, Реал го имаше Роналдо! (видео)
Реал Мадрид со едната нога е во полуфиналето на Лигата на шампионите и за тоа навивачите на „Лос бланкос“ мораат да му бидат благодарни на Кристијано Роналдо, кој повторно го покажа своето знаење и својата вредност откако со два гола го „матираше“ Јуве…
Реал Мадрид со едната нога е во полуфиналето на Лигата на шампионите и за тоа навивачите на „Лос бланкос“ мора да му бидат благодарни на Кристијано Роналдо, кој повторно ги покажа своето знаење и својата вредност кога со два гола го матира Јувентус сред Торино, а Реал си замина со 0:3 победа.
Јувентус одигра еден одличен натпревар и му недостигаше малку среќа да стави два-три гола во мрежата на Кејлор Навас, меѓутоа, „кралскиот клуб“ си заминува во Шпанија со огромна предност благодарение на магијата на Роналдо, кој веќе има 15 гола во Лигата на шампионите оваа сезона.
Шокот беше направен уште во третата минута кога по асистенцијата на Иско, Роналдо ја смести топката зад грбот на Буфон. Јувентус го крена нивото на играта и имаше неколку одлични шанси како во 23. минута кога само одличната реакција на Навас го спаси Реал.
Притисокот на Јуве продолжи и во второто полувреме, но Роналдо повторно стапи на сцена во 64. минута со еден од најубавите голови што ги постигнал во кариерата кога со „ножички“ покажа зошто изјавата на Буфон дека има „бессони ноќи“ од Португалецот не беше смешна. Голот беше толку добар што дури и навивачите на Јуве му аплаудираа на Роналдо.
THE CRISTIANO RONALDO SHOW. pic.twitter.com/oAhGWBuhlm
— Olayinka (@GalacticoHD) April 3, 2018
Оттогаш сѐ тргна наопаку за „бјанконерите“ – само две минути подоцна Пауло Дибала доби втор жолт картон, а во 72. минута Роналдо се покажа и како асистент додавајќи му на Марселона за 3:0 и за крај на надежите на Јуве.
Вториот дуел од четврт-финалето беше поинтересен, барем резултатски. Баерн Минхен ја победи Севилја со 1:2 за да најави дека нема да се повтори сензацијата од елиминацијата на Манчестер јунајтед.
На преполниот „Рамон Санчез Писхуан“ домаќините имаа предност преку Пабло Сарабија, кој првин имаше легендарно промашување за потоа да го погоди голот во 31. минута. Баерн, сепак, до полувремето ја врати рамнотежата кога во 37. минута Навас си постигна автогол.
PARA QUÉ TE TRAJE#ChampionsxFOX Pifia del tamaño del Sánchez Pizjuán de Sarabia frente al marco del Bayern Munich
En FOX Sports y App https://t.co/8VTiBb1qp2 pic.twitter.com/VKoVGECpY2
— FOX Sports MX (@FOXSportsMX) April 3, 2018
Човек на одлука за тимот на Јуп Хајнкес беше Тијаго Алкантара кога во 68. минута ја искористи одличната асистенција на Рибери за да го совлада Сорија.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.