Спорт
Далас го стиша џезот, Вучевиќ му го расипа дебито на Батлер (Видео)
Измината ноќ во НБА лигата мина во знакот на доминантната победа на Далас Маверикс над Јута Џез 118:68, а индивидуално печат ставија Леброн Џејмс, кој стана петтиот најдобар стрелец во историјата на лигата, Никола Вучевиќ, кој со Орландо славеше над Фи…
Измината ноќ во НБА лигата мина во знакот на доминантната победа на Далас Маверикс над Јута Џез 118:68, а индивидуално печат ставија Леброн Џејмс, кој стана петтиот најдобар стрелец во историјата на лигата, Никола Вучевиќ, кој со Орландо славеше над Филадилфија и Пол Џорџ од Оклахома Тандер.
Јута го одигра најлошиот меч и го забележа најтешкиот пораз откако франшизата е во Солт Лејк Сити. Во 1979 година Милвоки Бакс славеле со 158:102 над тимот кој тогаш играл во Њу Орлеанс.
Џезерите во второто полувреме постигнаа само 22 поени, односно само девет пони во последната четвртина.
Маверикс до убедливиот триумв ги предводеа Херисон Барнс со 19, Хосе Хуан Бареа со 14, односно Лука Дончиќ и Двај Пауел со по 13 поени. На спротивната страна најефикасен беше Рики Рубио со 11 поени, а Руди Гобер забележа по 10 поени и скокови.
Оклахома Тандер, без Расел Вестбрук, забележаа победа во дуелот со Њујорк Никс 128:103. Доминантна партија пружи Пол Џорџ со 35 поени, седум скока, пет асистенции и две украдени топки. Џорџ не влегуваше во игра во последната четвртина.
Црногорскиот репрезентативец Никола Вучевиќ му го расипа дебито на Џими Батлер во дресот на Филаделфија. Орландо забележа победа 111:106, а Вучевиќ успеа да издоминира во нападот против еден од најдобрите центри во лигата, Џоел Ембид.
Црногорецот имаше учинок од 30 поени, осум скока и четири асистенции. Ембид забележа трипл-дабл (19 поени, 13 скока, 10 асистенции), но од игра погоди само шест од 20.обиди. Џими Батлер кој пред неколку дена пристигна во Филалделфија, дебитираше со 14 поени.
НБА резултати: Орландо Меџи-Филалделфија 111:106, Вашингтон Визардс-Кливленд Кавалирс 119:95, Бостон Селтикс-Чикаго Булс 111:82, Бруклин Нетс-Мајами Хит 107:120, Торонто Репторс-Детроит Пистонс 104:106, Милвоки Бакс-Мемфис Гризлис 113:116, Минесота Тимбервулвс-Њу Орлеанс Пеликанс 107:100, Оклахома Тандер-Њујорк Никс 128:103, Далас Маверикс-Јута Џез 118:68, Феникс Санс-Сан Антонио Спарс 116:96, ЛА Лејкерс-Портланд Трејлблејзерс 126:117.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Рим, Ѓоковиќ удрен во главата со шише за вода
Новак Ѓоковиќ доби шише во глава, кое беше фрлено од трибините додека даваше автограми.
Инцидентот се случи по победата на Ѓоковиќ, во второто коло на Мастерсот во Рим, над Французинот Корентин Муте 6:3, 6:1.
Додека најдобриот во светот давал автограми од трибините излетало шише со вода кое завршило во неговата глава.
Ѓоковиќ од болка паднал на земја, додека луѓето од организацијата притрчале да му помогнат. Новак останал долго да лежи, што јасно покажува дека шишето било полно и прилично тешко, а ударот бил многу болен. Според некои новинари од местото на настанот, Ѓоковиќ има расекотина на главата.
Како што пишува „Спортмесиасет“, српскиот ас веднаш бил пренесен во болница на преглед, имал благи вртоглавици, но генерално се чувствува добро. Се шпекулира и дека се работи за случајност, а шишето испаднало од ранецот на гледач од трибините и завршило со главата на Новак.
Ова го потврди и организаторот кој соопшти дека инцидентот се случил кога едно дете се наведнало преку оградата за да му даде на Ѓоковиќ тетратка на потпис, а од ранецот на детето испаднало алуминиумско шише со вода и завршило во главата на Ѓоковиќ.
This is shocking.
Novak Djokovic was hit on the head with a water bottle thrown from the stands while he was signing autographs.
Disgusting.pic.twitter.com/Pwt2sjBisl
— Relevant Tennis (@RelevantTennis) May 10, 2024
Спорт
(Видео) Новак Ѓоковиќ заврши на клиника, удрен e со шише во глава
Српскиот тенисер Новак Ѓоковиќ се пласираше во третото коло на Мастерсот во Рим, кој по голема борба го совлада Французинот Корентин Муте со 2:0 (6:3, 6:1), а по мечот се случи сериозен инцидент кога тој беше удрен во глава, најверојатно со шише.
View this post on Instagram
Српскиот тенисер веднаш се струполи на подот, а присутните велат дека има траги од крв.
Someone threw a water bottle at Novak Djokovic’s head when he was signing autographs.
He ends up on the floor.
Absolutely disgusting behavior from whoever did this.
The world is becoming a very sad place.
— The Tennis Letter (@TheTennisLetter) May 10, 2024
Имено, Новак е познат како некој кој има трпение за сите фанови. Така беше и овој пат во Рим. Новак без разлика на трудот што го имаше за време на натпреварот, се посвети на навивачите фотографирајќи и давајќи автограми. но, на излегување од теренот, некој фрлил шише и го удрил Новак во главата. Српскиот тенисер легнал на подот и веднаш се фатил за глава. Според присутните, Новак има расекотина, а забележливи се и траги од крв.
Како што јавија италијанските новинари, тој веднаш отишол во амбуланта и се пожалил на мачнина.
Спорт
(Видео) Мбапе објави дека заминува од ПСЖ
Една голема епизода во кариерата на Килијан Мбапе заврши. Францускиот фудбалер вечерва и официјално потврди дека на крајот од сезоната го напушта Пари Сен Жермен.
Но, вториот дел од енигмата сепак останува, бидејќи Мбапе не кажа каде ќе ја продолжи кариерата. Иако, цел свет тоа одамна го насетува.
Епизодата на Килијан во Париз не заврши славно. Трофејот во Лигата на шампионите и оваа сезона остана недостижен за брзиот напаѓач, иако „светците“ важеа за големи фаворити во полуфиналето против Борусија Дортмунд.
Сите други домашни трофеи одамна престанаа да ја задоволуваат гладта и на Ембапе и на навивачите на францускиот клуб.
И покрај тоа што не кажа каде ќе ја продолжи кариерата, тоа најверојатно ќе биде Реал Мадрид.
Мбапе вечерва преку видео порака се прости од навивачите на Пари Сен Жермен.
„Отсекогаш сум велел дека ќе ви се обратам кога ќе дојде вистинското време. Сакам да ве информирам дека ова е мојата последна сезона во Пари Сен Жермен. Нема да го продолжам договорот и оваа авантура ќе заврши во следните неколку недели. Мојот последен натпревар ќе го одиграм на „Паркот на принцовите“ во недела.
Се борам со многу емоции. Имав можност и голема чест да бидам дел од најголемиот клуб во Франција и еден од најдобрите во светот, што ми овозможи да дојдам овде и да почувствувам како е да се игра во голем клуб под притисок. Нашредував како играч, се разбира со едни од најдобрите фудбалери во историјата. Некои големи шампиони. Запознав многу луѓе, созреав како личност, со сета слава и грешки што ги направив“, изјави Мбапе.
MERCI. 🔴🔵 @PSG_inside pic.twitter.com/t0cL2wPpjX
— Kylian Mbappé (@KMbappe) May 10, 2024