Спорт
Вајда: Пресвртница беше мечот со Надал на Вимблдон
Тренерот на Новак Ѓоковиќ, Марјан Вајда, рекол дека српскиот тенисер по победата над Рафаел Надал, во полу-финалето на Вимблдон, го изгубил стравот од поразите. Словакот во тимот на Ѓоковиќ се врати во април оваа година, откако една година претходно ја…


Тренерот на Новак Ѓоковиќ, Марјан Вајда, рекол дека српскиот тенисер по победата над Рафаел Надал во полуфиналето на Вимблдон, го изгубил стравот од поразите. Словакот во тимот на Ѓоковиќ се врати во април оваа година кога една година претходно ја раскинаа соработката.
Неверојатниот подем на Ѓоковиќ почна токму со враќањето на Вајада и кондициониот тренер, Гебхард Фил Грич. Претходно, Ѓоковиќ не играше тенис речиси шест месеци, а во јануари се реши да го оперира повредениот лакот.
„Долго време го познавам Новак, но не можев да замислам дека толку бргу ќе се врати на ова ниво. Чувствувам дека се движиме по нов пат. Имав многу сомнежи. Тешко беше да се гледа назад, да се гледа на времето кога тој освои толку многу трофеи и во исто време да се предвиди иднината. Кога повторно почнавме да соработуваме, прво ме праша кога повторно ќе почне да победува“, рекол Вајда во интервју за „Убитенис“.
Интересно, но подемот на Ѓоковиќ почна на тревната подлога, иако по поразот од Марко Чекинато, во четврт-финалето на „Ролан Гарос“, воопшто не бил сигурен дека ќе игра на оваа подлога.
„Тој реши да игра на тревата во Квинс и Вимблдон. Се чувствуваше одлично од првиот момент. Заборави на сè она што било претходно. Иако го загуби финалето во Квинс од Марин Чилиќ, фактот што играше финале му донесе многу самодоверба. Пресвртница беше полуфиналето на Вимблдон против Надал. Тогаш сè се смени. Беше неверојатно. Некој од публиката викна: „Ви благодарам на двајцата за ова. Потоа Новак повеќе не се плашеше од пораз“, рече Вајда.
Ѓоковиќ во Вимблдон го победи Надал со 3:2 (6:4, 3:6, 7:6, 3:6, 10:8), а потоа ја освои титулата. Противник во финалето му беше Кевин Андерсон.
По Вимблдон, српскиот тенисер ги освои мастерс-турнирите во Синсинати и Шангај, а од мината недела се врати на првата позиција на АТП-листата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сценарио кое никој не го сака – Влаховиќ би можеч да остане во Јувентус

Српскиот фудбалер Душан Влаховиќ сè уште не знае каде ќе ја продолжи кариерата и покрај секојдневните информации и шпекулации околу неговата иднина.
Според „Калчомеркато“, само два клуба биле сериозно заинтересирани за напаѓачот, Фенербахче и Милан.
Преговорите со турскиот тим одамна се замрени, додека „росонерите“ практично се повлекоа откако се „шпекулираше“ дека Макс Алегри се свртел кон Расмус Хојлунд од Манчестер јунајтед.
Доколку Данецот навистина дојде во Милан на позајмица, нема да има потреба од трансфер на српскиот напаѓач.
Тогаш сценарио кое ниту Јувентус ниту Душан Влаховиќ не го посакуваа би се реализирало, напаѓачот би останал во Торино.
Играчот влегува во последната година од договорот, а доколку ја помине и сезоната 2025/26 со „старата дама“, тоа значи дека би заминал следното лето без обештетување.
Тоа би бил дополнителен удар за Јувентус, кој нема да врати ниту дел од 70-те милиони (плус уште 10 за бонуси) што ги плати кога Влаховиќ дојде од Фиорентина.
Спорт
Јунајтед не попушта – Челзи за Гарначо треба да плати 58 милионие вра

Челзи го сака Алехандро Гарнача, а Аргентинецот сака да се пресели на „Стемфорд Бриџ“, но бафре засега преговорите со Манчестер јунајтед се тешки.
Челзи за Гарначо понудиле четворица фудбалери: Кристофер Енкунку, Николас Џексон, Аксел Дисаси и Ренато Веига, поточно еден од нив во замена за Аргентинецит.
Наводно, на Јунајтед не му треба ниту еден од овие играчи, бидејќи им се потребни пари за да го засилат редот за врска и потенцијално голманот, Џанлуиџи Донарума.
Јунајтед постави јасна цена за Аргентинецот, таа е 50.000.000 фунти, или 58.000.000 евра и засега одбиваат да ги намалат своите барања.
Челзи ги сака и Џави Симонс и Гарначо, но за да ги реализираат овие трансфери, мора да го продадат гореспоменатиот квартет што му го понудија на Јунајтед.
Преговорите продолжуваат, Симонс и Гарначо веќе се договорија со Челзи и внимателно ги следат преговорите.
Спорт
Чудната клаузула во договорот на Ињиго Мартинез

Ињиго Мартинез ја напушти Барселона и се пресели во Ал Наср. Целата работа околу трансферот беше завршена за 48 часа.
Мартинез, пред две години, како слободен играч дојде во Барселона од Атлетик Билбао. Во првата сезона поради повредите не успеа да се наметне, во во втората блескаше и беше незаменлив во одбрамата.
Медиумите во Шпанија открија како фудбалерот експресно успеа да го реализира трансферот и да замине без обесштетување во Ал наср.
Кога пред две години го ставил својот потпис на договорот со Барселона, Мартинез инсистирал да биде вметната клаузула, според која има право да го напушти клубот доколку добие понуда од Саудиска Арабија.
Очигледно, Ињиго имал желба кон крајот на својата кариера да ја зголеми сметката во банката и се подготвил сè за потенцијален трансфер.