Спорт
Време е за 53 Супербоул



Најголемиот спортски настан во САД, финалниот меч во НФЛ шампионатот ќе се одигра во ноќата помеѓу недела и понеделник. 53 Супербоул финале, во кое ќе се соочат Њу Ингланд Петриотс и Лос Анџелес Ремс, ќе започне 30 минути по полноќ.
Многу рекорди ќе бидат соборени во 53 финале, а во централна фигура ќе биде легендарниот квотребек на Петриотс, Том Брејди, кој ќе собори седум лични рекорди.
Со 41 година и 183 дена тој е најстариот квотербек и најстариот член на стартната постава во едно финале. Петриотс ќе го играат своето 11 финале.
Бил Беличик деветти пат ќе ги предводи Петриотс во завршниот меч. За него ова ќе биде 12 учество во финалето.
Неговиот колега од спротивната страна Шон Меквеј ќе стане најмладиот тренер што предводел екипа во финалето. Тренерот на ЛА Ремс на денот на финалето ќе има 33 години и 10 дена.
Правата за телевизискиот пренос ги има Си-би-ес, а се очекува мечот да го гледаат 100 милиони Американци. Капацитетот на „Мерцедес Бенз“ стадионот во Атланта изнесува 70.000 седишта.
Оние што решиле да се рекламираат во текот на преносот за 30 секунди реклама ќе издвојат пет милиони долари.
Химната на САД, пред почетокот на натпреварот ќе ја пее „царицата на соул музиката“ Гледис Најт, која е родена во Атланта. Таа во својата кариера има освоено седум Греми награди, а магазинот „Ролинг Стоун“ ја вброи меѓу 100 најдобри вокали на сите времиња.
На полувремето ќе настапи бендот „Марун Фајв“ и раперите Тревис Скот и Биг Бојл.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ливерпул го лади шампањското, Арсенал не успеа да го победи Евертон

Евертон и Арсенал одиграа 1:1, во првиот натпревар од денешната програма во рамките на 31.коло во Премиер лигата.
Ова беше прв натпревар меѓу овие тимови на „Гудисон Парк“, откако Кевин Кембел почина минатиот јуни на 55-годишна возраст.
Публиката аплаудираше во деветтата минута во чест на поранешниот напаѓач на двата клуба – 163 натпревари за Арсенал во Премиер лигата, а се запиша во историјата на Евертон како првиот црномурест капитен.
Микел Артета, кој исто така во кариерата играше за Евертон, мечот го започна со комбиниран состав. Бидејќи наредната недела игра против Реал во Лигата на шампионите, Артета ги остави главните адути на клупата за резерви.
Арсенал сепак дојде до предност, во 34.минута со голот на леандро Тросар, а конечниот резултат го постави Сенегалецот Илиман Ндиае од пенал во 49. минута. Пеналот го направи 18-годишниот лев бек Мајлс Луис-Скели над Џек Харисон.
Арсенал сега со натпревар повеќе има 11 поени помалку од лидерот Ливерпул и се чини дека повеќе нема дилеми кој ќе го наследи Манчестер сити на тронот во англискиот фудбал.
Спорт
Њукасл се распрашува за Кен
Напаѓачот на Фиорентина, Мојс Кен, ја игра најдобрата сезона во кариерата. Во досегашниот тек од сезоната постигна 16 голови во Серија А, со што го собори својот личен рекорд. Неговата форма не минува незабележано во Европа.
Италијанските медуми тврдат дека е можно Кен да се врати во Премиер лигата. Пред неколку сезони го носеше дресот на Евертон.
Според овие извори, претставниците на Њукасл започнале преговори со неговиот менаџер за евентуален трансфер во летниот преоден рок.
Кен има договор со Фиорентина до јуни 2029 година, но и откупна клаузула вредна 52 милиони евра која може да се активира меѓу 1 и 15 јули годинава.
Спорт
Мурињо се соочува со суспензија од десет натпревари

Жозе Мурињо имаше свое шоу по натпреварот против Галатасарај, кога по поразот во четвртфиналето на Купот (1:2) за нос го фати противничкиот тренер, Окан Бурук.
Ден по натпреварот, португалскиот стручњак беше осуден од голем број луѓе, кои не можеа да поверуваат што направи.
Фудбалскиот сојуз на Турција покрена постапка, ги прегледува снимките, по што ќе донесе одлука околу казната за Жозе Мурињо. Според некои медиуми, бидејќи ова не му е прв инцидент од доаѓањето во Турција можно е да добие суспензија од 10 натпревари.
Челниците на Фенербахче не се огласуваа по инцидентот, но медиумите тврдат дека во секој случај ќе застанат на негова страна, бидејќи и тие сметаат дека се оди на штета на нивниот тим.