Спорт
Како Челси успеа да го „утне“ талентот на Килијан Мбапе!
Со само 19 години, Килијан Мбапе веќе има неверојатни успеси зад себе – две титули во француската Лига 1, европска титула со У-19 репрезентацијата и клучна улога во триумфалниот поход на Франција на СП во Русија. Наместо во ПСЖ, најдобриот тинејџер на …

Со само 19 години, Килијан Мбапе веќе има неверојатни успеси зад себе – две титули во француската Лига 1, европска титула со У-19 репрезентацијата и клучна улога во триумфалниот поход на Франција на СП во Русија. Наместо во ПСЖ, најдобриот тинејџер на денешницата можеше да биде во Челси, но во 2012 година работите тргнаа наопаку. Секако, за „сините“.
Поранешниот скаут на Челси, Серџ Даниел Бога го донесе младиот фудбалер во тренинг-центарот во Кобхем, каде што импресионираше, но премиерлигашот сакаше да организира и втор тест, нешто што не ѝ се допадна на мајката на Мбапе.
„Челси беа првите кои го тестираа, пред Реал Мадрид. Имав пријател кој работеше за ’Најк’, Денис Шантрон и кога бев во Франција тој ми го посочи Мбапе, кој тогаш играше за Бонди, мал клуб од париските предградија. Ми велеше: ’мораш да го видиш’. Отидов таму и бев изненаден. На Челси им кажав дека веднаш мораат да го донесат и организиравме тој да дојде со семејството. Се гледаше дека има талент и играше против Чарлтон и победивме 7:0. Една недела подоцна ги повикавме да им кажеме дека треба да има уште еден тест. Неговата мајка се налути и врескаше на француски: ’Слушајте, моето момче нема да се врати. Ако сакаат да го земат нека го земат сега, бидејќи за пет години ќе го бараат за 50 милиони евра’. Тоа не им го преведов бидејќи мислев дека е преарогантно. Но, таа беше во право. Не е 50, туку 180 милиони евра“, вели Бога.
Мбапе се сретна со Дидие Дрогба и Флорен Малуда додека беше во Лондон и доби дрес со неговото име со број 11, но на крајот немаше трансфер. Бога вели дека главната пречка за договор била загриженоста на луѓето во Челси за дефанзивните квалитети на Мбапе.
„Тој имаше квалитет, но во Англија сакаме фудбалерот да оди назад и да работи напорно. Тој тогаш не беше таков фудбалер. Дефанзивно не беше таму. Со топката беше неверојатен, но без топката, не работеше многу. Но, требаше да потпишат. Иако, сега е лесно да се каже тоа“, додава Бога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Црвена звезда со играч помалку победи против ФЦСБ
Фудбалерите на Црвена звезда го победија ФЦСБ со 1:0 (0:0) во натпреварот од петтото коло од Лига Европа одигран на стадионот „Рајко Митиќ“.
Српскиот претставник ја забележа својата втора последователна победа и стигна до седум бода, три кола пред крајот на лигашкиот дел од натпреварувањето.
Победата на Црвена звезда добива на значење во борбата за пласман во нокаут фазата, особено поради фактот што беше извојувана со играч помалку.
Имено, Звезда играше со десет играчи од 27-та минута кога Тебо Учена доби директен црвен картон. Но и пред и по црвениот картон, Црвена звезда доминираше и чудо е како не постигна барем уште еден гол.
Единствениот гол, во 50-та минута, го постигна Бруно Дуарте, кој претходно пропушти неколку шанси.
Резултати, Лига Европа 5.коло:
ПАОК – Бран 1:1 (0:0)
/Иванушец 64 – Корвинг 89/
Пилсен – Фрајбург 0:0
Болоња – Салцбург 4:1 (1:1)
/Одгард 26, Далинга 51, Бернардески 53, Орсолини 86 – Вертсен 33/
ГА Иглс – Штутгарт 0:4 (0:2)
/Левелинг 20, 35, Ел Канус 59, Буанани 90+3/
Генк – Базел 2:1 (2:0)
/Ох 14, Каречас 45+2 – Отеле 57/
Макаби Тел Авив – Лион 0:6 (0:3)
/Винициус 4, Толисо 25, 51, 53, Ниаките 35пен, Карабец 62/
Нотингем Форест – Малме 3:0 (2:0)
/Јејтс 27, Калимеундо 44, Миленковиќ 58/
Панатинаикос – Штурм 2:1 (1:1)
/Свидерски 18, Калабрија 74 – Китеишвили 35/
Ренџерс – Брага 1:1 (1:0)
/Таверние 45+3пен.- Мартинез 69/
Реал Бетис – Утрехт 2:1 (1:0)
/Ернандез 42, Езалзули 50 – Родригез 55/
Спорт
(Видео) Пораз на Шкендија од Дрита
Фудбалерите на Шкендија го запишаа вториот пораз во Конференциската лига. На гостувањето во Косово, Дрита ја порази Шкендија со 1:0. По втроиот пораз во Конференциската лига, Шкендија остана на четири поени и се наоѓа на 25-то место на табелата.
Натпреварот не понуди некој врвен квалитет, се играше тврдо од двете страни. Пресуди голот на Манај во 20.минута. Впечаток е дека дефанзивците можеда да реагираат подобро во оваа ситуација.
Шкендија во наредната рунда ќе го пречека Слован од Братислава. Натпреварот се игра на 11 декември.
Инаку, Слован го направи најголемото изненадување во петтото коло, на домашен терен, по пресврт го победи Рајо Ваљекано (2:1).
Foto/ EPA, arhiva
Спорт
Македонија го растури Азербејџан
Кошаркарската репрезентација на Македонија со победа ги отвори претквалификациите за Европското првенство во 2029 година. Во Скопје, Македонија го совлада Азербејџан со 87:49.
Македнија ја оправда улогата на фаворит и според очекувањата забележа лесна и убедлива победа.
Андреј Јакимовски беше најдобар со дабл-дабл (25 поени и 11 скокови). Двоен учинок од 16 поени и 11 скока реализираше и капитенот, Војдан Стојановски, Зеќири уфрли 17 поени.
На своето деби за репрезентацијата на Македонија, Омари Мур дојде до скор од шест поени, исто толку скокови и девет асистенции.
Во наредното коло од групата А, на 30.ноември, нашата најдобра селекција ќе гостува во Даблин кај Република Ирска.
Извор/ Кошаркарска федерација на Македонија

