Реал Мадрид објави дека Тони Крос е заразен со коронавирусот. Германецот, од петокот се наоѓа во изолација откако имал контакт со особа која била позитивна на вирусот. Крос не играше во неделата, во Билабао, а вчера неговиот тест на коронавирусот бил позитiвен.

Тони Крос, нема да игра за Реал во последното коло против Виљареал.

Сезоната за Крос е завршена, но се очекува тој од првиот ден да биде присутен на подготовките на репрезентацијата за ЕУРО 2020. Германската репрезентација, подготовките за дуелите со Португалија, Франција и Унгарија на ЕП ќе ги започне за 11 дена.

Карим Бензема ќе се најде на спискот на селекторот Дидие Дешан за ЕУРО 2020, тврди влијателниот „Лекип“. Дешан го избриша Бензема од репрезентацијата пред шест години, кога пукна аферата со соиграчот Матије Валбуена.

Дидие Дишан, денес до 12 часот, треба да потврди кои 26 фудбалери ќе ја претставуваат Франција на ЕУРО 2020. „Лекип“, пишува дека 15 од 26 фудбалери кои ќе бидат на спискот играа на Светското првенство во 2018 година, кога Франција ја освои титулата.

„Десетмина ќе бидат изненадување за јавноста, а најголемото е враќањето на Бензема“, пишува „Лекип“.

Карим Бензема, последен пат за Франција настапил на 8.октомври 2015 година против Ерменија. На тој меч постигнал два гола и забележал една асистенција.

Долгогодишниот фудбалски судија од Англија, Ли Мејсон, ќе ја заврши кариерата по завршувањето на сезоната. Сепак, Мејсон нема целосно да се повлече од фудбалот, туку ќе стане првиот судија кој целосно ќе и се посвети на ВАР технологијата од сезоната 2021/2022.

Ли Мејсон 15 години е во Премиер лигата, како главен судија водел 287 натпревари во елитната англиска лига, а вкупно учествувал во повеќе од 500 натпревари.

Мејсон е во Премиер лигата од 2000 година, две години бил помошен судија. Кариерата како главен судија кариерата ја започнал во 2006 година.

Последниот меч, Мејсон, ќе го суди вечерва на „Олд Трафорд“, каде Манчестер јунајтед ќе го пречека Фулам.