Спорт
Крафт ја прекина победничката серија на Кобајаши (видео)
Двократниот светски шампион, Штефан Крафт ја намали разликата до најдобрите во Светскиот куп во ски скокови, по победата во Закопане, Полска.
25-годишниот Австриец, кој освои двојно злато на СП во Лахти во 2017 година, имаше скокови од 133 и 132.5 метр…
Двократниот светски шампион, Штефан Крафт ја намали разликата до најдобрите во Светскиот куп во ски скокови, по победата во Закопане, Полска.
25-годишниот Австриец, кој освои двојно злато на СП во Лахти во 2017 година, имаше скокови од 133 и 132.5 метри (278.3) поени за да ги победи Норвежанецот Роберт Јохансон и Јапонецот Јукија Сато за 13-та победа во кариерата, но прва по пауза од речиси две години, кога победи во Планица во 2017 година.
„Атмосферата во Закопане секогаш е посебна, а првиот скок беше навистина добар. Целта оваа сезона е медал од Светското првенство во Зефелд пред домашните фанови, но се фокусирам на секој викенд со големо внимание“, изјави Крафт.
Домашните скокачи потфрлија – Давид Кубацки беше само 12-ти, Стефан Хула на 17. место, додека фаворитот Камил Штох воопшто не влезе во втората рунда и заврши како 36.
Рјоју Кобајаши, победникот на „4 скокалници“ беше само седми, но останува лидер во генерален пласман со 1.128 поени пред Штојх (624) и Зила (603), додека Крафт е четврти (581 поен).
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ал Келаифи полуде на прашањрто за тренерот: Дали вие го разбирате фудбалот?
ПСЖ не успеа да се пласира во финалето на Лигата на шампионите. Среќата ги напушти „светците“ во натпреварите со Борусија Дортмунд. Во реваншот упатија 31 удар кон голот на Кобел, четири пати ја погодија стативата.
Сезоната, ПСЖ ќе ја заврши само со титулата во домашното првенство, која по доаѓањето на катарските газди се подразбира.
Сепак, со доаѓањето на Луис Енрике, клубот ја смени трансфер политиката. ПСЖ повеќе не ги купува најскапите суперѕвезди, туку се фокусире на собирање супер таленти. Така на реваншот со Борусија имаше тим со просечна старост од 24 години и 157 дена. Тоа е најмладиот тим во полуфиналето на Лигата на шампионите во последните 10 години.
Поради сето горенаведено, претседателот на клубот Насер Ал-Хелаифи полуде на новинарско прашање по испаѓањето од Борусија, каква е иднината на Енрике во клубот.
„Чекај, сериозно ме праша ли тоа? Навистина, дали знаеш нешто за фудбалот и дали воопшто го разбираш? Градиме долгорочен проект со најмладиот тим во Европа. Ни претстои светла иднина. ”
Спорт
Орсато означи крај во Париз и се расплака
Еден од најдобрите судии во светот, Даниеле Орсато, синоќа без грешка го водеше полуфиналниот реванш меѓу ПСЖ и Борусија Дортмунд. Натпреварот заврши со победа на германскиот тим 0:1, а Орсато откако означи крај на натпреварот се расплака.
Орсато (48) повеќе од една деценија суди натпревари од Лигата на шампионите, а во 2020 година го судеше финалето Баерн – ПСЖ. Истата година Институтот за фудбалска историја и статистика го прогласи за најдобар судија во светот. Следната година го водеше полуфиналето на Лигата на шампионите помеѓу Челзи и Реал Мадрид.
Италијанските медиуми открија зошто Орсато плачел.
Натпреварот ПСЖ-Борусија Дортмунд беше негов последен натпревар во европските купови. Тој ќе суди на претстојното евро, а потоа ќе се пензионира.
Спорт
Реал богато ќе ги награди фудбалерите доколку ја освојат ЛШ
Реал и Баерн од 21 часот во Мадрид ќе го одиграат реваншот од полуфиналето на Лигата на шампионите. Првиот натпревар во Минхен заврши 2:2. Вечерва ќе го дознаеме вториот финалист на Вембли откако синоќа место во финалето обезбеди Борусија Дортмунд која со вкупен резултат 2:0 го елиминира ПСЖ.
„Марка“, денеска ја објави сумата што секој играч на Реал Мадрид ќе ја добие од клубот како награда доколку ја освои Лигата на шампионите. Тоа е дури 1,4 милиони евра по фудбалер, што е за 500.000 евра по фудбалер повеќе отколку што за истиот успех беа наградени фудбалерите на Реал во 2022 година.
Со богата сума ќе бидат наградени и членовите на штабот, па се проценува дека Реал во случај на освојувањето на трофејот во Лигата на шампионите ќе плати издвои околу 40 милиони евра за да ги награди фудбалерите и стручниот штаб.