Спорт
Душко Ивановиќ е новиот тренер на Басконија
Душко Ивановиќ е новиот тренер на Басконија.
Информацијата во понеделникот ја потврдија од клубот.
По пет порази во сите натпреварувања од 17 октомври, Басконија ја прекина соработката со тренерот Ѓоан Пењароа, кој во клубот пристигна во јуни минатата година.
Со денови веќе се шпекулираше за можноста да биде заменет од Душко Ивановиќ, кој од неодамна е на слобода по раскинувањето на соработката со Црвена звезда, а во понеделникот клубот ги објави двете вести.
„Најуспешниот тренер во историјата на Басконија ќе има нов мандат како прв тренер на тимот“, најави Басконија.
Ивановиќ се враќа во Басконија со која договори соработка до крајот на сезоната. Ова е четврти пат шпанскиот клуб да претставува црногорски стручњак за нов тренер. Ивановиќ ја водеше Басконија од 2000 до 2005 година, потоа од 2008 до 2012 година и од 2019 до 2021 година.
Со Ивановиќ, Басконија три пати беше шампион на Шпанија, три пати го освои Купот на кралот и еднаш шпанскиот Суперкуп.
Басконија во Евролигата забележа само една победа и четири порази оваа сезона. Ивановиќ ќе дебитира во елитното европско натпреварување на клупата на Басконија на 3 декември, кога во својот нов клуб ќе гостува Партизан.
Во АЦБ лигата, по седум кола, Басконија е осма на табелата со скор 4-3, а првиот меч на Ивановиќ во шпанското првенство се очекува два дена по мечот со Партизан, Басконија ќе биде домаќин на Гран Канарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Партизан го официјализира трансферот на Калатес
Кошаркарскиот клуб Патизан поврди дека нов играч на тимот предводен од Жељко Обрадовиќ е Ник Калатес.
Трансферот на Калатес од Монако во Партизан, беше најавен пред два дена, а претпладнево е официјализиран. 36-годишниот ветеран, во минатото работеше со тренееот Обрадовиќ, кога двајцата беа во Панатинаикос, пред полни 14 години. Таа сезона ја освои Евролигата.
Калатес има 36 години, тој е ветеран во Евролигата кој ја започна својата кариера во Панатинаикос, потоа играше за Локомитва Кубањ, беше во Мемфис, а потоа се врати во ПАО.
Калатес доаѓа во Партизан од Монако, а претходно се прослави бранејќи ги боите на Панатинаикос, Барселона, Фенербахче, Мемфис и Локомотив Кубањ.
Се очекува грлскиот кошаркар да дебитира за новиот клуб во петок, кога во осмото коло, во Евролигата, партизан ќе ја пречека Барселона.
Спорт
Конте го сака Себаљос во Наполи
Фудбалскиот клуб Наполи размислува, во зимскиот преоден рок да донесе замена за Кевин Де Брујне, кој се повреди викендов во победата над Интер (3:1). Сигурно е дека Белгиецот ќе отсуствува до крајот на годината.
„Скај Спортс“, откри дека Антонио Конте сака да го зсили ередот за врска, во зимскиот преоден рок, бидејќи е јасно дека телото на Белгиецот повеќе не може да го издржи ова темпо.
Токму затоа Манчестер Сити одлучи да не му го продолжи договорот, бидејќи често се повредуваше во текот на последните две сезони.
Се чини дека Дани Себаљос е идеална цел, бидејќи Шпанецот не е во преден план и кај Чаби Алонсо. Тренерот на Реал, предност секогаш има дава на Орелјан Чуамени, Едуардо Камавинга, Феде Валверде, Арда Гулер и Џуд Белингам.
Себаљос одби да се врати во Бетис ова лето, веруваше дека ќе добие шанса од Алонсо, сега кога се увери дека тоа нема да се случи, можо е да се согласи да го напушти Мадрид.
Спорт
Сообраќајна несреќа кај Нови Сад, загина 16-годишен џудист на Партизан
Едно момче загина, додека неколку други се повредени во страшна несреќа што се случи во раните утрински часови на автопатот во близина на Нови Сад.
Kако што беше објавија српските медиуми, станува збор за млади џудисти на Партизан, кои се враќале од меѓународен натпревар во Азербејџан. Во раните утрински часови, комбе излетало од автопатот, при што загинало едно момче.
Според овие извори, две момчиња и возачот имаат тешки повреди и тие се префрлени на одделението за интензивна нега, во болницата во Нови Сад, додека другите патници се задржани во болница на набљудување.
Неофицијално, автомобилот со девојките бил пред комбето со момчињата. Групата млади спортисти со возачи и тренери направиле пауза само неколку минути пред несреќата. Според сведоците, возачот бил одморен. Сè уште не е познато зошто возачот ја изгубил контролата и излетал од патот.
Младите џудисти на натпреварот во Азербејџан освоиле четири медали.

