Спорт
Душко Ивановиќ е новиот тренер на Басконија

Душко Ивановиќ е новиот тренер на Басконија.
Информацијата во понеделникот ја потврдија од клубот.
По пет порази во сите натпреварувања од 17 октомври, Басконија ја прекина соработката со тренерот Ѓоан Пењароа, кој во клубот пристигна во јуни минатата година.
Со денови веќе се шпекулираше за можноста да биде заменет од Душко Ивановиќ, кој од неодамна е на слобода по раскинувањето на соработката со Црвена звезда, а во понеделникот клубот ги објави двете вести.
„Најуспешниот тренер во историјата на Басконија ќе има нов мандат како прв тренер на тимот“, најави Басконија.
Ивановиќ се враќа во Басконија со која договори соработка до крајот на сезоната. Ова е четврти пат шпанскиот клуб да претставува црногорски стручњак за нов тренер. Ивановиќ ја водеше Басконија од 2000 до 2005 година, потоа од 2008 до 2012 година и од 2019 до 2021 година.
Со Ивановиќ, Басконија три пати беше шампион на Шпанија, три пати го освои Купот на кралот и еднаш шпанскиот Суперкуп.
Басконија во Евролигата забележа само една победа и четири порази оваа сезона. Ивановиќ ќе дебитира во елитното европско натпреварување на клупата на Басконија на 3 декември, кога во својот нов клуб ќе гостува Партизан.
Во АЦБ лигата, по седум кола, Басконија е осма на табелата со скор 4-3, а првиот меч на Ивановиќ во шпанското првенство се очекува два дена по мечот со Партизан, Басконија ќе биде домаќин на Гран Канарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Сити го прегази Јувентус

Фудбалерите на Манчестер сити го декласираа Јувентус во Орландо (5:2) и ја освоија првата позиција во Групата Г на Светското клупско првенство. .
Џереми Доку постигна гол за „граѓаните“ во деветтата минута, Пизедначи Теун Копмајнерс две минути подцна, а потоа следувше канонада кон голот на Јувентус.
Мрежата на „старата дама“ ја погодија Пјер Калулу (автогол) во 26-та минута, Ерлинг Халанд во 52-та, Фил Фоден во 69-та минута и Савињо во 75-та минута. Вториот гол за Јуве го постигна Душан Влаховиќ во 84-та минута.
Сити и Јувентус од оваа група се пласираа во осминафиналето.
Спорт
Младинците на Холандија го освоија Европското првенство

Холандската фудбалска репрезентација ја победи Шпанија со 1:0 во финалето на Европското првенство во фудбалери до 19 години, кое се одржа во Романија.
Шпанците не успеаја да слават по 13-ти пат, за среќа на Холанѓаните, кои за прв пат станаа европски шампиони во оваа категорија.
Двата тима внимателно влегоа во финалето, а клучниот момент се случи во 63-та минута кога шпанскиот репрезентативец Раул Хименез си постигна автогол, кој подоцна ќе се покаже како одлучувачки.
Залудно, до крајот на натпреварот, Шпанија се обидуваше да го промени резултатот, и покрај нападите, реализацијата изостана, а титулата европски шампион отиде во рацете на Холандија.
Спорт
Европско првенство во џудо за кадети од денес во Скопје

Отворено е Европското првенство (ЕП) во џудо за кадети, во организација на Европската џудо-унија (ЕЏУ), кое од денес до недела ќе се одржи во Скопје
Под мотото „Младите ѕвезди на иднината“, овој престижен настан ќе ги собере најдобрите млади џудисти од целиот континент, кои ќе се натпреваруваат за европските медали и ќе ги покажат својата сила, техника и спортски дух.
Македонија за првпат е организатор на Европско првенство во џудо, а по тој повод на отворањето на настанот се обрати министерот Панче Тошковски кој рече дека чест и задоволство е што државата ги пречекуваме младите џудисти и нивните поддржувачи од цела Европа.
„Џудото нè обликува преку дисциплина, почит и стремеж кон извонредност – вредности што силно ги цениме. Ова првенство е вистинска манифестација на младешкиот дух, истрајноста и светлата иднина на овој благороден спорт.“, потенцираше министерот.
Претходно беше потпишан Мемнорандум за разбирање помеѓу Министерството за внатрешни работи, Европската џудо федерација и Националната џудо федерација на Македонија. Целта е соработка на проекти за промоција и џудото Македонија, со посебен фокус на едукација на полициски службеници во областа на џудо спортот и самоодбраната. Планирани се програми за физичка обука базирани на џудо за полициски службеници за подобрување на самоодбраната, техниките на ограничување на движењето и целокупната физичка подготвеност и соработка во многу други активности кои го промовираат спортот, дисциплината и здравото живеење на младите.