Спорт
ЕП атлетика: Тиам повторно „царица“ на седмобојот, Ингебригтсен ги победи браќата
Белгиската светска и олимписка шампионка, Нафаситу Тиам го освои европското злато во седмобојот, откако по тешка борба за 57 поени ја совлада својата британска ривалка, Катарина Џонсон-Томпсон.
25-годишната Тиам доминираше во скокот во далечина и во фр…


Белгиската светска и олимписка шампионка, Нафаситу Тиам го освои европското злато во седмобојот, откако по тешка борба за 57 поени ја совлада својата британска ривалка, Катарина Џонсон-Томпсон.
25-годишната Тиам доминираше во скокот во далечина и во фрлањето копје, и успеа да надополни негатива од 87 поени во предност од 192 поени пред последната трка на 800 метри.
Во финалето на 1.500 метри имаше необична ситуација во која тројцата браќа Ингебригтсен, Јакоб, Филип и Хенрик беа во финалето, но само еден од нив, 17-годишниот Јакоб стигна до медал, и тоа до златниот медал. Норвежанецот триумфираше со време од 3:38.10, пред Полјакот Марсин Левандовски (3:38.14) и Британецот Џејк Вајтман (3:38.25), додека неговиот брат Хенрик беше четврти. Филип Ингебригтсен потфрли и беше 12.
Jakob Ingebrigtsen wins the #EC2018 1500m final in 3:38 and makes it look reallll easy pic.twitter.com/GplTYVLynk
— FloTrack (@FloTrack) August 10, 2018
Во трката на 110 метри со пречки, Французинот Паскал Мартино-Лагард стигна до фото-финиш победа со време од 13.17 пред Русинот Сергеј Шубенков. Мартин-Лагард беше бронзен од ЕП во 2014 година.
ЕП АТЛЕТИКА, БЕРЛИН
СЕДМОБОЈ (Ж)
1.Нафисату Тиам (Бел) 6.816
2.Катарина Џонсон-Томпсон (Бри) 6.759
3.Каролин Шефер (Гер) 6.602
ФРЛАЊЕ КОПЈЕ (Ж)
1.Кристин Хусонг (Гер) 67.90 м
2.Никола Огродникова (Чеш) 61.85 м
3.Ливета Јасиуниате (Лит) 61.59 м
400 МЕТРИ СО ПРЕЧКИ (Ж)
1.Леа Шпрунгер (Шва) 54.33
2.Ана Рижикова (Укр) 54.51
3.Меган Бисли (Бри) 55.31
400 МЕТРИ (М)
1.Метју Хадсон-Смит (Бри) 44.78
2.Кевин Борле (Бел) 45.13
3.Џонатан Борле (Бел) 45.19
800 МЕТРИ (Ж)
1.Наталија Пришчепа (Укр) 2:00.38
2.Ренел Ламот (Фра) 2:00.62
3.ОлхаЉахова (Укр) 2:00.79
110 МЕТРИ СО ПРЕЧКИ (М)
1.Паскал Мартино-Лагард (Фра) 13.17
2.Сергеј Шубенков (Рус) 13.17
3.Орландо Ортега (Шпа) 13.34
1.500 МЕТРИ (М)
1.Јакоб Ингебригтсен (Нор) 3:38.10
2.Марсин Левандовски (Пол) 3:38.14
3.Џејк Вајтман (Бри) 3:38.25
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бруно промаши пенал, Јунајтед не успеа да победи кај Фулам

Фулам и Манчестер јунајтед одиграа 1:1, во последниот денешен напревар, одигран во рамките на второто коло во Премиер лигата.
Манчестер јунајтед продолжи онаму каде што застана минатата сезона. Ниту скапите засилувања не ја подбрија играта на „црвените ѓаволи“. Кај Фулам, Јунајтед имаше подобри панси но не успеа да му зададе удар на противникот.
Матеуш Куња во првиот дел ја погоди стативата, а во 38.минута капитенот Бруно Фернандеш не реализира пенал. Ужасно шутираше Португалецот, ударот заврши над голот.
Јунајтед успеаја да постигнат гол, во 58.минута по ударот на Јоро, топката го погоди Муниз го смени правецот и заврши во голот.
Фулам изедначи во 73.минута. Стрелец беше Смит-Роу кој нецели 120 секунди претходно влезе во игра.
Спорт
Го избркаа од Марсеј, тој потпиша за Болоња

Младиот англиски крилен играч Џонатан Роу се пресели од Олимпик Марсеј во Болоња.
Роу претходно беше ставен на трансфер листата во францускиот тим откако се степа во соблекувалната цо соиграчот Адриен Рабио, по поразот во Рен.
И двајцата беа суспендирани поради недисциплина, а Роу веќе си најде нов клуб. Овој поранешен играч на Норич одигра десет натпревари за младата репрезентација на Англија и постигна три гола.
Во Болоња ќе има биде замена за Дан Ндоје, кој замина во Нотингем Форест.
Спорт
(Видео) Грилиш како во најдобрите денови, го водеше Евертон до победа над Брајтон

Фудбалерите на Евертон имаа совршено деби на својот нов стадион. По неубедливиот настап и поразот против Лидс во првото коло, играчите на Евертон значително го подобрија впечатокот со победата над Брајтон (2:0)..
Од самиот почеток на натпреварот, Дејвид Мојс на теренот го испрати најзвучното засилување во летниот преоден рок, Џек Грилиш.
Поранешниот играч на Манчестер сити, забележа две аситенции. Во 23-та минута, брилијантно проигра покрај Ендиае, кој со прецизен удар му донесе водство на Евертон.
Уште една магија на Џек Грилиш во 52-та минута, кога му намести гол на Џек Гарнер.
Брајтон можеше да внесе драма во финишот на натпреварот, но Дени Велбек промаши пенал, поточно, голманот Џордан Пикфорд го одбрани ударот од белата точка.
Во следното коло, Евертон ќе гостува кај Вулверхемптон, додека Брајтон има тешка задача пред себе, бидејќи се соочува со Манчестер сити.