Спорт
(Видео) Ѓоковиќ ги откри деталите од конфликтот со навивачот на трибините: „Очекував дека атмосферата ќе биде доста непријателска“

Новак Ѓоковиќ го совлада Алекс Попирин во второто коло на Австралија опен по голема битка во четири сета, а мечот го одбележа и конфликтот со грубите австралиските навивачи.
Ситуацијата беше комплицирана со новото правило кое сега им овозможува на навивачите да влегуваат помеѓу секој гем, да стануваат, да шетаат и генерално да ги деконцентрираат играчите.
Ѓоковиќ се осврна на тоа правило и на фактот дека спортот се повеќе е подреден на шоу-бизнисот.
„Спортот ќе мора да се прилагоди на овие движења. Овие појави не се нешто што доаѓа, туку постои веќе некое време, тоа е дел од нашата сегашност. Секој Грен слем е единствен на свој начин; УС Опен е убедливо најгласен, каде сè се врти околу таа забава и забавна програма. Публиката е гласна, пијат неколку пијачки, се забавуваат – и мислат дека имаат право на тоа со купување карта, дека можат да ги кажат работите што сакаат, да се изразат и да се однесуваат како што сакаат. Дали ова е во согласност со некој морален кодекс и нормално очекувано однесување на тениските турнири? Веројатно и не е во вакви ситуации, особено онаа што се случи против Попирин“, кажа српскиот тенисер, пренесе нова.рс.
Потоа се осврна на целата атмосфера на тој натпревар.
„Очекував дека атмосферата ќе биде доста непријателска кон мене и дека стадионот ќе навива за австралискиот тенисер – но не очекував дека некои луѓе ќе отидат толку далеку, да навредуваат. Некој тогаш ги премина сите граници на пристојно однесување, па морав да му се спротивставам и да го повикам да дојде да ми го каже в лице што го кажа на трибините. Потоа – да не речам во жаргон – се исплаши и почна да се извинува – од далечина“.
„Би сакал да слезе на теренот, да дојде до мене и да слушнам што е тоа – да направиме малку муабет“, одговори Новак на прашањето што би направил ако навивачот одлучеше да дојде кај тенисерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Алкараз: Се уште не ми е јасно како го победив Синер

Шпанскиот тенисер Карлос Алкараз призна дека сè уште не му е јасно како успеал да го освои Ролан Гарос.
Минатата недела Алкараз стана третиот најмлад тенисер со пет Гренд слем титули, откако го победи Јаник Синер по пет сета и пет и пол часа игра.
Италијанецот имаше три меч топки при 2:1 во сетови, Алкараз волшебно се извлече, го доби четвртиот сет, а потоа во супер тај-брејкот во петтиот сет успеа да победи.
„Сè уште го гледам мојот телефон, медиумите и ги гледам снимките од дуелот против Синер и како успеав да ги спасам меч топките. Навистина не разбирам како победив. Сè уште сум во шок кога сфаќам што успеав. Сè уште не сум целосно свесен дека сум шампион на Ролан Гарос“, рече Алкараз.
По Париз, тој се упати кон Ибица.
„Беше забавно, три дена и три ноќи. Доволно. Искрено, бев таму повеќе ментално отколку физички. Најлудото нешто што го направив беше што останав надвор многу доцна. Танцував малку, но ништо повеќе од другите“, заклучи Алкараз.
Неговата следна станица е Квинс, каде што ќе биде првиот носител.
Спорт
(Видео) Ботафого го победи Сиетл, голманот Рамос спречи пораз на Порто

Порто и Палмеирас ремизираа без голови во А групата, а Ботафого во Б групата, го победи Сиетл со 2:1, во првото коло на Светското клупско првенство.
Фудбалерите на Порто не успеаја да ја потврдат доминацијата на Европејците на почетокот од Светското клупско првенство.
„Змејовите“ едвај избегнаа пораз против бразилскиот Палмеирас (0:0) во вториот натпревар од Групата А.
Бразилците покажаа заби, доминираа во овој натпревар, но португалскиот голман Клаудио Рамос беше непремостлива пречка.
Гоманот, кој со години му е резерва на Диого Кошта, имаше неколку неверојатни одбрани и му помогна на Порто да освои бод.
По првото коло во А групата, сите четири екипи во групата имаат по еден бод, бидејќи Интер Мајами и египетскиот Ал Ахли ремизираа без голови на отворањето на турнирот.
Вториот бразилски претставник, Ботафого, го отвори првенството со важна победа.
По голема борба, црно-белите го „скршија“ Сиетл со 2:1 во група во која апсолутни фаворити се Пари Сен Жермен и Атлетико Мадрид. Бразилскиот тим стигна до огромни три бода со головите на Жаир Куња и Игор Жезуз во првото полувреме.
На 15 минути пред крајот на натпреварот, Кристијан Ролдан им даде надеж на „Сондерс“ дека можеби ќе успеат да освојат бод, имаа целосна контрола на крајот, но не успеаја да стигнат до израмнување.
28’ |⚽| GOOOOAL, Jair Cunha heads it in for Botafogo's first goal of the FIFA Club World Cup 🔥
WATCH @Botafogo – @SoundersFC in the @FIFACWC now | June 14 – July 13 | Every Game | Free | https://t.co/i0K4eUtwwb | #FIFACWC #TakeItToTheWorld pic.twitter.com/NigUINEZvH
— DAZN Football (@DAZNFootball) June 16, 2025
44’ |⚽| GOOOOAL, another header from Botafogo, Igor Jesus makes it 2!
WATCH @Botafogo – @SoundersFC in the @FIFACWC now | June 14 – July 13 | Every Game | Free | https://t.co/i0K4eUtwwb | #FIFACWC #TakeItToTheWorld pic.twitter.com/n7B4LQwhTZ
— DAZN Football (@DAZNFootball) June 16, 2025
Со оваа победа, Ботафого се стави во добра позиција да се бори за место во втората фаза во веројатно директен дуел со Атлетико, по поразот на „јорганџиите“ од ПСЖ.
Спорт
Галатасарај ќе започне преговори за Чалханоглу

Фудбалскиот клуб Галатасарај е сериозно заинтересиран за фудбалерот на Интер, Хакан Чалханоглу. Капитенот на турската репрезентација има договор со Интер до јуни 2027 година.
Турските медиуми, во денешните изданија пишуваат дека се очекува доаѓањето на агентот на турскиот фудбалер Гордон Стипиќ во Истанбул за да се започнат преговорите. Засега не е познато колкаво обесштетување ќе побара Интер за Чалханоглу.
Специјализираната веб-страница „Трансфермаркт“ проценува дека вредноста на Чалханоглу на пазарот е 35 милиони евра, па се очекува дека Интер ќе бара толку.
Патем, Интер имаше лоша сезона, во самиот финиш ја загуби титулата во Серија А, која ја освои Наполи, додека во финалето на Лигата на шампионите загуби од Пари Сен Жермен.