Спорт
Дови го прекина „постот“, триумфираше во Брно по трилер борба со Лоренцо
Андреа Довициозо во Дукати е победник на уште едно епско Чешко ГП на „Аутомотодромот“ во Брно, за своја втора победа оваа сезона пред клупскиот колега Хорхе Лоренцо и светскиот шампион на Хонда, Марк Маркез.
„Каков викенд! Очекував да бидам брз, но не …
Андреа Довициозо во Дукати е победник на уште едно епско Чешко ГП на „Аутомотодромот“ во Брно, за своја втора победа оваа сезона пред клупскиот колега Хорхе Лоренцо и светскиот шампион на Хонда, Марк Маркез.
„Каков викенд! Очекував да бидам брз, но не толку. Имав чувство дека сум силен на патеката и останав на својот план. Пресреќно е повторно да се биде победник“, изјави Довициозо, за кого победата доаѓа во јубилејната 100. трка за Дукати.
Довициозо го издржа последниот интересен круг во кој беше под притисок на Маркез и Лоренцо за своја втора победа по таа на стартот на сезоната во Катар. Лоренцо, пак, во последниот круг прво беше претекнат од Маркез, за да се врати на втората позиција и да го предизвика Довициозо за првото место.
Another attempt from @lorenzo99 but @AndreaDovizioso cuts back down and back into the lead ?#CzechGP pic.twitter.com/I1awtNlO8w
— MotoGP™??? (@MotoGP) August 5, 2018
Сепак, и со третото место, Маркез го зголеми водството во генерален пласман на 49 поени пред Валентино Роси, кој беше четврти за Јамаха, откако ги загуби битките со Маркез и Лоренцо. Маркез има 181 поени на првото место, Роси е втор со 132, додека Довициозо е трет на 113 поени.
За Роси, мала утеха е тоа што легендарниот Италијанец стана првиот возач со над 6.000 освоени поени во Мото ГП шампионатот.
A podium was out of his reach but @ValeYellow46 looks happy enough with 4th in Brno ?#CzechGP pic.twitter.com/Wbd39tUXFO
— MotoGP™??? (@MotoGP) August 5, 2018
Дови на крајот прв доби честитки од колегата Лоренцо, со што се стави крај на една незгодна епизода за Дукати, откако пред трката Лоренцо, кој заминува во Хонда следната сезона, го обвини Довициозо дека се обидува да му ја уништи сезоната, откако Италијанецот изјави дека Лоренцо не се „снајде најдобро“ во италијанскиот тим. „Не потпишавме со него за да победи на две трки“, изјави Довициозо почнувајќи ја војната со зборови, но на крајот двајцата ривали си честитаа на подиумот.
За Мото ГП возачите нема одмор – веќе следната недела на програмата е Австриското ГП на патеката Ред бул ринг во Шпилберг.
Respect ?#CzechGP pic.twitter.com/kkABD5iIxW
— MotoGP™??? (@MotoGP) August 5, 2018
DOVI DOVI DOVi ?@AndreaDovizioso is BACK!#CzechGP pic.twitter.com/fjz54xKIbp
— MotoGP™??? (@MotoGP) August 5, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.