Спорт
Зидан: Мојата иднина не зависи од Лигата на шампионите
Зинедин Зидан е сигурен дека неговата иднина во тимот на Реал Мадрид не зависи од тоа дали Реал повторно ќе ја освои титулата од Лигата на шампионите.
Французинот донесе две титули во Европа едноподруго, правејќи го Реал Мадрид единствениот клуб кој го…


Зинедин Зидан е сигурен дека неговата иднина во тимот на Реал Мадрид не зависи од тоа дали Реал повторно ќе ја освои титулата од Лигата на шампионите.
Французинот донесе две титули во Европа едноподруго, правејќи го Реал Мадрид единствениот клуб кој го одбранил трофејот од ЛШ, меѓутоа слабите резултати во домашното првенство го поставија под притисок, откако Барселона „избега“ со титулата.
„Лос бланкос“ се на еден меч од ново финале откако имаат 2:1 предност пред домашната пресметка со Баерн Минхен во полуфиналето.
„Мојата иднина не зависи од тоа што ќе се случи во Лигата на шампионите. Сите знаете дека јас сум тренер сега и сакам да продолжам, но тоа не е најважното нешто во моментов“, вели Зидан пред мечот со Баварците.
Зидан им честиташе на Барселона за освоената титула пред „Ел класико“ во недела, но вели дека поважен е првиот натпревар на „Сантијаго Бернабеу“ против Баерн.
„Ќе се обидеме да победиме против Баерн и тоа останува главната цел. Нема да шпекулираме, да се браниме или да правиме чудни работи. Мораме да дадеме брз гол. Во Ла лига, Барселона доминираа оваа сезона и ја заслужија титулата и мораме да им честитаме. Имаат два трофеи во добра сезона за нив, но сега мислиме само на финалето“, додава Зидан.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Исак се договорил со Ливерпул

Фудбалерот на Њукасл и шведски репрезентативец, Александар Исак, постигнал усмен договор со Ливерпул и едвај чека да им се придружи на англиските шампиони.
Ова го тврди добро информираниот новинар и специјалист за трансфери на „Скај спорт Германија“, Флоријан Плетенберг. Германскиот новинар објави дека голгетерот Њукасл ги договорил условите со Ливерпул, но сè уште се чека договор меѓу клубовите.
Њукасл првично соопшти дека Исак не е на продажба, но потоа фудбалерот побара трансфер. Во меѓувреме, Ливерпул го потпиша Уго Екитике од Ајнтрахт, но не се откажа ниту од шведскиот голгетер.
Специјализираниот портал „Трансфермаркт“ ја проценува вредноста на играчот на 120 милиони евра. Сепак, Њукасл ги диктира условите бидејќи Исак е обврзан со договорот до 30 јуни 2028 година.
Наводно, Њукасл сега бара дури 170 милиони евра, додека Ливерпул понудил 50 милиони помалку. Се претпоставува дека клубовите ќе се сретнат некаде на средина.
Интересно е што во исто време клубовите од Саудиска Арабија ја прифатија сумата што ја побара клубот од „Сент Џејмс Парк“, но Исак ги одби и рече дека сака да оди само во Ливерпул.
Фото/ Принскрин
Спорт
(Видео) Шкендија победи во Букурешт, обезбеди есен во Европа

Foto/ primasport.ro
Фудбалерите на Шкендија изборија пласман во третата квалификациска рунда во Лигата на шампионите. Македонскиот шампион ги доби двата натпревари со фаворизираниот ФЦСБ. По победата на домашен терен во првиот меч (1:0), вечерва Шкендија победи во Букурешт со 2:1.
Шкендија со пресврт победи во престолнината на Романија. ФЦСб дојде до предност во 30.минута со голот на Кисоти. Само три минути подоцна изедначи Љатифи.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6uphzo”,”div”:”rumble_v6uphzo”});
Победата Шкендија ја обезбеди во 87.минута со голот на Крстевски.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6upm2i”,”div”:”rumble_v6upm2i”});
Противник на Шкендија во третото коло ќе и биде Карабаг од Азербејџан. Инаку со пласманот во третата рунда Шкендија обезбеди настап во фазата по групи во едно од европските натпреварувања.
Доколку биде елиминирана од Лигата на шампионите, Шкендија ќе игра плеј-оф за пласман во групите во Лига Европа, ако го загуби плеј-офот ќе игра во фазта по групи во Конференциската лига.
Досега групна фаза во натпреварувањата, во организација на УЕФА, од македонските клубови изборил само Вардар.
Спорт
Четирикратниот олимписки шампион го сруши светскиот рекорд во Сингапур

Францускиот пливач Леон Маршан го сруши светскиот рекорд на 200 метри мешано на Светското првенство во Сингапур.
Четирикратниот олимписки шампион постигна резултат од 1:52,69 минути во полуфиналната трка.
Маршан го сруши светскиот рекорд поставен од Американецот Раџан Локти во Шангај во 2011 година за 1,31 секунда.
Финалето на 200 метри мешано на Светското првенство е закажано за четврток.
Фото: принтскрин