Спорт
Димитров загуби, па најави подолга пауза
Григор Димитров планира да направи мала пауза од тенисот откако доживеа тежок пораз во третото коло на Ролан Гарос во петокот.
Бугарскиот тениски ас, кој беше четврти носител во Париз загуби со 7:6(4)/6:2/6:4 од шпанскиот ветеран Фернандо Вердаско, сам…


Григор Димитров планира да направи мала пауза од тенисот откако доживеа тежок пораз во третото коло на Ролан Гарос во петокот.
Бугарскиот тениски ас, кој беше четврти носител во Париз загуби со 7:6(4)/6:2/6:4 од шпанскиот ветеран Фернандо Вердаско, само два дена откако во пет сета едвај го помина Американецот Џаред Доналдсон.
Пред ова, Димитров стигна до полуфиналето во Монте Карло и во четврт-финалето во Барселона, но загуби во првото коло во Мадрид и во Рим. Со само 18-11 скор оваа година, Димитров вели дека му е потребна пауза.
„Потребно ми е малку слободно време за да ја проценам целата сезона на земја, да бидам искрен. Мислам дека ми треба мала анализа мојата игра и да видам каде грешам. Не сакам да бидам многу негативен во моментов, бидејќи секогаш е емотивно по пораз“, вели Димитров.
Германецот Александер Зверев пак, го издржа маратонот против Дамир Џумхур од Босна и Херцеговина за пласман во четвртото коло. По речиси четири часа игра, 21-годишниот Зверев победи со 6:2/3:6/4:6/7:6(3)/7:5 за првпат во кариерата да стигне до четвртото коло на Ролан Гарос.
Зверев лесно го освои првиот сет, а направи и брејк во вториот, пред Џумхур да ги искористи грешките на Германецот (кој заврши со 73 неизнудени грешки) за да ги освои следните два сета. Џумхур дури имаше меч-поен во 11-тиот гем од последниот сет, пред да стигне до победата.
„Ова е првпат да стигнам до четвртото коло и тоа на совршен меч. Публиката беше фантастична“, вели Зверев.
Џумхур освен што загуби во драматичната пресметка во пет сета со Алекснадер Зверев, имаше и уште еден незгоден момент на теренот кога го „нокаутираше“ детето што собира топки.
Talk about a collision course. ?@DzumhurDamir collides with ball boy during match. #RG18 pic.twitter.com/M5xHLxMlMK
— Tennis Channel (@TennisChannel) June 1, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шест натпревари суспензија за Ридигер

Антонио Ридигер е суспендиран шест натпревари поради инцидентот што го предизвика во саботата, во финалето на Купот на кралот помеѓу Реал и Барселона.
Во фантастичен натпревар, Барселона го победи Реал со 3:2 по продолженијата, а Ридигер, во напад на неверојатен бес, најпрвин фрли пластично шише кон судијата, а потоа и сакаше физички да се пресмета со него.
Ридигер веќе беше заменет, но сепак доби црвен картон.
Со оглед на тоа што останаа уште пет кола пред крајот на сезоната, а Ридигер го оперираше коленото, тој ќе го отслужи преостанатиот натпревар од суспензијата на почетокот на следната сезона.
Џуд Белингам исто така доби црвен картон на крајот од натпреварот, но не беше казнет. Беше оценето дека судијата направил грешка во својата проценка.
Лукас Васкез доби казна за црвениот картон, тој е суспендиран на два натпревари бидејќи беше меѓу оние кои протестираа на крајот од второто продолжение. Тој го предводеше тој протест фрлајќи мраз кон судијата, додека Винисиус мина без казна.
Спорт
Ѓоковиќ го откажа настапот во Рим

Новак Ѓоковиќ нема да учествува на Мастерсот во Рим. Ѓоковиќ 18 пати учествувал на овој Мастерс, 12 пати играл во финалето, освоил шест титули.
„Новак Ѓоковиќ објави дека нема да учествува на турнирот во Рим. Се гледаме следната година, Ноле“, пишува на социјалните мрежи на Мастерсот во Рима.
Во Монте Карло и Мадрид, Ѓоковиќ беше елиминиран во првите натпревари, од Алехандро Табило и Матео Арналди, и се очекуваше дека ќе се обиде да ја врати формата пред Ролан Гарос, кој започнува на 25 мај, на неговиот најуспешен Мастерс на земјена подлога.
Се уште не е познато зошто Ѓоковиќ го откажа од настапот во Рима. Ќе видиме дали е повреда во прашање и какви се идните планови на Новак, но од 2007 година, Ѓоковиќ никогаш не го пропуштил Мастерсот во Рим.
Оваа сезона, Ѓоковиќ играше во полуфиналето на Австралија Опен, но на четири од последните пет турнири беше елиминиран во своите први натпревари, иако играше и во финалето на Мајами.
Спорт
Пулишиќ ќе го продолжи договорот со Милан

Американскиот фудбалер Кристијан Пулишиќ се согласил да го продолжи договорот со челниците на Милан, објави италијанскиот весник „Газета дело Спорт“.
Како што тврди „Газета“, 26-годишниот капитен на репрезентацијата на Соединетите Американски Држави ја прифатил понудата да потпише нов договор до јуни 2029 година со зголемување на годишната плата од четири на пет милиони евра.
Пулишиќ е најдобар стрелец на Милан оваа сезона со 16 постигнати голови на 45 натпревари во сите натпреварувања.
Пред Милан, американскиот играч од средниот ред играше за Челзи и Борусија Дортмунд.
Во дресот на САД, тој постигна 32 гола на 78 натпревари.