Спорт
Брозовиќ против „фејк њуз“ за аферата со Ванда Нара! (галерија)
Фудбалерот на Интер, Марцело Брозовиќ најави дека ќе поднесе судска тужба откако шпекулациите на Интернет тврдеа дека тој имал афера со Ванда Нара, сопругата на капитенот на „нераѕурите“, Мауро Икарди.
Тој реши да ги демантира шпекулациите преку негови…


Фудбалерот на Интер, Марцело Брозовиќ, најави дека ќе поднесе судска тужба откако шпекулациите на интернет тврдеа дека тој имал афера со Ванда Нара, сопругата на капитенот на „нераѕурите“, Мауро Икарди.
Тој реши да ги демантира шпекулациите преку неговиот адвокат, кој најави судски тужби.
„Никогаш не постоело ништо помеѓу Марцело и сопругата на Мауро, госпоѓата Ванда Нара. Брозовиќ ги отфрла сите овие лажни вести и ќе поднесе судска тужба против тие кои го нарушија неговите морален и професионален интегритет“, изјави неговиот адвокат.
Сопругата на Икарди, атрактивната Ванда Нара, и претходно беше во „љубовен триаголник“ бидејќи беше сопруга на поранешниот пријател на Икарди, Макси Лопез. Таа покрај статусот на ѕвезда на „Инстаграм“, е и агент на својот сопруг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.