Минатиот викенд се одржаа петтата и шестата рунда од ФИМ Европскиот шампионат на легендарната патека Брно во Чешка од таму Христијан Бузалковски се врти со двоен подиум на Европскиот Шампионат во класата Суперсток 1000.

Моментално Бузалковски е на втората позиција во генералниот пласман со освојување на второ и трето место во главните трки и едно трето место во “Sprint” трката. До крајот на сезаната остануваат уште 4 трки и една спринт трка , Христијан е се’ уште во борба за титулата заостанува само 20 бода позади водечкиот во шампионатот.

Бузалковски: „Ова можеби беше еден од најдобрите тркачки викенди за мене и за мојот тим! Уште од првиот слободен тренинг бевме компетитивни , најдовме идеален сетап и знаевме во која насока движиме! Иако се уште имаме минимални проблеми сo предниот дел на моторот сепак успеавме да извозиме две одлични главни трки, една спринт трка и да го оствариме подиумот три пати! Огромна благодарност до мојот тим за целокупната работа целиот викенд , моите спонзори и поддржувачи!”

ФК Вардар вечерва од 20:30 часот на Националната арена „Тодор Проески“ во Скопје го започнува својот настап во квалификациите за Конференциската лига на УЕФА, со дуел против тимот Ла Фјорита од Сан Марино.

Според последните проценки од меѓународни спортски аналитичари и обложувалници, Вардар има 78% шанси за победа, 15% за нерешен резултат и 7% е можноста за победа на Ла Фјорита.

Овие бројки се базираат на анализи од „Типс.ГГ“,  „Сокербетс365“ и „Форбет“ , кои ги земаат предвид формата на тимовите, историските резултати, статистиката од последните натпревари и обложувачките коефициенти.

Вардар влегува во натпреварот со импресивна форма — 7 победи во последните 10 натпревари, додека Ла Фјорита има само 1 победа и четири порази во последните пет европски меча.

Двајца португалски камионџии, кои директно сведочеле на трагичната несреќа во која животите ги загубија Диого Жота (Ливерпул) и неговиот брат Андре Силва (ФК Пенафиел), ја негираат официјалната верзија на шпанската Цивилна гарда дека возилото било управувано со прекумерна брзина, објавија утрово шпанскиот национален дневен весник „Марка“.

„Ги видов како ме претекнуваат, беа супер смирени. Им давам збор на семејството дека не возеа пребрзо,“ изјави Хосе Азеведо, кој го снимил моментот веднаш по несреќата, додека автомобилот бил во пламен. „Филмирав, застанав, се обидов да помогнам, но за жал не можев ништо. Имам чиста совест.“

Другиот сведок, Хосе Алеиксо Дуарте, нагласува дека автомобилот се движел со „умерена брзина“ и дека патот A52 е „во многу лоша состојба“, потенцијално влијаејќи врз трагичниот исход.

Според извештајот на Цивилната гарда, „сè укажува на прекумерна брзина во однос на дозволеното“, но сведочењата отвораат сомнежи околу вистинските причини за несреќата.

Несреќата се случи на 7 јули, на автопатот A52 кај местото Цернадиља, во покраината Самора – Шпанија. Браќата патуваа кон Сантандер кога нивниот автомобил излета од коловозот и се запали. Жота (28) и Силва (25) загинаа на самото место.