Спорт
Втор чин од кралско-баварската пресметка
Лигата на шампионите вечерва ќе го добие првиот финалист за сезоната 2017/2018, откако полу-финалниот реванш, во Мадрид, ќе го одиграат Реал и минхенски Баерн.
Реал е поблиску до пласман во своето трето финале во низа, бидејќи пред шест дена во Минхен …
Лигата на шампионите вечерва ќе го добие првиот финалист за сезоната 2017/2018, откако полу-финалниот реванш, во Мадрид, ќе го одиграат Реал и минхенски Баерн.
Реал е поблиску до пласман во своето трето финале во низа, бидејќи пред шест дена во Минхен победи со 2:1.
Актуелниот европски првак, во Минхем, победи иако не блескаше, а во реваншот играчите на „кралскиот клуб“ ќе мора да бидат внимателни за да не им се повтори изданието од претходната рунда, кога против Јувентус во последните секунди изборија пласман во наредната рунда.
„Кредитот го потрошивме со победата во Минхен. Не смееме да ги повторуваме истите грешки, мислам дека во реваншот ќе играме со повеќе решителност. Мора да играме како никогаш досега“, рекол тренерот на Реал, Зинедин Зидан, кој тимот ќе го составува без повредените Дани Карвахал и Иско Аларкон.
Реал има добар скор на претходните 26.натревари против Баерн, а на последните шест натпревари „кралевите“, исто толку пати победиле. Посебен мотив на овој натпревар ќе има Кристијано Роналдо, бидејќи на дуелот пред шест дена не постигна гол, што беше прв таков натпревар за него сезонава во Лигата на шампионите.
Баерн пропушти во првиот меч да го победи Реал. Напаѓачите на Баварците не реализираа неколку добри шанси што предизвика разочараност кај Баварците.
„Требаше да победиме со 5:2 во Минхен. Никогаш не сум видел толку лоша игра од Реал“, рекол дефанзивецот Николас Зуле, на чии зборови се надоврзал Џошуа Кимих.
„Требаше да победиме со 7:2. Сепак ништо не е изгубено, одиме на победа во Мадрид“, рекол стрелецот на единствениот гол за Баерн.
„Реал против Јувентус покажа многу слабости. Тие не се непобедливи. Знаеме дека ќе биде тешко, мадриѓаните се навикнати на вакви тешки натпревари. Ние ќе биде негоден противник. Многу напредувавме, пред нас имаме цел што сакаме да ја исполниме. Ние сакаме да играме во финалето, Реал ќе се обиде да не спречи“, рекол Јуп Хајнкенс, кои исто така има големи кадровски проблеми. Тој тимот ќе мора да го составува без повредените Жером Боатенг, Артуро Видал, Кингсли Коман и Мануел Нојер.
Интересно, тренерот на Баерн, никогаш не е елиминиран во полу-финалето откако Лигата на шампионите се игра во новиот формат. Последен пат во полу-финалето тој бил елиминиран во 1991 година, од Црвена звезда во тогашниот Куп на европските шампиони.
Дуелот на „Сантијаго Бернабеу“ ќе започне во 20:45 часот. Утре во истиот термин, во Рим, реваншот ќе го одиграат Рома и Ливерпул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ерлинг Халанд станува лик во култната видео игра
Еден од најдобрите напаѓачи во светот, играчот на Манчестер Сити, Ерлинг Халанд (23), не е на нивото од минатата сезона, поради што неодамна беше мета на критики, пред се од поранешните играчи кои денес ги анализираат натпреварите за ТВ куќите.
какви стандарди постави Халанд минатата сезона најдобро покажува податокот дека оваа сеозна често го критикуваат, а тој има постигнато вкупно 32 гола (21 во Премиер лигата) на 40 настапи во сите натпреварувања.
Вредноста на Халанд за Манчестер Сити, со кого има договор до 2027 година, не е само на теренот, туку Норвежанецот е еден од најпопуларните фудбалери во светот, а неговиот маркетиншки потенцијал е огромен, а тоа го покажува и веста дека ова недела Халанд станува лик што може да се игра во видео играта „Clash of Clans“.
Ова е првпат во играта да се додаде вистинска личност, а Халанд ќе стане ликот на „Кралот на варварите“ во текот на месец мај.
Халанд ја игра „Clash of Clans“ повеќе од десет години и стапи во контакт со „Supercell“, финските програмери кои стојат зад популарната игра, за да формираат партнерство.
„Кога слушнавме дека Ерлинг Халанд е обожавател на нашата игра и сака да биде партнер со нас, тоа навистина беше сценарио од соништата“, изјави Стјуарт Мекгау, генерален директор на „Clash of Clans“.
Халанд имал десет години кога првпат ја открил оваа игра, а активно учествува и денес.
„Јас сум голем обожавател на играта долго време и знам сè за неа, така што е навистина кул да се појавиш како лик во играта“, рече Халанд.
Спорт
Салах му викал на Клоп: Ќе добијам црвен картон
Вест Хем и Ливерпул во Лондон минатата сабота одиграа 2:2 во 35. коло од Премиер лигата.
Тренерот на Ливерпул, Јирген Клоп, направи тројна замена две минути откако неговиот тим го прими вториот гол. Меѓу другите, во тој момент во игра влезе и најголемата ѕвезда на Ливерпул, Мохамед Салах.
Репрезентативецот на Египет пред да стапне на теренот влезе во жестока расправија со Клоп, тој момент го уловија камерите.
Англиските медиуми се занимаваа со ситуацијата неколку дена по натпреварот, анагжираа професионален читач од усни.
Тој откри дека Клоп го прекорувал Салах затоа што бил премногу бавен за да се подготви за натпреварот, по што почнала расправијата.
„Не можам да сторам ништо околу тоа“, рекол Салах, а одговорот на Клоп не е забележан на камерите. Меѓутоа рекол нешто што го вознемирило Салах, толку многу, што почна да вика дека ќе добие црвен картон кога ќе влезе:
„Ќе, ќе добијам црвен картон. По седум години, по седум години играње, по седум години играње“, викал египетскиот напаѓач.
Потоа ситуацијата ја смири соиграчот Дарвин Нуњез.
По натпреварот, Салах прошета низ микс зоната, но одби да одговара на новинарски прашања.
Само кратко им дофрли на насобраните новнари: „Ако зборувам денеска, ќе има оган“.
Спорт
Роналдо го продаде Крузеиро
Легендарниот бразилски фудбалер Роналдо ја објави продажбата на Крузеиро. Сопственик на клубот во кој ја започна кариерата, Роналдо стана пред две години.
„Мојата мисија е остварена. Целта беше да се обнови Крузеиро, да се врати таму каде што припаѓа и да се предаде на вистинската личност“, рече светскиот шампион од 2002 година на прес-конференција во Бело Хоризонте.
Со него беше и новиот сопственик на клубот, Педро Лоуренсо, милионер кој раководи со еден од главните супермаркети во земјата.
Детали за продажбата не се откриени, но локалните медиуми јавуваат дека новиот сопственик, како и неговиот претходник, ќе има 90 отсто од акциите за сума која се проценува на 600 милиони реали (110 милиони евра).
Во декември 2021 година, Роналдо се здоби со 90 отсто од акциите на Крузеиро, клубот во кој ја започна својата кариера во 1993 година, за сума од околу 400 милиони реали.
Четирикратниот бразилски шампион и двократниот победник на Копа Либертадорес, Крузеиро, во периодот пред Роналдо минуваше низ финансиска, поради што клубот во 2019 година испадна од бразилската Серија А.
Крузеиро веднаш се врати во елитата под водство на Роналдо, кој го преполови долгот на клубот, моментално седми во бразилското првенство.
Поранешниот играч на ПСВ, Интер, Барселона и Реал Мадрид сепак беше мета на критики минатата година за резултатите кои се сметаа за разочарувачки бидејќи Крузеиро ја заврши сезоната на 14. место.
„Крузеиро беше на интензивна нега и сега удобно одмара во болнички кревет“, рече Роналдо и му го предаде клубот на Лоуренсо.
Инаку, според најавите Роналдо се подготтвува да го продаде и втроиот тим, кој се наоѓа во неговат сопственост. Станува збор за шпанскитиот вторлигаш, Ваљадолид.