Спорт
Кака: Бев целосно загубен во Реал со Мурињо
Поранешната ѕвезда на Реал Мадрид, Бразилецот Кака објасни дека бил „целосно загубен и уништен“ под португалскиот тренер Жозе Мурињо при несреќната сезона на „Сантијаго Бернабеу“.
Бразилецот замина од Милан во 2009 година откако ја освои „Златната топк…


Поранешната ѕвезда на Реал Мадрид, Бразилецот Кака, објасни дека бил „целосно загубен и уништен“ под португалскиот тренер Жозе Мурињо при несреќната сезона на „Сантијаго Бернабеу“.
Бразилецот замина од Милан во 2009 година откако ја освои „Златната топка“, пред ерата на Лионел Меси и Кристијано Роналдо, но престојот во шпанската престолнина не помина најдобро. Тој не ја доби довербата на Мурињо и открива дека ја загубил самодовербата, и многумина веднаш прават паралели со ситуацијата во која се наоѓа Пол Погба во моментов.
„Во 2009 ја прифатив понудата на Реал Мадрид, но таму бев целосно уништен бидејќи не можев да го дадам тоа што го дадов за Милан. Бев целосно загубен. Жозе Мурињо беше тежок тренер за мене и имавме односи кои беа компликувани, но и со почит. Кога помислив дека ќе ми даде шанса, не можев да му докажам дека сум во добра форма. Тренирав, се борев, се молев, но не ја добив неговата доверба и сфатив дека не можам да го работам. Сепак, беше убаво кога замина од Реал Мадрид што кажа дека јас сум еден од најголемите професионалци со кои работел“, објаснува Кака.
Kaka “Leaving AC Milan was a mistake, Mourinho didnt want me.” pic.twitter.com/VRcR210Xv7
— Team Milan AC (@TeamMilanAC) April 18, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Девонте Греем е новиот играч на Црвена Ѕвезда

Американскиот кошаркар Девонте Греем е новиот играч на Црвена Ѕвезда од Белград, објави белградскиот клуб.
Како што беше најавено, Греем (30) потпиша едногодишен договор со Црвена Ѕвезда.
„КК Црвена Ѕвезда од Белград ја информира јавноста дека новиот играч на нашиот клуб е Девонте Греем. Американскиот комбиниран бек потпиша договор со нашиот клуб во петокот и ќе претставува огромен поттик за Црвена Ѕвезда од Белград во натпреварувачката сезона 2025/26“, објави победникот на Купот „Радивоје Кораќ“.
Греем е роден на 22 февруари 1995 година во Северна Каролина.
Фото/ КК Црвена Ѕвезда
Спорт
Ѓоковиќ станува ко-сопственик на фудбалски клуб

Српскиот тенисер Новак Ѓоковиќ ќе биде еден од инвеститорите во фудбалскиот клуб Ле Ман. Претставници на клубот одржаа конференција во петокот за да ги претстават новите финансиски партнери.
Станува збор за бразилскиот инвестициски фонд „Аутфилд“, кој ќе има малцински удел, а во проектот се вклучени, меѓу другите, Новак Ѓоковиќ, како и возачите на Формула 1 Кевин Магнусен и Фелипе Маса.
Тука е и Џорџ Франгулис, момчето на Арина Сабаленка, кој е и извршен директор на компанијата „Оукбери“, која влегува во клубот преку бразилскиот фонд.
Ле Ман игра во втората лига, Лига 2, оваа сезона, а претседателот Тиери Гомез неодамна потврди дека сака да види доаѓање на нови финансиски партнери во клубот.
Основан во 1985 година, клубот помина шест сезони во највисоката француска лига во првата деценија од 21 век, но не играл во највисоката лига од сезоната 2009/10.
Спорт
Интер на Меси му нуди договор „да игра до кога сака“

Фудбалскиот клуб Интер Мајами е во преговори со Лионел Меси за продолжување на договорот.
Доколку не се случат непредвидени настани, Аргентинецот ќе остане во Мајами. Се зборуваше за негово можно заминување со цел подобро да се подготви за Светското првенство во 2026 година, кое ќе се игра во Канада, Мексико и САД, а би било лош публицитет за Американците ако Лео одлучи да си замине кога ќе му истече договорот на крајот од годината.
Се шпекулираше дека сака да игра во посилна лига, но Интер прави сè за да го задржи, па затоа по негова волја беше доведен и Родриго де Пол од Атлетико Мадрид. Интер за овој трансфер издвои 15 милиони евра.
Покрај тоа, тие размислуваат за договор од најмалку три години, па дури и подолг доколку Лео го сака тоа. Ќе се обидат да постигнат договор според кој Аргентинецот ќе може да избере кога сака да стави крај на својата кариера, односно тоа да не е временски ограничено.
После тоа, Меси би се фокусирал повеќе на учество во управувањето со Интер Мајами, каде што има и акции, но не би било изненадувачки ако се посвети на одредени операции во Барселона.