Спорт
Костелиќ не мирува – ќе помине 600 километри во Норвешка и Исланд (видео)
Поранешниот шампион од Светскиот куп во алпско скијање, Хрватот Ивица Костелиќ се пензионираше од спортот, но очигледно не може да „седи мирен“, откако реши да направи неверојатна експедиција во Норвешка и Исланд.
38-годишниот Костелиќ ќе патува на ски…


Поранешниот шампион од Светскиот куп во алпско скијање, Хрватот Ивица Костелиќ се пензионираше од спортот, но очигледно не може да „седи мирен“, откако реши да направи неверојатна експедиција во Норвешка и Исланд.
38-годишниот Костелиќ ќе патува на скии заедно со нордискиот скијач Еди Дадиќ, двапати по 110 километри во Норвешка, а потоа уште 400 километри на Исланд. Ова не е првпат Хрватот да има ваква авантура – минатата година заедно со Словенецот Миха Подгорник беше на 18-дневно „преживување“ на Гренланд, кое заврши со тоа што на Подгорник му беше ампутиран дел од прстот.
„Во Норвешка не чекаат двапати по 110 километри без цивилизација, додека во Исланд до следното место каде што можеме да се снабдиме е 400 400 километри. Почнуваме со Норвешка, бидејќи таму имаме лесен излез – да се свртиме и да се вратме дома. Во Норвешка ќе бидеме на висорамнината Хардагенвид, каде што има полигон за подготовка на поларните експедиции, како таа на Роалд Амундсен пред да го освои Антарктикот.
Освојувачот на четири олимписки сребра на скии, Костелиќ признава дека дел од мотивацијата и инспирацијата за подвигот дојде од неговата сопруга Ерин, која е Исланѓанка.
„Мојата сопруга најмногу ми помага за овие експедиции. Пред тргнувањето заедно ја планираме храната и пакувањето, а во текот на експедицијата ги следи временските услови и ми јавува. Како и секоја сопруга, и таа би сакала повеќе да сум дома, но ја сфаќа мојата потреба за авантура. Не случајно ми е сопруга“, додава Костелиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Незабележан интерес во Дортмунд за гостувањето на Барселона

Огромен е интересот кај навивачите на Борусија Дортмунд за четвртфиналниот натпревар од Лигата на шампионите против Барселона.
Првиот меч е закажан за среда, на 9. април, во Барселона, а реваншот е шест дена подоцна на стадионот „Сигнал Идуна Парк“.
Клубот од Дортмунд објави дека досега присмил повеќе од 300.000 барања за билети, но на многумина тоа задоволство ќе им биде одбиено.
Капацитетот на стадионот на Борусија Дортмунд е 81.365 гледачи, што значи дека лесно би можеле да распродадат четири стадиони.
Борусија најави дека поради огромниот интерес билетите ќе ги дели преку ждрепка.
За потсетување, минатата сезона Дортмунд играше во финалето на Лигата на шампионите и загуби на „Вембли“ од Реал Мадрид (2:0).
Спорт
Меншик урна неколку рекорди па му порача на Ѓоковиќ: Почнав да играм тенис поради тебе, ти си најдобриот во историјата

Јакуб Меншик го победи Новак Ѓоковиќ во финалето на Мастерсот во Мајами со 7:6, 7:6. 19-годишниот Чех ја освои најголемата титула во кариерата и во исто време го спречи Ѓоковиќ да го подигне 100. трофеј во кариерата.
Меншик кој не крие дека Ѓоковиеќ е негов идол, е вториот тенисер кој не бил меѓу најдобрите 50, а успеал да го победи Србинот во финале на еден турнир.
Пред него тоа му успеа само на Стен Вавринка (69) во 2006 година во мечот за трофеј во Умаг.
„Новак, сите знаат дека ти си причината поради која сум тука. Те гледав додека растев. Почнав да играм тенис поради тебе. Нема потешка задача за тенисер од тоа да те победи во финален меч. Ти благодарам за се што направи за овој спорт и за секој од нас. Ти си неверојатна личност – најдобар на сите времиња”, рече Меншик.
Јакуб Меншик стана првиот играч од воведувањето на овој формат во 1990 година кој ја освоил Мастерс титулата со освојување на седум или повеќе тајбрејкови во текот на турнирот. Тој, исто така, стана вториот играч, по Мајкл Ченг (Торонто 1990), кој е надвор од Топ 20, а успеал да освои Мастерс титула.
Како 54-ти тенисер во светот стана најслабо рангираниот кој триумфирал во Мајами.
Меншик, по победата во Мајами, скокна 30 позиции и сега е 24. тенисер во светот на најновата АТП ранг листа.
Спорт
(Видео) Паника во Сити – Ерлинг Халанд на патерици

Најдобриот стрелец на Манчестер сити, Ерлинг Халанд, по пласманот на неговиот тим во полуфиналето на ФА купот, стадионот „Виталити“ во Бормут го напуштил со помош на патерици.
Норвежанецот промаши пенал во 14. минута, а потоа погоди во 49. минута. Се повреди по еден час игра. Го повреди скочниот зглоб на посилната, лева нога, поради што е ногата му е во лонгета и мора да оди со помош на патерици.
BREAKING: Erling Haaland left Bournemouth with his left foot/ankle in a protective boot following the injury sustained in the second-half.
TikTok: celebstarclips pic.twitter.com/DNB2H8phyh
— City Xtra (@City_Xtra) March 30, 2025
Се уште не е познато колку долго ќе биде надвор од терените. Сити победи и се пласираше во полуфиналето благодарение на голот на Мармуш, кој го замени Халанд и го реши натпреварот по само две минути од влегивањето на теренот.
Сити во полуфиналето ќе игра против Нотингем Форест. Во второто полуфинале ривали се Кристал Палас и Астон Вила.