Спорт
„Каубоите“ на Лино ја покажаа моќта против Шпанија, Русија пропушти победа над Французите!
Хрватска го освои првото место во нашата група Б на Светското првенство во ракомет во Германија и Данска, откако во последното дерби со 23:19 ја победи Шпанија за да го заддржи стоотстотниот учинок на Мундијалот и да најави борба за медалите.
Сега, за …
Хрватска го освои првото место во нашата група Б на Светското првенство во ракомет во Германија и Данска, откако во последното дерби со 23:19 ја победи Шпанија за да го заддржи стоотстотниот учинок на Мундијалот и да најави борба за медалите.
Сега, за пласман во полуфинале, „каубоите“ на Лино Червар влегуваат како први фаворити во втората фаза, каде што ќе се сретнат со репрезентациите од групата А – Франција, Германија и Бразил. Французите беа на раб од изненадувачки пораз од Русија, откако имаа два негатива, пред повторно да направат пресврт во финишот за 23:22 победа над Русија.
Златко Хорват го имаше мечот на својата кариера во националниот дрес со осум постигнати голови, Муса додаде шест, додека кај Шпанците, Феран Соле беше најефикасен со шест гола.
Нордиското дерби меѓу Данска и Норвешка им припадна на домаќините кои со 30:26 победата обезбедија максимални поени во втората рунда, каде што на двете репрезентации и на Тунис ќе им се приклучат и Шведска, Унгарија и Египет.
ВТОРА ФАЗА: ГРУПА 1
1.Хрватска 4, 2.Франција 3, 3.Шпанија 2, 4.Германија 2, 5.Исланд 0, 6.Бразил 0
ВТОРА ФАЗА, ГРУПА 2
1.Данска 4, 2.Шведска 4, 3.Норвешка 2, 3.Унгарија 1, 4.Египет 1, 5.Тунис 0
СП ГЕРМАНИЈА/ДАНСКА, 5.КОЛО
ГРУПА А
Бразил – Кореја 35:26 (18:10)
Германија – Србија 31:23 (16:12)
Франција – Русија 23:22 (12:12)
Табела: 1.Франција 9, 2.Германија 8 3.Бразил 6, 4.Русија 4, 5.Србија 3, 6.Кореја 0
ГРУПА Б
Бахреин – Јапонија 23:22 (10:9)
МАКЕДОНИЈА – Исланд 22:24 (13:11)
Шпанија – Хрватска 19:23 (10:13)
Табела: 1.Хрватска 10, 2.Шпанија 8, 3.Исланд 6, 4.Македонија 4, 5.Бахреин 2, 6.Јапонија 0
ГРУПА Ц
Чиле – Саудиска Арабија 32:27 (21:13)
Австрија – Тунис 27:32 (14:18)
Данска – Норвешка 30:26 (17:14)
Табела: 1.Данска 10, 2.Норвешка 8, 3.Тунис 6, 4.Чиле 4, 5.Австрија 2, 6.Саудиска Арабија 0
ГРУПА Д
Египет – Ангола 33:28 (19:12)
Катар – Аргентина 26:25 (16:13)
Шведска – Унгарија 33:30 (16:15)
Табела: 1.Шведска 10, 2.Унгарија 6, 3.Египет 5, 4.Катар 4, 5.Аргентина 3, 6.Ангола 2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).