Спорт
Ањели: УЕФА и Колина сакаат да ги уништат италијанските клубови
Претседателот на Јувентус, Андреа Ањели го обвини главниот делегат за судии на УЕФА, неговиот италијански сонародник Пјерлуиџи Колина за намерно уништување на италијанските клубови во Европа по случувањата на мечот во Мадрид.
Јувентус победија со 3:1 в…


Претседателот на Јувентус, Андреа Ањели го обвини главниот делегат за судии на УЕФА, неговиот италијански сонародник Пјерлуиџи Колина за намерно уништување на италијанските клубови во Европа по случувањата на мечот во Мадрид.
Јувентус победија со 3:1 во Мадрид, но излетаа од ЛШ со 4:3 вкупен резултат откако судијата Мајкл Оливер реши дека фаулот на Бенатија е за пенал, по што Кристијано Роналдо смирено го реши мечот.
„Мораме да останеме смирени и да ја анализираме ситуацијата. Многу земји имплементираа ВАР-системи и кога ќе се погледнат ситуациите против италијанските клубови, како фаулот над Квадрадо, Милан на гости кај Арсенал и денеска Јувенус, јасно дека е нужно да има ВАР во Лигата на шампионите. Не се работи за поен или два, туку за полуфинале на најважниот турнир кој носи толку пари и престиж. Поради некои причини делегатот на УЕФА се обидува научно да докаже дека поставува само судии кои се против италијанските клубови. Не се работи само за Јуве, туку и за Рома против Барса, за Милан против Арсенал“, обвинува Ањели.
Со него се согласува и тренерот на италијанскиот шампион, Макс Алегри.
„Жал ми е за момците, кои одиграа одлични 60 минути во Торино и не постигнаа гол, а тука играа фантастично. Пеналот беше обратна ситуација од таа со Квадрадо во првиот меч. И тогаш кажав дека тоа може да го реши мечот. Заслуживме барем да се бориме во продолженија. Мораме да бидеме посилни од вакви непријатни искуства“, вели Алегри.
Фото: ЕПА
Роналдо: Не сфаќам зошто Јуве се бунеа, тоа беше чист пенал (видео)
Пенал во 93. минута спречи ново „италијанско чудо“ – Реал едвај во полуфинале (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Салах: Луѓето ја претпочитаат мојата прва сезона, за мене оваа е подобра

Фудбалерот на Ливерпул, Мохамед Салах изјави дека му е драго што клубот од „Енфилд“ го совлада Манчестер сити во дерби натпреварот од 26. коло на англиската Премиер лига, пренесоа британските медиуми.
Ливерпул во неделата го совлада Манчестер Сити на гости со 2:0, а Салах во победата учествуваше со гол и асистенција.
„Манчестер сити е тежок противник, има неверојатен менаџер. Мило ми е што на карјот ние победивме. Тоа е посебно чувство, особено бидејќи сме во трка за титулата. Се надевам дека ќе можеме да ја задржиме присебноста, бидејќи притисокот е се посилен. Ќе се обидеме да победиме на секој натпревар. На нас постарите потребна ни е уште една титула”, изјави Салах.
Ливерпул е на првото место на табелата во Премиер лигата со 64 бодови, 11 повеќе од Арсенал, додека Манчестер сити е на четвртата позиција со 44.
„Можеби некои ја претпочитаат мојата прва сезона во Ливерпул, но за мене оваа е подобра бидејќи сум блиску до титулата во Премиер лигата. Им помагам и на младите играчи, што е посебна работа“, истакна Салах.
Ливерпул во среда ќе го пречека Њукасл во 27. коло од Премиер лигата.
Спорт
Фенер му нуди на Џеко нов договор и функција во клубот

Вечерва во Турција на програмата е големото градско дерби меѓу Галатасарај и Фенербахче, кое може го реши шампионатот. Галатасарај има шест бода повеќе од големиот ривал и со евентуална победа ќе направи голем чекор кон одбрана на шампионската титула.
Во пресрет на дербито, турските медиуми, пишуваат за судбината на Един Џеко (38) во Фенербахче.
Ветеранот, оваа сезона одигра 37 натпревари за Фенербахче, постигна 19 гола и имаше седум асистенции во сите натпреварувања. Капитенот на турскиот гигант има договор до крајот на оваа сезона, но Турците пишуваат дека претседателот Али Коч ќе му понуди договор 1+1. Понатаму се додава дека Коч е подготвен на Џеко да му понуди и функција во клубот кога тој ќеја заврши кариерата.
Во блескавата кариера како еден од најдобрите напаѓачи на 21 век, Џеко играше за Железничар, Теплице, Волфсбург, Манчестер сити, Рома и Интер. Во Турција е од 2023 година.
„Трансфермаркт“, неговата вредност ја проценува на 2,2 милиони евра.
Спорт
Кошаркарите ги дознаа можните противници во претквалификациите за СП

Фото/ kfsm.mk
Исланд синоќа со победата над Турција ја комплетира листата учесници на Европското првенство во кошарка и воедно ја комплетира листата на национални тимови кои во август оваа година ќе играат претквалификации за пласман во квалификацискиот циклус за Светското првенство во 2027 година.
Во претквалификациите за Мундијалот во 2027 година ќе играат 12 селекции, меѓу нив е и Македонија.
Можни противници на македонската репрезентација се : Хрватска, Украина, Бугарија, Холандија, Унгарија, Данска, Словачка, Австрија, Норвешка, Романија и Швајцарија.
Претквалификациите ќе се одржат од 2. до 20.август. Ќе бидат формирани четири групи со по три селекции, а првите две од секоја група ќе се пласираат во следната фаза.