Спорт
Авионот на Саудијците се запали на пат до Ростов! (видео)
Репрезентацијата на Саудиска Арабија беше потресена, но стигна во едно парче во Ростов на Дон, откако едното крило на нивниот авион се запалило на патот од Москва.
Саудијците во среда играат против Уругвај во второто коло во групата А, и фудбалерите би…
Репрезентацијата на Саудиска Арабија беше потресена, но стигна во едно парче во Ростов на Дон, откако едното крило на нивниот авион се запалило на патот од Москва.
Саудијците во среда играат против Уругвај во второто коло во групата А, и фудбалерите биле вознемирени кога забележиле оган од едното крило поради „мал технички проблем“ според официјалното известување на Саудската фудбалска федерација. За среќа, немало поголема штета и авионот нормално слетал во Ростов.
VIDEO: Flight carrying the Saudi Arabia national football team suffers ‘technical incident’ on approach to Rostov-on-Don as the team flew in for their next #WorldCup fixture on Wednesday. No injuries reported. Aircraft believed to be Rossiya Airbus A319. | Video credit TBA. pic.twitter.com/wb5rpQ1DQR
— Airport Webcams (@AirportWebcams) June 18, 2018
„Саудиската фудбалска федерација сака да повтори дека сите наши фудбалери се безбедни по техничкиот проблем со еден од моторите на нашиот авион, кој безбедно слета на аеродромот во Ростов. Тие сега се во своите хотелски соби“, се вели во објавата на Твитер.
Саудиска Арабија го почна Мундијалот со тежок 5:0 пораз од Русија во првиот меч на Мундијалот, така што сега ќе мора да брка резултат против Уругвај ако сака да ги задржи шансите за пласман во втората рунда.
Airbus A319-111 (VP-BNB) #Rossiya Airlines suffered RH engine mulfunction during approach Rostov na Donu (ROV, URRR)??. The flames were visible under the wing. The airplane was transported by Saudi Arabia’s football team⚽️ /@FIFAWorldCup. Nobody was injured. #Saudifootball pic.twitter.com/pZeaDRHflY
— Ondrej Fiala (@ondrej__fiala) June 18, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.