Спорт
Артур Абеле е „кралот“ на атлетичарите во Берлин
Германија доби „крал на атлетиката“ на домашен терен во Берлин, откако 32-годишниот ветеран Артур Абеле по два дена е крунисан за европски шампион во десетобојот.
Абеле по последната трка на 1.500 метри, беше недостижен со 8.431 поени за победа пред Ру…
Германија доби „крал на атлетиката“ на домашен терен во Берлин, откако 32-годишниот ветеран Артур Абеле по два дена е крунисан за европски шампион во десетобојот.
Абеле по последната трка на 1.500 метри, беше недостижен со 8.431 поени за победа пред Русинот Иља Шкурењов (8.321) и Белорусинот Витали Шук (8.290), со што стана најстариот европски шампион во историјата. Уште поимпресивно, победата доаѓа откако во текот на зимата, Германецот страдаше со парализа на лицето.
Turn the sound on and have the tissues at the ready!
Arthur Abele claims an emotional gold medal in the decathlon at the European Championships in front of 50,000 cheering spectators in Berlin.#EC2018 #TheMoment pic.twitter.com/ujnwJteD2w
— European Athletics (@EuroAthletics) August 8, 2018
„Ништо не можам да ви кажам сега, бидејќи не ми се верува дека сум златен“, изјави Абеле.
Прв златен медал на ЕП за Грција донесе Милтијадис Тентоглу, кој скокна 8.25 метри во скокот во далечина, за дури 12 сантиметри подалеку од Германецот Фабијан Хајнле и Украинецот Серхиј Никифоров. Полска продолжи да доминира во фрлачките дисциплини, откако Паулина Губа со 19.33 метри го освои златото во ѓуле, пред домашната фаворитка Кристина Шванц (19.19).
ЕП АТЛЕТИКА, БЕРЛИН
СКОК ВО ДАЛЕЧИНА (М)
1.Милтијадис Тентоглу (Грц) 8.25 м
2.Фабијан Хајнле (Гер) 8.13 м
3.Серхиј Никифоров (Укр) 8.13 м
ФРЛАЊЕ ЃУЛЕ (Ж)
1.Паулина Губа (Пол) 19.33 м
2.Кристина Шванц (Гер) 19.19 м
3.Алиона Дубицкаја (Блр) 18.81 м
ФРЛАЊЕ ДИСК (М)
1.Андриус Гуджиус (Лит) 68.46 м
2.Даниел Штал (Шве) 68.23 м
3.Лукас Ваисхајдингер (Авт) 65.14 м
10.000 МЕТРИ (Ж)
1.Лонах Чемтаи Салпепер (Изр) 31:43.29
2.Сузан Круминс (Хол) 31:52.55
3.Мераф Бахта (Шве) 32:19.34
ДЕСЕТОБОЈ (М)
1.Артур Абеле (Гер) 8.431
2.Иља Шкурењов (Рус) 8.321
3.Витали Жук (Блр) 8.290
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го казни судијата кој Баерн го чинеше испаѓање од ЛШ
Полскиот судија Шимон Марчинијак, кој во реваншот од полуфиналето на Лигата на шампионите го оштети Баерн во судиското продолжение против Реал Мадрид, требаше да биде еден од клучните судии на УЕФА на претстојното Европско првенство, но поради оваа грешка го загуби тој статус, пишува „Дејли Мирор“.
Марчинијак, длабоко во судиското надополнување, ја прекина акцијата од која Де Лигт погоди за израмнување, со што натпреварот ќе влезеше во продолженија, иако протоколот предвидува дека линискиот судија треба да пушти акцијата да заврши, а потоа, доколку биде постигнат гол, ВАР собата да пресуди дали имало офсајд.
Судијата овде не го направи тоа и затоа играчите на Баерн и тренерот Томас Тухел целосно ги загубија нервите, а УЕФА е незадоволна и од одлуката на Марчинијак и неговиот помошник Томаш Лискиевич и им подготвува санкции.
Марчинијак судеше неколку големи натпревари, меѓу кои и финалето на Светското првенство во Катар, а тој требаше да го суди и воведниот натпревар на ЕП меѓу домаќинот Германија и Шкотска.
Според „Дејли Мирор“, УЕФА ќе му ја одземе таа чест.
Нејасно е дали казната ќе трае во текот на целото Европско првенство или Марчинијак ќе добие шанса во подоцнежна фаза од натпреварувањето.
Спорт
Селтик го доби „Олд Фирм“, бод го дели од шампионската титула
Селтик славеше на домашен терен во последниот „Олд Фирм“ оваа сезона и на тој начин речиси ја обезбеди титулата во Премиер лигата на Шкотска. Во вечното дерби, Селтик го победи најголемиот ривал Ренџерс со 2:1.
Селтик на две кола до крајот на сезоната еден бод го дели од шампионската титула.
Ренџерс долго време беа лидери во шкотската Премиер лига, но слабите резултати на последните три натпревари пред почетокот на плеј-офот ги спуштија на втората позиција.
Домашните поведоа во 35. минута преку О`Рајли, кој погоди по додавањето на Мек Грегор, а само три минути подоцна Селтик ја удвои предноста со автоголот на Лундстрам. Ренџер намалија на 2.1 во 40. минута преку Дезирс.
Лундстрам во втората минута од судиското надополнување на времето направи уште една глупост, доби црвен картон, поради што Ренџерс второто полувреме го одигра со фудбалер помалку.
Селтик веројатно можеше да реши се во 55. минута, но О`Рајли не искористи пенал.
Спорт
Спринтот во Ле Ман за Мартин, Бањаја без пласман, Маркез втор
Возачот на Прамак Дукати, Хорхе Мартин, славеше втора година по ред на спринт трката за Големата награда на Франција, петта трка сезонава во Мото ГП шампионатот.
Шпанецот беше доминантен во Ле Ман, а во спринтот само продолжи во истиот ритам во кој е практично од почетокот на тркачкиот викенд.
Мартин го забележа третиот триумф сезонава во спринт трките. Во целта влезе со предност од две секунд пред Марк Маркез, кој по лошите квалификации и одличниот старт стигна до втората позиција. На третото скалило на подиумот беше Маверик Вињалес на Априлија, и двајцата имаа корист од излетувањето на возачот на ВР46 тимот, Марко Бецеки.
Актуелниот шампион Франческо Бањаја се повлече во третиот круг поради дефект, кој следеше по лошиот старт, кога падна на 15-та позиција.
Зад најдобрите тројца се пласираа: Енеа Бастианини на Дукати, Алеиш Еспаргаро (Априлија), Педро Акоста од ГасГас, седми беше вториот возач на тимот VВР46, Фабио ди Џанантонио, пред Џек Милер од КТМ Рејсинг, додека последниот поен му припадна на Раул Фернандез ги брани боите на Трекхаус. Миленикот на домашната публика Фабио Квартаро беше 10-ти, како прв надвор од поени.
По ваквиот исход, Мартин има 28 бода предност пред Енеа Бастианини во генералниот поредок, додека Бањаја има бор помалку од тимскиот колега.