Спорт
Вардар поразен во „малото финале“
ПСЖ го порази Вардар 29:28 (14:15) во малото финале на завршниот турнир во ракометната Лига на шампиони. Црвено-црните со два порази ја предадоа европската круна,иако против ПСЖ 54 минути ја имаа предноста.
Тимовите што беа „видени“ во борбата за титул…
ПСЖ го порази Вардар 29:28 (14:15) во малото финале на завршниот турнир во ракометната Лига на шампиони. Црвено-црните со два порази ја предадоа европската круна,иако против ПСЖ 54 минути ја имаа предноста.
Тимовите што беа „видени“ во борбата за титулата, но беа поразени во вчерашните полу-финални натпревари, покажаа завидна борбеност и желба да се освои третото место, односно завршниот турнир да не го завршат со два порази.
Мечот мина и во знакот на Даниел Нарсис кој ја заврши професионалната кариера. Играчот кој ги има освоено сите можни титули во ракометот, во Келн го одигра последниот меч во кариерата.
Брз ракомет, со многу технички грешки, расположени голамни и не премногу одговорна игра во одбраната, презентираа Вардар и ПСЖ.
Вардар, подобор влезе во мечот, веднаш наметна своја игра, создаде предност од два гола (4:2) во осмата минута, потоа имаа црвено-врните 5.2 и 6:3, а до највисоката предност на натпреварот од четири гола избраниците на Раул Гонзалес дојдоа во 15.минута.
ПСЖ возврати со тро гола во интервал од две минути, а во 21.минута резултатот беше израмнет 10:10.
Вардар на полувреме замина со гол предност (15:14), а по две минути игра повторно создаде комотна разлика (17:14).
Неизвеснота ПСЖ ја врати во 38.минута (20:20), а потоа во наредните 15 минути се игрше гол за гол.
Таквата игра повиеќе им „легна“ на играчите на ПСЖ кои во 54.минути прв пат ја имаше предноста на своја страна (23:24).
Минута подоцна францускиот тим имаше два гола предност од два гола, а во последните секунди Кристопанс го постави конечниот резултат 29:28.
Ремили со девет гола беше најдобра играч на мечот. Неговите соиграчи Сагосен и Конку постигнаа по пет гола Кај Вардар најпрецизни беа Циндриќ, Македа и Чупиќ со седум, шест односно пет гола.
Завршниот турнир во Келн го означи крајот на оваа шампионска генерација на Вардар, бидејќи од клубот ќе заминат тренерот Раул Гонзалес, неговиот помошник Давид Дејвис Камара, како и Штербик, Циндриќ, Македа, Канељас, Марсениќ, Абутовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.