Спорт
Египет го отпушти Ектор Купер
И покрај неговата најава дека ќе остане селектор на Египет, Египетската фудбалска асоцијација (ЕФА) објави дека 62-годишниот Аргентинец веќе не е на чело на федерацијата по разочарувачкиот настап на Мундијалот.
Египет, кои настапуваа на едно СП првпат …


И покрај неговата најава дека ќе остане селектор на Египет, Египетската фудбалска асоцијација (ЕФА) објави дека 62-годишниот Аргентинец веќе не е на чело на федерацијата по разочарувачкиот настап на Мундијалот.
Репрезентацијата на Египет, која настапуваше на едно СП првпат од 1990 година, заврши последна во групата А без ниту еден поен, со три порази, од Уругвај (1:0), Русија (3:1), и Саудиска Арабија (2:1).
Договорот на Купер требаше да биде продолжен по СП, но по враќањето во Египет во вторникот, тој доби отказ.
„Имавме состанок по враќањето од Русија и целиот борд на ЕФА одлучи да му се заблагодари на Купер и на неговиот тим. Ја цениме неговата работа, од пласманот во Африканскиот куп на нации по три години отсуство, до враќањето на Египет на Мундијалите по 28 години отсуство“, се вели во соопштението на ЕФА.
Купер беше селектор од март 2015, и ги предводеше „фараоните“ до финалето на Африканскиот куп на нации, каде што загубија во финалето од Камерун.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ нема да дозволи уште еден „случај Мбапе“, експресно најде нов голман

Шампионот на Франција и Европа, Пари Сен Жермен, испрати официјална понуда за голманот на Лил, Лукас Шевалие.
Финалистот од Светското клупско првенство на ФИФА бара засилување на оваа позаиција поради неизвесноста околу иднината на Џанлуиџи Донарума, објави „Лекип“.
Наводно, ПСЖ веќе постигнал договор со Шевалие за петгодишен договор и останува да се договори со Лил за обештетувањето. Лил инсистира на обештетување од најмалку 40 милиони евра, сума што „Светците“ се подготвени да ја платат. Првата понуда е малку помалку профитабилна од посакуваната.
Лил веќе се подготвува за можноста да остане без својот прв голман и бара нов голман.
Потенцијалниот трансфер на Шевалие во Париз е тесно поврзан со судбината на Донарума, чиј тековен договор важи до јуни 2026 година.
Непродуктивните преговори за продолжување на соработката и желбата да се избегне сценарио слично на бесплатниот трансфер на Килијан Мбапе го натераа ПСЖ на експресна реакција и ангажман на нов голман.
Според медиумите, Манчестер јунајтед и Челзи се заинтересирани за Донарума, а интерес покажува и Галатасарај.
Шевалие се етаблираше како еден од најдобрите млади голмани во Европа и неодамна беше прогласен за голман на годината во Лига 1 за сезоната 2024/25.
Доколку сè оди според планот во наредните недели, Шевалие ќе стане првото засилување на ПСЖ во летниот преоден рок.
Исто така, европските шампиони размислуваат да доведат и крилен напаѓач, а Родриго од Реал Мадрид се споменува како потенцијална цел.
Фото/ Принтскрин
Спорт
Алонсо подготвува чистка во Реал

Чаби Алонсо закажал состанок со пет играчи за 4 август. Според тврдењата на шпанските медиуми, ќе им каже дека повеќе нема место за нив во клубот. Станува збор за Родриго, Ферланд Менди, Давид Алаба, Дани Себаљос и Ендрик.
Како што пишува „АС“, Реал е отворен за продажба на Родриго, Менди и Алаба, додека сè уште постои одредена неизвесност околу Себаљос и Ендрик. Одлуката треба да биде онесена по состанокот со Алонсо.
Најголем „проблем“ во соблекувалната наводно е Давид Алаба, кој не сака да го раскине договорот, а заработува дури 22,5 милиони евра годишно. Според извештаите, тој е еден од оние на кои Алонсо дефинитивно не смета.
Најблиску до заминување е Бразилецот Родриго. Многу европски гиганти се заинтересирани за него, а најконкретен е Арсенал.
Ова лето, Реал Мадрид се впушти во сериозна реконструкција на тимот. Одбраната беше значително зајакната со доаѓањето на Дин Хујсен, Алваро Карерас и Трент Александар-Арнолд. Пристигна и младиот напаѓач Франко Мастантуоно, додека Лука Модриќ, Лукас Васкез и стоперот Хесус Ваљехо го напуштија клубот.
Фото/ Принскрин
Спорт
(Видео) Македонски судија нападнат на кадетското Европско првенство во бокс

Извор и фото/ b92.net
Заврши Европското првенство за кадети и кадетки (ученици на возраст од 13 и 14 години), кое се одржа во Златибор, Србија.
Последниот ден го обележа инцидентот, што се случи во финалето во категоријата до 75 килограми.
Златниот медал му припадна на Виктор Мајсторовиќ од Србија, откако неговиот противник, Азербејџанецот Јусиф Агакишијев, беше дисквалификуван во втората рунда поради неспортското однесување на тренерот.
Имено, македонскиот судија Стефан Цубалевски беше физички нападнат од тренерот на азербејџанскиот боксер. Тренерот влета во рингот среде борбата и го зграпчи за вратот.
Потоа следеше давење и удирање пред целата публика и присутните малолетни деца, кои не можеа да поверуваат што гледаат.
Поради целата ситуација, борбата веднаш беше прекината, а победата му беше доделена на Виктор Мајсторовиќ.
Судијата Цубалевски потоа се смири и ја крена раката во рингот кон новиот кадетски европски шампион од Србија.
Погледнете го овој момент од 3:31:53 од приложеното видео: