Најтрофејниот хрватски клуб, Динамо Загреб, на спектакуларен начин го заврши преодниот рок. Трансфер периодот во Хрватска заврши синоќа на полноќ, а Динамо објави дека во клуботќе пристигне Исмаел Бенасер.

„Модрите“ останаа без титулата минатата сезона, поради тоа решија да направат силен тим. Динамо го обезбеди потписот на поранешниот фудбалер на Милан, Исмаел Бенасер.

Алжирскиот репрезентативец доаѓа на „Максимир“ на позајмица со опција за откуп. Бенасер не беше во плановите на Милан за оваа сезона, а голем подвиг за Динамо е што успеаја да го потпишат и покрај тоа што нема да играат во Лигата на шампионите оваа сезона.

Исто така, од „Максимир“ беше потврдено дека е постигнат договор и дека Бенасер кога ќе ги помине лекарски прегледи ќе потпише за клубот:

„Со големо задоволство објавуваме дека алжирскиот репрезентативец и играч од средниот ред на Милан, Исмаел Бенасер, ќе го засили ГНК Динамо! Динамо и Милан постигнаа договор за едногодишна позајмица со опција за откуп на договорот. Бенасер доаѓа во Загреб, каде што ќе помине лекарски прегледи пред официјалното потпишување на договорот“, се наведува во соопштението од Динамо.

Бенасер во 2019 година за 16 милиони евра од Емполи се пресели во Милан. Одигра 137 натпревари за Милан, а во 2022 година го освои Скудетото со „росонерите“. Претходната сезона ја помина на позајмица во Марсеј. Неговата моментална пазарна вредност се проценува на околу 15 милиони евра.

Фото/ Принтскрин

Лионел Меси се збогуваше со аргентинската публика во националниот дрес со триумф.

Еден од најдобрите играчи на сите времиња го одигра својот последен натпревар пред домашна публика за „Гаучосите“ и се потруди да остави впечаток.

На „Монументал“ во Буенос Аирес, Аргентина рутински ја победи Венецуела со 3:0, а малиот волшебник постигна два гола.

Меси покажа и емотивна нота, бидејќи се расплака за време на пеењето на аргентинската химна.

No player in football history has a better moment like this. Leo Messi 🐐

pic.twitter.com/9GM2E1X0jG

— Kwesi (@KwesiFCB) September 5, 2025

Бразил, исто така, победи против Чиле со 3:0.

Првиот гол го постигна младиот напаѓач на Челзи, Естевао во првото полувреме, а Пакета и Бруно Гимареш постигнаа голови во вториот дел.

Аргентина и Бразил веќе обезбедија пласман на Светското првенство.

Foto/ EPA/ADAN GONZALEZ

Арина Сабаленка и Аманда Анисимова ќе играат во финалето на Отвореното првенство на САД.

Американската тенисерка, чии родители емигрираа од Русија, беше подобра од Наоми Осака во полуфиналето, откако претходно и се одмазди на Иги Швонтек за убедливиот пораз во финалето на Вимблдон.

Анисимова ја доби Јапонката по три часа игра и пресврти со резултат 6:7(4), 7:6(3), 6:3.

Најинтересниот дел од натпреварот беше вториот сет, во кој Анисимова (која веќе заостануваше во сетови), три пати ја испушти брејк предноста, но успеа да го добие сетот во тај-брејкот, а потоа го доби третиот сет без поголеми проблеми.

Во второто полуфинале, Арина Сабаленка беше подобра од Џесика Пегула со идентичен резултат (2:1). Како и Анисимова, и таа мораше да триумфира псо пресврт, но за еден час помалку поминат на теренот (4:6, 6:3, 6:4).

Анисимова и Сабаленка досега се сретнале девет пати, а Американката победила во шест наврати. За прв пат, таа ќе има можност да игра во финалето пред домашната публика на последниот Гренд слем во сезоната и да стигне до својот седми триумф.

Финалето е закажано за сабота во 22 часот.

Foto/ EPA