Спорт
Италија доби нов селектор, ќе дебитира на 28.мај
Роберто Манчини (53) ќе биде новиот селектор на фудбалската репрезентација на Италија.
Актуелниот тренер на руски Зенит, функцијата ќе ја преземе по завршувањето на сезоната во рускиот шампионат.
Официјалната промоција на новата функција Манчини ќе ја …
Роберто Манчини (53) ќе биде новиот селектор на фудбалската репрезентација на Италија.
Актуелниот тренер на руски Зенит, функцијата ќе ја преземе по завршувањето на сезоната во рускиот шампионат.
Официјалната промоција на новата функција Манчини ќе ја има на 20.мај, а како селектор ќе дебитира на пријателскиот натпревар против Саудиска Арабија осум дена подоцна.
Манчини како фудбалер настапувал за Болоња, Сампдорија и Лацио. Најголема трага оставил во Сампдорија, каде за 15 години одиграл 424 натпревари.
Како тренер кариерата ја градел во Фиорентина, Лацио, Интер, Манчестер сити, Галатасарај и Зенит.
Со Интер освоил три титули и два Купа, а со Манчестер сити има трофеј во Премиер лигата и ФА купот. Во Лацио и Галатасарај освоил по еден Куп на Италија, односно Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кејлор Навас заминува од ПСЖ
Кејлор Навас (37) по пет сезнони реши да го напушти ПСЖ.
Трофејниот голман на Костарика забележа 113 настапи за тимот од Париз, но оваа сезона му беше резерва на Џиџи Днарума.
„Благодарен сум за сите овие години во клубот“, изјави Кејлор Навас и потврди дека си заминува од ПСЖ.
Тој е слободен да избере нов клуб, се уште нема официјални понуди, но наводно е многу блиску до италијанската Серија А, каде има конкретен интерес од неколку клубови.
Спорт
Ждрепката за СП е за две недели, Македонија е во третиот шешир
Foto/ facebook.com/rfmofficial
Ракометната репрезентација на Македонија, вчера, направи голем пресврт, надомести минус од седум голови прптив фарските Острови и се пласира на Светското првенство.
Во „Борис Трајковски“, Македонија победи со 34:26 (15:11). Пешевски со осум, Кузмановски со седум и Митев со шест гола ја предводеа Македонија до победата.
Светското првенство ќе се одржи од 14.јануари до 2. февруари наредната година во Хрватска, Данска и Шведска. Натпреварите ќе се играат во Осло, Хернинг, Загреб, Пореч и Вараждин.
Извлегувањето на групите се одржи на 29. мај, а според проекциите Македонија ќе биде сместена во третиот шешир заедно со Аргентина, Јапонија, Алжир, Катар, Бразил, Куба, Полска.
Шешир 1:
Германија, Египет, Унгарија, Данска, Франција, Шведска, Словенија, Португалија
Шешир 2:
Норвешка, Холандија, Шпанија, Хрватска, Австрија, Исланд, Италија, Чешка
Шешир 3:
Македонија, Аргентина, Јапонија, Алжир, Катар, Бразил, Куба, Полска
Шешир 4:
Кувајт, Зеленортски Острови, Гвинеја, Бахреин, Тунис, Чиле, Соединетите Американски Држави, вајлд-карта.
Спорт
Дебакл на Црна Гора – селекторот Шола поднесе оставка
Храватскиот тренер, Владо Шола поднесе оставка од функцијата селектор на Црна Гора. Шола и неговите избраници се изрезилија против Италија во баражот за пласман на Светското првенство.
Црна Гора ги загуби двата натпревари од Италија во баражот за СП 2025. Италија го доби првиот натпревар 32:26, а во реваншот беше 34:32 за Италијанците.
„Им честитам на играчите, преземам одговорност за се. Се што беше лошо беше моја вина. Веднаш поднесувам оставка, жал ми е ако го разочарав ракометниот свет во Црна Гора“, изјави Шола на прес-конференцијата по натпреварот.