На денешен ден пред 32 години, на 7 јуни 1993 година, во сообраќајна несреќа во Германија загина кошаркарскиот Моцарт, Дражен Петровиќ. Легендата на светската кошарка, ден пред трагичната несреќа играше квалификациски натпревар во Полска за репрезентацијата на Хрватска.

Петровиќ по турнирот реши да се врати дома во Загреб со автомобил, со својата нова девојка Клара Саланти и нивниот пријател Хилал Едебал, наместо да се качи авионот со кој репрезентацијата се враќала во Хрватска.

Александар Петровиќ, постариот брат на Дражен, тогаш асистент-тренер на репрезентацијата го информирал тимот дека неговиот брат се враќа со автомобил.

Во 17.20 часот, камионџија од Холандија се излизга на влажниот автопат и влезе во другата лента, додека Саланти го возеше „Фолсквагенот голф“ со Дражен на сопатничкото место во длабок сон.

Камионот беше застанат во трите ленти, а возачот се обидуваше да сигнализира на автомобилите да сопрат. Меѓутоа, Саланти, која возела 160 км/ч ја загубила контролата на возилото и автомобилот удрил во банкината, па во застанатиот камион. Саланти и Едебал преживеаја, додека Петровиќ, кој не бил врзан со заштитениот појас бил фрлен во насоката на камионот и добил фатални повреди на главата.

Денеска на неговиот гроб во Загреб, како и пред споменикот на неговиот роден град Шибеник ќе бидат поставени цвеќиња во одбележувањето на трагичниот ден.

Со прекар „кошкаркарскиот Моцарт“, Петровиќ беше роден во Шибеник на 22 октомври 1964 година. Тој е прогласен за најдобар европски кошаркар во историјата, а остави свој печат и во НБА лигата со Њу Џерси Нетс, со кои имаше просек од 20.6 поени во 36.9 минути на теренот не пропуштајќи ниту еден натпревар.

Фенербахче и Жозе Мурињо подготвуваат понуда за Душан Влаховиќ, објавија претпладнево италијанските медиуми.

Како што пишува „Газета дело Спорт“, Фенербахче е подготвен да исполни цела низа лични услови и барања за Душан Влаховиќ, но турскиот клуб, барем засега, не понудил толку пари колку што бара Јувентус за српскиот напаѓач.

Според извештаите, Фенербахче е подготвен да му понуди на Јувентус 30 милиони евра, што е десет милиони помалку од она што Јуве сака да го добие за Влаховиќ ова лето.

Влаховиќ влегува во последната година од договорот со италијанскиот клуб каде што заработуваше околу 10,5 милиони евра годишно, а според договорот што го има, во наредната сезона неговата плата ќе изнесува 12 милиони. Понудата на Фенербахче за Влаховиќ е околу десет милиони по сезона.

Јуве го донесе Влаховиќ од Фиорентина во 2022 година за 85,35 милиони евра.

Според „Газета“, иако понудата на Фенербахче не го задоволува барањето на Јувентус, клубот сигурно ќе ја разгледа, бидејќи интересот на другите клубови е практично непостоечки, а клубот сака да ги заштеди тие 12 милиони што му следуваат на фудбалерот доколку остане во Јувентус.

Големи промени се пред АБА лигата. Следната сезона, регионалното натпреварување ќе го гледаме во нов формат од дури 20 екипи. Оваа информација ја обајви „ТВ Арена спорт“.

Од следната натпреварувачка година, три екипи од тековната сезона ќе се натпреваруваат во Евролигата. Тоа се Црвена звезда, Партизан и Дубаи, а како што стојат работите, преговорите со Хапоел Тел Авив се финализираат.

Шампионот на Еврокупот сега само чека на конечната одлука на управниот одбор на АБА лигата.

Сопственикот на овој тим, Офер Јанај, веќе потврди во интервју за „Моцарт Спорт“ дека неговиот тим е заинтересиран да игра во АБА лигата, но под услов домашните натпревари да ги играат во сопствената земја.

Покрај израелскиот тим во АБА лигата ќе се натпреваруваат и романски Клуж и австриска Виена.

Доколку сите тимови добијат зелено светло на Собранието на регионалното натпреварување, кое е закажано за понеделник, АБА лигата ќе вклучува пазар од околу 70.000.000 гледачи.

Во својата историја, регионалното натпреварување никогаш немало четири екипи од Евролигата, па евентуалното влегување на Хапоел дополнително би го подигнало нивото на квалитет и интересот за лигата.

Како што додава „ТВ Арена спорт“, новиот формат ќе има 20 клуба кои ќе бидат поделени во две групи, а петте најдобро пласирани од двете групи одат во фазата Топ 10, додека преостанатите пет продолжуваат во плеј-аут натпреварувањето.

Бодовите од првата фаза се пренесуваат во втората, што значи дека секој натпревар има важност од самиот почеток.

Се разгледува и враќањето на Фајнал Фор турнирот, кој последен пат беше се играше во 2014 година во Белград, а наградата за новиот шампион потенцијално ќе се зголеми на дури 1.000.000 евра.