Спорт
„Академците“ се вратија за реми со шампионот, Ангелов го „стресе“ Вардар
Академија Пандев ја имаше честа прва да го пречека новиот шампион на Македонија, тетовска Шкендија во 30. коло во Првата лига, и со одлично второ полувреме успеа да извлече 2:2 реми.
Шкендија во првиот дел за само три минути постигна два гола за да нај…
Академија Пандев ја имаше честа прва да го пречека новиот шампион на Македонија, тетовска Шкендија во 30. коло во Првата лига, и со одлично второ полувреме успеа да извлече 2:2 реми.
Шкендија во првиот дел за само три минути постигна два гола за да најави победа во Струмица. Жуниор во 16. и Ибраими во 19. минута беа прецизни за тетовскиот клуб, но Академија Пандев направи пресврт во второто полувреме – прво преку Балдовалиев во 53. минута, а потоа преку Јани Атанасов од пенал во 65. минута.
Вардар пак, откако стана јасно дека Шкендија е новиот шампион, зареди три порази во низа, овојпат од градскиот ривал Работнички. Виктор Ангелов со прекрасен гол од работ на шестнаесетникот им донесе победа на „романтичарите“ со која се доближија на само четири поени до третопласираниот Силекс.
Пелистер успеа да ги совлада кратовци со 2:1, за да си ги зголеми шансите за опстанок, одвојувајќи се на три поени пред последнопласираниот тим на Скопје, кој загуби со 2:0 од Ренова. На битолчани им одговараше и поразот на Победа од 3:1 кај Шкупи, за да се доближат на само еден поен до пелагониските ривали.
ПМФЛ, 30.КОЛО
Вардар – Работнички 0:1
Академија Пандев – Шкендија 2:2
Пелистер – Силекс 2:1
Ренова – Скопје 2:0
Шкупи – Победа 3:1
Табела: 1.Шкендија 76, 2.Вардар 49, 3.Силекс 45, 4.Работнички 41, 5.Ренова 37, 6.Академија Пандев 36, 7.Шкупи 36, 8.Победа 29, 9.Пелистер 28, 10. Скопје 25.
Фото: ФК Вардар/ФК Академија Пандев
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Бевме пијаници, а потоа дојдоа нутриционистите…“
Легендите на Манчестер Јунајтед, Рој Кин и Гери Невил, во еден подкаст открија дека дека со денови се пијанеле по натпреварите во Премиерлигата. Станува збор за периодот кој некии го нарекуваат и златна ера на тимот кој тогаш го предводеше сер Алекс Фергусон.
„Луѓето велеа дека сум добар професионалец, но некои работи што ги правев беа апсолутно срамни – покајано вели Кин.
Детално опиша како се пијанчел, особено во нефудбалските денови.
„Многу пати одев во сабота по натпреварот, во недела, понеделник, вторник… Да бидам фер, би ја поставил границата во среда“, откри освојувачот на седум Премиер лиги, четири ФА купови и Лигата на шампиони.
Во 2002 година, Ирецот во својата автобиографија „Второто полувреме“ призна:
„Имаше период, во раните 90-ти, кога бев алкохоличар. За среќа, успеав да се извлечам од тој виор. Сега пијам само вода.“
Гери Невил го надополни соиграчот, велејќи дека многу од најдобрите играчи биле озлогласени алкохоличари.
„Причината поради која се извлекувавме е што другите тимови го правеа истото. Сè додека секој можеше да испие десет големи кригли, бевме на исто ниво на кондиција“, раскажа трофејниот десен бек од „Олд Трафорд“.
„Знаете… Јас го анализирам периодот пред сезоната 1995/96 година, сите играчите го правеа истото. Помеѓу 1996 и 2000 година фудбалот стана многу професионален и дојдоа нутриционистите…“
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.