Трета година по ред, португалската фудбалска ѕвезда Кристијано Роналдо е на чело на годишната листа на „Форбс“ за најплатени спортисти со заработка од 253 милиони евра.

Во споредба со претходната година, Роналдо ги зголемил своите приходи за 13,8 милиони евра. За една година, само боксерот Флојд Мејведер заработил повеќе од Роналдо, кој заработил 276 милиони евра во 2015 година и 262,2 милиони евра во 2018 година.

На второто место е плејмејкерот на НБА тимот Голден Стејт Вориорс, Стивен Кари со 143,5 милиони евра, додека третата позиција ја држи британскиот боксер Тајсон Фјури со 124,2 милиони евра.

Квотербекот на Далас Каубојс, Дак Прескот, го достигна четвртото место со 126 милиони евра, а петти е аргентинскиот фудбалер Лионел Меси со годишна заработка од 124,2 милиони евра.

По нив следуваат ѕвездата на Лос Анџелес Лејкерс, Леброн Џејмс (123,1 милиони евра), бејзбол играчот и член на Њујорк Метс, Хуан Сото (104,9 милиони евра), додека францускиот напаѓач Карим Бензема, кој игра за Ал Итихад во Саудиска Арабија, е осми со заработка од 95,7 милиони евра.

Листата ја затвораат јапонската бејзбол суперѕвезда Шохеи Охтани со 94,3 милиони евра и НБА ѕвездата Кевин Дурант, кој заработил 93,3 милиони евра.

Заедно, 10-те најплатени спортисти заработиле 1.288 милијарди евра, што е малку повеќе од минатогодишните 1.269 милијарди евра.

10-те најплатени спортисти во 2025 година:

1. Кристијано Роналдо – 253.000.000 евра
2. Стефен Кари – 143.520.000
3. Дак Прескот – 126.040.000
4. Тајсон Фјури – 124.200.000
5. Лионел Меси – 124.200.000
6. Леброн Џејмс – 123.096.000
7. Хуан Сото – 104.880.000
8. Карим Бензема – 95.680.000
9. Шохеи Охтани – 94.300.000
10. Кевин Дурент – 93.288.000

Џанлуиџи Буфон, легенда на италијанскиот и светскиот фудбал ја претстави својата нова книга на настан во Торино и одговараше на прашања од новинарите, потсетувајќи се на подеми и падови од неговата кариера.

„Темата на книгата е дека да се биде голман е метафора за животот. Паѓаш, стануваш, паѓаш, повторно стануваш. Паѓањата се неизбежни, но важно е да се најде мотивација повторно да се стане“, рече Буфон.

Врвот на неговата кариера беше титулата светски шампион со Италија во 2006 година, освоена по изведувањето на пенали против Франција. Финалето на стадионот „Франција“ во Париз, ќе остане запаметено по потегот на Зинедин Зидан. Францускиот ас, за кого финалето беше последниот натпревар во националниот тим, со глава во градите го удри Марко Матераци.

Во ерата пред ВАР, Буфон го видел сето тоа во живо, веднаш се стрчал кон судијата да му каже што се случило, што го натерало четвртиот судија да го потврди исклучувањето.

„Во тој момент јас бев ВАР“, се насмеа Буфон. „Мојата реакција и трчањето кон местото на настанот беше клучно за судиите да разберат што се случило. Секако дека никогаш нема да го признаат тоа, но го погледнаа видеото на мониторите. Јас бев единствениот што видов сè во реално време.“

Буфон беше дел и од италијанската репрезентација која беше неславно елиминирана во групната фаза на Светското првенство во 2010 година во Јужна Африка.

„Бев повреден, па се вратив во соблекувалната и ги најдов сите целосно скршени, со спуштени глави. Селекторот Липи дојде, беше смирен, но и дистанциран. Рече: „Луѓе, не е ваша вината, моја е, што како идиот решив да ве донесам овде.“ Признавам, отидов под туш за да можам да се смеам на мира.“

Кошаркарите на Денвер Нагетс ги победија Оклахома Сити Тандер со 119:107 во шестиот натпревар од второто коло од плејофот.

Атмосферата во Денвер ја „проголта“ Оклахома и ги однесе Нагетс до победа и мајсторка, која ќе реши која екипа ќе се бори за титулата на Западот.

Никола Јокиќ уште еднаш беше маестрален. Натпревар достоен за почит, речиси трипл-дабл од српскиот центар и натпревар во кој запиша 29 поени, 14 скока и 8 асистенции.

Џамал Мареј, кој беше под знак прашалник за овој натпревар, беше еден од хероите на Нагетс, го започна натпреварот со 11 поени во првата четвртина, а имаше вкупно 25 со 8 скока и 7 асистенции.

Херој од сенка беше Џулијан Стротер, кој постигна осум поени на крајот од третата четвртина (вкупно 15) и им помогна на Нагетс да направат разлика од која Оклахома не успеа да се врати.

Покрај Јокиќ и Мареј, 20+ поени постигна Кристијан Браун (23 поени, 11 скока и 5 асистенции), Мајкл Портер Џуниор додаде 10 поени.

На спротивната страна, кандидатот за MВП, Шеј Гилџес-Александер одигра одличен натпревар, уште еднаш, постигна 32 поени со 3 скока и 6 асистенции, додека Чет Холмгрен имаше 19 и 11 скока, а Карузо, Лу Дорт и Волас постигнаа по 10 поени.

Седмиот решавачки натпревар е закажан за недела во 21:30 часот. на теренот на Оклахома Сити Тандер.