Светското клупско првенство на ФИФА продолжува да ги поместува „стандардите“.

Откако неколку натпревари се одиграа пред полупразни трибини, се случи еден натпревар да се игра пред речиси празен стадион.

Никој во САД, не сакаше да го гледа во живо дуелот помеѓу претставниците на Африка и Азија, Мамелоди Сандаунс и Улсан.

Пред почетокот на натпреварот во Орландо, еден новинар изброи помалку од 100 присутни гледачи на трибините.

I count 97 people at Ulsan vs Mamelodi Sundowns here in Orlando

This has to be the worst attendance of the 2025 FIFA Club World Cup so far? pic.twitter.com/2TkHskwMC4

— Maher Mezahi (@MezahiMaher) June 17, 2025

Откако почетокот на натпреварот беше накратко одложен, тој конечно започна, а организаторот официјално објави дека 3.100 гледачи го следеле натпреварот, на стадионот со капацитет од 25.000.

Натпреварот заврши со победа на Мамелоди од 1:0, со голот на Рајнерс во 36-та минута.

По повеќе од три години, српскиот фудбалер би можел да се врати во Европа, ни помалку ни повеќе, туку во редовите на Реал Мадрид.

Како што пишуваат помалку познатите шпански медиуми, новиот тренер на Реал, Чаби Алонсо, бара напаѓач, кој би бил „џокер од клупата“, како што беше Хоселу пред една година.

Медиум близок до мадридскиот гигант тврди дека еден од кандидатите е 30-годишен Србин.

Неколку часа по оваа објава, тренерот на неговиот Ал Хилал, Симоне Инзаги, откри дека капитенот на Србија нема да игра против „кралскиот клуб“ на премиерата на Светското клупско првенство (среда 21 часот).

Митровиќ никогаш не играл во Шпанија во својата кариера, по Партизан беше член на Андерлехт, потоа се пресели во Англија во Њукасл, а потоа во Фулам на инсистирање на тогашниот тренер Славиша Јокановиќ.

Во тимот од Лондон ги одигра најдобрите натпревари (206 натпревари, 111 гола, 21 асистенција), пред да се пресели во Саудиска Арабија на врвот на својата кариера, каде што доминираше во претходните две сезони, 79 натпревари, 68 гола, 15 асистенции.

Митровиќ е најдобриот стрелец во историјата на српската репрезентација со 62 гола на точно 100 настапи.

Италијанскиот фудбалер Диего Копола е нов играч на Брајтон, објави англискиот клуб.

21-годишниот дефанзивец потпиша петгодишен договор, клубот не објави други детали од договорот.

Копола кариерата ја започна во младинската академија на Верона, за која дебитираше во 2021 година, и досега има 81 настап и постигнато четири гола, два во претходната сезона во која запиша 35 натпревари.

„Диего е големо засилување за клубот. Иако е млад, тој е многу висок, силен и подвижен, и ќе ни донесе значителна физичка стабилност. Тој напредуваше во Серија А и заслужено се најде на списокот на италијанската репрезентација“, изјави тренерот на Брајтон, Фабијан Хурцелер.

Копола моментално игра за италијанската репрезентација до 21 година на Европското првенство во Словачка.

Ова е второ летно засилување на Брајтон, по доаѓањето на младиот напаѓач Хараламбос Костулас од Олимпијакос за 29,8 милиони фунти.