Спорт
Керик потврди дека заминува во пензија (видео)
Поранешниот капитен на Манчестер јунајтед, Мајкл Керик потврди дека се повлекува на крајот на сезоната по здравствените проблеми кои ги имаше минатата година.
36-годишниот Керик има 463 натпревари за Јунајтед од трансферот од Тотенхем за 18 милиони фун…


Поранешниот капитен на Манчестер јунајтед, Мајкл Керик потврди дека се повлекува на крајот на сезоната по здравствените проблеми кои ги имаше минатата година.
36-годишниот Керик има 463 натпревари за Јунајтед од трансферот од Тотенхем за 18 милиони фунти во 2006 година, и 36 настапи за англиската репрезентација.
„Доаѓа време во кое телото ти вика дека е време да сопреш. Таму сум во моментов јас. Најверојатно ќе ја прифатам одлуката да останам во клубот како тренер“, изјави Керик, откако Жозе Мурињо уште претходно најави дека за Керик секогаш има место во тимот.
Керик имаше само четири настапи оваа сезона, откако му беше пронајдена аритмија и имаше мала хируршка интервенција.
„По проблемите со срцето, два три дена размислував дали да продолжам. Се вратив во физичка подготвеност и сакам да си заминам на свој начин. Се надевам дека ќе добијам шанса за уште некој настап и уживам во тренингот“, додава Керик.
Керик е дел од школата на Вест Хем и настапи 150 пати за „чеканите“ пред да дојде во Спарс во 2004 година. По две сезони на „Вајт Харт Лејн“, тој замина во Јунајтед, тим со кој освои пет титули од Лигата на шампионите и една од Лигата на шампионите, како и два порази во финалињата од Барселона во 2009 и 2011 година. Тој стана капитен на Јунајтед по заминувањето на Вејн Руни во Евертон во текот на летото.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.
Спорт
(Видео) Хамилтон: Бескорисен сум

Луис Хамилтон се огласи по борбата за пол-позицијата за Големата награда на Унгарија.
Хамилтон го имаше 11-то најдобро време со 1:15.702 во квалификациите на Хунгароринг. Очекувано не беше задоволен од тоа настапот во квалификациите.
„Јас сум бескорисен, апсолутно бескорисен. Тимот нема проблем, можете да го видите автомобилот на пол-позиција. Веројатно треба да го сменат возачот“, изјави Хамилтон за „Скај Спортс“.
Неговиот колега Шарл Леклер го имаше најдоброто време и ќе стартува од пол-позицијата на трката во недела. Леклер беше најбрз со 1:15.372.
“It’s me every time. I’m just useless. The team has no problem. The second car is on pole, so they probably just need to change driver.”
Distraught Lewis Hamilton after qualifying 💔
— Ferrari News 🐎 (@FanaticsFerrari) August 2, 2025
Спорт
Леклер ја грабна пол-позицијата на Хунгароринг

Шарл Леклер ги шокира возачите на Мкларен во квалфикациите за трката на Големата награда на Унгарија. Возачот на Ферари ја освои 27. пол позиција во кариерата, до неа дојде со резултат 1:15.327 минути.
Мекларен, најдоминантниот тим сезонава во првенството на Формула 1, доминираше на тренинзите и во првите две квалификациски сесии, но двајцата возачи разочараа во последното излегување на патеката. Постигнаа времиња далеку под она што можат со доминантниот болид.
Осакр Пјастри, лидерот во првенството, трката ќе ја започне веднаш до Леклер, а неговиот тимски колега Ландо Норис го освои третото место. До него, од вториот ред, трката ќе ја започне возачот на Мерцедес, Џорџ Расел.
Неизвесноста во борбата за пол-позицијата најдобро го отсликува податокот дека разлиата меѓу првиот и четвртиот беше само 53 илјадити делови од секундата.
Третиот ред на стартот го освоија пилотите на Астон Мартин: Фернандо Алонсо и Ленс Строл.
Блесна во квалификациите Габриел Бортолето. Бразилецот со Кик заубер го освои седмото место, пред светскиот првак Макс Ферстапен. Зад него се возачите на сестринскиот тим, Рејсинг Булс: Лијам Лосон и Исак Хаџар.
Аполутно разочарување во квалификациите е Луис Хамилтон. Седумкратниот шампион трката во Унгарија ќе ја започне од 11.место.
Големата награда на Унгарија, на Хунгароринг се вози в недела од 15 часот.
Foto/ EPA/Zsolt Czegledi