Спорт
Димитров загуби, па најави подолга пауза
Григор Димитров планира да направи мала пауза од тенисот откако доживеа тежок пораз во третото коло на Ролан Гарос во петокот.
Бугарскиот тениски ас, кој беше четврти носител во Париз загуби со 7:6(4)/6:2/6:4 од шпанскиот ветеран Фернандо Вердаско, сам…
Григор Димитров планира да направи мала пауза од тенисот откако доживеа тежок пораз во третото коло на Ролан Гарос во петокот.
Бугарскиот тениски ас, кој беше четврти носител во Париз загуби со 7:6(4)/6:2/6:4 од шпанскиот ветеран Фернандо Вердаско, само два дена откако во пет сета едвај го помина Американецот Џаред Доналдсон.
Пред ова, Димитров стигна до полуфиналето во Монте Карло и во четврт-финалето во Барселона, но загуби во првото коло во Мадрид и во Рим. Со само 18-11 скор оваа година, Димитров вели дека му е потребна пауза.
„Потребно ми е малку слободно време за да ја проценам целата сезона на земја, да бидам искрен. Мислам дека ми треба мала анализа мојата игра и да видам каде грешам. Не сакам да бидам многу негативен во моментов, бидејќи секогаш е емотивно по пораз“, вели Димитров.
Германецот Александер Зверев пак, го издржа маратонот против Дамир Џумхур од Босна и Херцеговина за пласман во четвртото коло. По речиси четири часа игра, 21-годишниот Зверев победи со 6:2/3:6/4:6/7:6(3)/7:5 за првпат во кариерата да стигне до четвртото коло на Ролан Гарос.
Зверев лесно го освои првиот сет, а направи и брејк во вториот, пред Џумхур да ги искористи грешките на Германецот (кој заврши со 73 неизнудени грешки) за да ги освои следните два сета. Џумхур дури имаше меч-поен во 11-тиот гем од последниот сет, пред да стигне до победата.
„Ова е првпат да стигнам до четвртото коло и тоа на совршен меч. Публиката беше фантастична“, вели Зверев.
Џумхур освен што загуби во драматичната пресметка во пет сета со Алекснадер Зверев, имаше и уште еден незгоден момент на теренот кога го „нокаутираше“ детето што собира топки.
Talk about a collision course. ?@DzumhurDamir collides with ball boy during match. #RG18 pic.twitter.com/M5xHLxMlMK
— Tennis Channel (@TennisChannel) June 1, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Индијана надмоќно ја доби мајсторката во Њујорк
Индијана Пејсерс ќе им се спротивстави на Бостон Селтикс во финалето на Источната конференција во НБА лигата. Пејсерс ја добија мајсторката во Њујорк со 130:109. Финалната серија на Исторкот започнува во среда наутро по средноевропско време.
Пејсерси ги искористија сите проблеми кои го следеа Њујорк, фантастично шутираа и без проблем го добија седмиот натпревар. Индијана во првото полувреме имше реализација од речиси 80 отсто, во првата четвртина стекна двоцифрена предност.
Њујорк се обиде во третиот период разликата од 22 поени ја спуштија Никс на шест, но немаа сили за пресврт.
Повредите ги уништија Никс во оваа серија, Ануноби се обиди, одигра пет минути, а Харт го одигра речиси целиот натпревар, но не беше на очелуваното ниво. Надежите на Никс се урнаа во третата четвртина кога најдобриот играч Брансон се здоби со фрактура на дланката.
Од претходно во Њујорк ги немаше Рендл, Робинсон и Богдановиќ.
Халибартон со 26 поени, четири скока и шест асистенции ја предводеше Индијана, по 20 поени постигнаа Нембхард и Сиакам, 19 додаде Нејсмит со 8-8 од игра.
Кај Никс се истакнаа ДиВинченцо со 39 поени (10 тројки), Буркс додаде 26, а Брансон уфрли 17 поени.
Спорт
Гвардиола: Блиску сум до заминување
Манчестер сити со победата против Вест Хем четврта година по ред стана шампион на Англија. Оваа титула е шеста за Пеп Гвардиола на клупата на „граѓаните“.
Славниот тренер има договор до 2025 година, а неговата изјава по кревањето на пехарот ги шокираше навивачите на Сити.
„Реалноста е дека поблиску сум до заминување отколку да останам. Зборував со челниците, чувствувам дека сакам да останам. Останувам следната сезона, тоа е сигурно. Но, ќе разговараме во текот на сезоната. Овде сум во клубот осум, девет години… Ќе видиме што ќе се случи понатаму“, изјави Гвардиола.
Пеп го презеде Сити во 2016 година и освои се што можеше да се освои со клубот. Во својата кариера овој 53-годишен фудбалер успешно ги водеше Барселона и Баерн.
Сити го водел на 471 натпревар. Оствари 349 победи, 57 нерешени и 65 порази.
Спорт
Метла за Партизан – Црвена звезда пред 20.000 „гробари“ ја освои титулата во АБА лигата
Кошаркарите на Црвена звезда ја освоија титулата во АБА лигата, откако во финалната серија против Партизан ја добија со 3:0. Третиот меч на теренот на Партизан, екипата на Црвена звезда го доби со 82:76.
Ова беше шести последователен триумф на тимот на Јанис Сферопулос над тимот предводен од Жељко Обрадовиќ, шести во 2024 година.
Звезда со тоа го освои вториот трофеј сезонава, откако во февруари во Ниш го освои националниот куп.
Црвена звезда му се реваншираше на Партизан за поразот во ланското финале и ја прекина една долга традиција во АБА лигата. Ниту една екипа во претходните четирите претходни финални серии не успеа да победи на гостински терен.
Третиот меч во целост им припадна на црвено-белите. Партизан само еднаш имаше предност, во раната фаза од третата четвртина. Звезда експресно ја врати предноста, а во решавачкиот период влезе со предност од седум поени.
Голем чекор кон победата тимот на Сверопулос направи кога дојде до двоцифрена предност. Партизан до крајот се обиде но не успеа да направи пресврт.
Црвена зведа до победата ја предводеа Митровиќ и Гедраитис со по 12 поени, првиот имаше и осум скока, Дос Сантос постигна 11, а Лазиќ и Давидовац по девет поени. Тренерот Сферопулос играше со 11 играчи и сите постигнаа поени.
Партизан го предводеа Аврамовиќ со 17 и Анѓушиќ со 13 поени. Разочараа Пантер и Лидеј со пет, односно четири поени.
МВП на финалната серија е Бразилецот Јаго Дос Сантос.