Фото/ EPA-EFE/MOHAMMED BADRA

Еден од најбараните слободни играчи на пазарот, Џонатан Дејвид, кариерата ќе ја продолжи во Јувентус.

Репрезентативецот на Канада е слободен играч откако му заврши договорот со Лил. Интерес за Дејвид во изминатиот период покажаа Арсенал, Ливерпул, Њукасл, Интер и Наполи, но како што тврдат медиумите во Италија тој ќе се пресели во Јувентус.

Според овие извори, Џонатан Давид во текот на претходната ноќ ги договорил сите услови за соработка со Јувентус. Се очекува да пристигне на медицински прегледи и да потпише договор во наредните денови.

Трансферот на Дејвид и намерата на Јувентус да го задржи Рандал Коло Муани, италијанските медиуми го толкуваат како уште еден чекор кон заминувањето на Душан Влаховиќ.

Србинот за кого Јувентус на Фиорентина пред две и пол години и плати 85 милиони евра, влезе во последната година од договорот. Меѓутоа се чини дека Јувентус ќе има проблем да се ослободи од Влаховиќ.

Тој одби да потпише нов договор и да прифати помала плата, но исто така нема намера да го напушти клубот. Влаховиќ оваа сезона треба да заработи 12 милиони евра нето (20 милиони евра бруто), што го прави најплатениот играч на Јувентус.

🚨⚪️⚫️ BREAKING: Jonathan David to Juventus, here we go! Verbal agreement reached overnight on every detail with Canadian striker.

Long term deal agreed and Jonathan David’s set to travel for medical tests, formal steps to follow.

Contracts to be checked and signed soon. pic.twitter.com/5ACbuXI6GN

— Fabrizio Romano (@FabrizioRomano) July 2, 2025

Фото/ EPA-EFE/ANDREJ CUKIC

Енис Барди е слбоден играч, откако се раздели со Бодрумспор. Клубот не успеа да избори опстанок во Суперлигата на Турција.

Разделбата со поранешниот играч на Ујпешт, Леванте и Трабзон го потврди клубот на социјалните мрежи.

Капитенот на македонската репрезентацијата сега е во потрага по нов клуб. едиумите не ја исклучуваат можноста 30-годишникот да се врати во Шпанија.

Шпанските медиуми тврдат дека сериозен интерес за Барди покажува Сарагоса, клуб кој повеќе од 15 години се натпреварува во Сегунда. Намерата на Сарагоса е да формираат тим кој ќе избори промоција во Примера.

Фото/ EPA/DANIEL HAMBURY

Американската тенисерка Коко Гоф се расплака на прес-конференцијата по елиминацијата од Вимблдон. Силно ја погоди поразот од Украинката Дијана Јастремска.

Елиминацијата на Коко Гоф, актуелната шампионка на Ролан Гарос е најголемото изненадување на женскиот дел од турнирот на Вимблдон.

Дијана Јастремска со 7:6, 6:1 ја порази Гоф.

По натпреварот, Гоф не можеше да ги задржи солзите на прес-конференцијата. Во емотивно обраќање, таа отворено проговори за својата психолошка состојба и притисокот што го чувствуваше по успехот во Париз.

„Чувствувам дека бев малку психички вознемирен од сè што следеше по Ролан Гарос и освојувањето на трофејот. Немав доволно време да славам, но ниту повторно да се вратам во ритам. Дефинитивно имав проблеми во соблекувалната. Не сакам да губам. Само се чувствувам малку разочарана од начинот на кој се претставив денес“, рече Гоф низ солзи.