Спорт
Без изненадувања во ѕвездениот состав на „Селесао“
Бразилскиот селектор Тите ги објави имињата на 23-цата фудбалери кои ќе играат на Мундијалот во Русија, откако уште во февруари најави 16 од тие имиња.
Минатата недела тој доби лоша вест дека десниот бек Дани Алвеш мора да го пропушти Мундијалот, и за …


Бразилскиот селектор Тите ги објави имињата на 23-цата фудбалери кои ќе играат на Мундијалот во Русија, откако уште во февруари најави 16 од тие имиња.
Минатата недела тој доби лоша вест дека десниот бек Дани Алвеш мора да го пропушти Мундијалот, и за неговото стартно место во тимот сега ќе се борат Данило (Манчестер сити) и Фагнер (Коринтијанс).
Како што се очекуваше, Даглас Коста (Јувентус) и Фред (Шахтјор) се вклучени во тимот, а меѓу напаѓачите се и неговиот соиграч Тајсон, Нејмар (ПСЖ), Габриел Жесус (Манчестер сити) и Роберто Фирмино (Ливерпул).
Barring injury, here are the 23 players that will represent the Seleçao in Russia. ?? pic.twitter.com/tawGKYwT6K
— FOX Soccer (@FOXSoccer) May 14, 2018
Педро Жеромел ќе ја има последната резервна позиција во одбраната, заедно со Маркињос, Тијаго Силва и Миранда, додека Касио од Коринтијанс е последниот голман кој ќе биде повикан во тимот.
Бразилците ќе се „соберат“ во Гранжа Комари во Тересополис на 21 мај, пред на 27 мај да отпатуваат за Лондон, каде што ќе им биде базата за пријателските мечеви со Хрватска на „Енфилд“ на 3 јуни и против Австрија во Виена на 10 јуни.
БРАЗИЛ
Голмани: Алисон (Рома), Едерсон (Манчестер сити), Касио (Коринтијанс)
Одбрана: Марсело (Реал Мадрид), Данило (Манчестер сити), Филипе Луис (Атлетико Мадрид), Фагнер (Коринтијанс), Маркињос (ПСЖ), Тијаго Силва (ПСЖ), Миранда (Интер), Педро Жеромел (Гремио)
Среден ред: Вилијан (Челси), Фернандињо (Манчестер сити), Паулињо (Барселона), Касемиро (Реал Мадрид), Филип Кутињо (Барселона), Ренато Аугусто (Пекинг Гуоан), Фред (Шахтјор).
Напад: Нејмар (ПСЖ), Габриел Жесус (Манчестер сити), Роберто Фирмино (Ливерпул), Даглас Коста (Јувентус), Тајсон (Шахтјор).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хамилтон: Не измислувајте приказни дека ќе се пензионирам

Возачот на Ферари, Луис Хамилтон, изјави дека не планира да се пензионира и дека очекува да остане во Формула 1 уште неколку години.
Седумкратниот светски шампион го освои шестото место на претходната трка во Шпанија, со што го продолжи лошиот старт во италијанскиот тим.
На барање на тимот, мораше да го пропушти клупскиот колега Шарл Леклер, а Нико Хулкенберг успеа да го престигне во последните кругови. Тој моментално има 23 поени помалку од Леклер во генералниот пласман, а дури 115 помалку од лидерот Оскар Пјастри.
Сепак, 40-годишниот Хамилтон рече дека неговата приказна во Ферари штотуку започнала и дека нема планови да се пензионира наскоро.
„Не се сомневам дека ќе продолжам да се натпреварувам во наредните години, поради што би ги замолил медиумите да не измислуваат приказни за моето пензионирање. Јас штотуку ја започнав мојата приказна тука и ќе имам уште многу трки со овој тим“, рече Хамилтон.
Викендов шампионатот во Формула 1 продолжува со Голамата награда на Канада. Вечерва од 22 часот на програмата се квалификациите, а трката се вози в недела од 20 часот.
Спорт
„Интер беа многу арогантни, поради тоа примија пет гола од ПСЖ“

Тренерот на Олимпик Марсеј, Италијанецот Роберто де Зерби, во изјава за италијанските медиуми даде свое мислење за дебаклот на Интер од ПСЖ (0:5) во финалето во Лигата на шампионите.
Де Зерби бил гостин во подкастото „Супернова“ на радио водителот Алесандро Кателано. Тренерот на Марсеј смета дека Интер премногу аригантно влегол во дуелот со ПСЖ.
„Интер е одличен тим, а Инзаги е одличен тренер и навистина немаше причина да загубат со пет гола разлика. Мислам дека проблемот е што италијанскиот фудбал не го запозна ПСЖ многу добро, имаше тука многу ароганција“, вели Де Зерби.
Де Зерби е некој што многу добро го познава ПСЖ, сите квалитети и слабости на тимот, кои не се непознати за другите тренери, па затоа беше изненаден што Интер не направил добро скаутирање на деталите од играта на францускиот тим.
„Тие не знаеја, на пример, дека ПСЖ почнува од центарот како во рагби, или дека Дембеле постојано се демне на работ од шеснаесетникот, или дека Дуе е талент на ниво на Јамал, иако не е до таа мера одлучувачки фактор. Тие не сфатија дека Витиња сега е веројатно најдобриот играч од средниот ред во светот, не го проценија добро квалитетот на Невеш. Во Италија, никој не напиша ниту еден ред за второто место на мојот Марсеј и ја игнорираа Лига 1, која е многу тешка. Лил беше во осминафиналето во Лигата на шампионите, Брест беше веднаш под ПСЖ, Монако со играч помалку загуби од Интер, истиот тој Монако ја победиБарселона. Можете да видите што се случи со Италија во Норвешка“, алудираше тој на уште еден дебакл на италијанскиот фудбал, во овој случај на националниот тим.
Спорт
Гундоган во Галатасарај, Антони во Фенербахче, Ангиса во Бешикташ

Најпопуларните турски клубови, големите ривали од Истанбул: Галатасарај, Фенербахче и Бешикташ исклучително се активни во преодниот рок.
Галатасарај, освојувач на дуплата круна, постигнал договор со искусниот Илкај Гундоган. Во следните неколку дена ќе потпише едногодишен договор по медицинските прегледи, ќе заработи пет милиони евра.
Поранешниот германски репрезентативец минатата сезона играше за Манчестер сити, реши да замине во Турција откако клубот не му понуди нов договор.
Бразилецот Ентони се врати во Манчестер Јунајтед од Бетис, каде што блескаше, но според англиските медиуми, тој нема да се задржи на „Олд Трафорд“. Бразилскиот офанзивен играч за врска ќе ја помине следната година на позајмица во Фенербахче како играч на „црвените ѓаволи“. Договорот меѓу двата клуба е постигнат, а финализирањето се очекува во следните неколку дена.
Еден од клучните играчи на Антонио Конте во походот на шампионската титула во Серија А, Франк Ангиса го напушти Наполи. Ангиса му се приклучи на Бешикташ.
„Црно-белите“ од Истанбул за трансферот на Ангиса издвоија 10 милиони евра, Наполи преку бунусите може да инкасира уште два милиони евра.