Спорт
Германскиот надбискуп во посета на Шуми: Здебелен е и околу него се луѓето кои го сакаат
Легендата на Ф1, Михаел Шумахер ги „чувствува“ саканите луѓе околу него и е здебелен во лицето, открива германскиот надбискуп Георг Генсвајн, кој беше во посета на ексвозачот на Ферари и Мерцедес во неговиот дом во Швајцарија.
Околу состојбата на седум…


Легендата на Ф1, Михаел Шумахер ги „чувствува“ саканите луѓе околу него и е здебелен во лицето, открива германскиот надбискуп Георг Генсвајн, кој беше во посета на ексвозачот на Ферари и Мерцедес во неговиот дом во Швајцарија.
Околу состојбата на седумкратниот Ф1 шампион имаме многу малку информации по сериозната повреда на главата добиена на скијање на Француските Алпи на 29 декември 2013 година, бидејќи неговото семејство прави сѐ што е можно да ја заштити неговата приватност. Шпекулациите велат дека грижата за него го чини семејството 120.000 евра неделно, бидејќи 15 луѓе се околу Германецот.
Генсвајн пак, открива дека го посетил Шумахер во 2016 година, додавајќи дека тој станал „малку пополн“ во лицето, но дека уште изгледа исто како кога доминираше во Ф1.
„Седев до него, го држев за раце и го гледав. Тој ги чувствува луѓето кои го сакаат околу него, и кои благодарам на Господа, ја држат јавноста подалеку од него. Секогаш во моите молитви го споменувам Михаел и неговото семејство“, изјави 62-годишниот Гансвајн, инаку еден од клучните советници на папата Франциск, за „Билд“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Недеви на карате семинар во Виндзор, Англија

Македонските каратисти предводени од Венцислав, Дејан и Аљоша Недеви викендов учествуваат на врвен карате семинар во Винздор, Англија.
Семинарот го водат Такаши Оиши 9 дан, шеф инструктор на Јапонија и повеќекратен светски шампион во традиционално карате во ИАКФ/ИТКФ. Масао Кавазое 8 дан, шеф инструктор на Англија и Такаши Наито 8 дан, шеф инструктор на Италија.
Сите тројца се врвни карате мајстори членови на ИТКФ и ЈКА едни од првите и најмасовните карате организации во светот. Дејан Недев и овој пат беше еден од главните асистенти на карате семинариот во Винзор. На семинарот учествуваат над 500 каратисти од цел свет, а Македонија ја преставуваат: Камелија, Филип и Тадеј Недеви.
Спорт
(Видео) Најлошиот натпревар во кариерата на Никола Јокиќ – ова никогаш не му се случило на трикратниот МВП на НБА

Денвер Нагетс на Никола Јокиќ ги победија Оклахома Сити Тандер со 113:104 и поведоа со 2-1 во полуфиналето на Западната конференција, но центарот на тимот од Колорадо нема да го памети добро овој натпревар.
Јокиќ го заврши натпреварот без ниту една тројка, иако упати десет удари кон противничкиот кош.
Не е прв пат центарот на тимот од Колорадо да го заврши натпреварот без ниту една тројка, но му се случи за прв пат да не помине топка низ обрачот по десет обиди.
Досега, Јокиќ имаше најмногу промашени шутеви, осум, на 10 март 2022 година, против Голден Стејт Вориорс.
Спорт
Драма во Шпанија: Тренерот на Жирона итно префрлен во болница

Фудбалскиот тренер на Жирона, Мичел Санчез, напиша на социјалната мрежа X дека е хоспитализиран, но не ги наведе причините поради кои е примен во болница.
„Морав да бидам хоспитализиран и ќе бидам под лекарски надзор неколку дена“, напиша Санчез, додавајќи дека се чувствува добро и со нетрпение очекува да се врати на клупата.
Поради здравствената состојба, Санчез нема да го предводи тимот на натпреварот против Виљареал во сабота. Жирона моментално е на 15-то место на табелата, шест бода над зоната за испаѓање, а до крајот на првенството остануваат уште четири кола.
Ниту клубот, ниту тренерот не објавија повеќе детали за неговата здравствена состојба.
„Се чувствувам добро, под надзор сум на лекар и ги бројам деновите до враќањето на работа за да можеме да ја продолжиме борбата до крајот на сезоната. Ќе бидам отсутен од теренот, но во постојан контакт со стручниот штаб“, рече Санчес.
Минатата сезона, Санчез го предводеше каталонскиот клуб до историско трето место во шпанското првенство. Сепак, тимот се соочи со проблеми оваа сезона откако клучни играчи го напуштија клубот за време на летниот преоден рок, па Жирона е само 15-та на табелата со 38 бода, и сè уште не ја надминала борбата за опстанок.