Спорт
Легендарниот Франц Бекенбауер во Мадрид ќе сподели вештини со млади фудбалери од целиот свет
Глобалниот амбасадор на интернационалната детска општествено одговорна програма „Фудбал за пријателство“ под покровителство на компанијата „Гаспром“, Франц Бекенбауер, ќе учествува во финалните активности на овогодишната сезона.
Настаните ќе се одржат во шпанската престолнина Мадрид во период од 28 мај до 2 јуни, во рамки на УЕФА Лигата на шампиони 2019.
Мадрид ќе стане главен град на клучните настани од проектот „Фудбал за пријателство“. Повеќе од 800 учесници од различни земји од Европа, Азија, Африка, Северна и Јужна Америка, меѓу кои и 12-годишни млади фудбалери и млади новинари, ќе бидат дел од финалните настани.
Интернационалниот Камп на пријателството ќе овозможи специјални предавања за младите учесници. Во рамки на кампот ќе бидат обединети спортски, хуманитарни и едукативни програми. Учесниците ќе можат да ги претстават своите вештини на Светското првенство во фудбал за пријателство 2019, каде младите фудбалери ќе бидат дел од 32 Интернационални тимови на пријателство. Според уникатниот принцип на фудбал за пријателство, деца од различни националности, пол и физички можности ќе играат заедно во еден тим.
За првпат Интернационалниот форум на фудбал за пријателство ќе опфати една целина од завршните настани на овогодишната сезона на програмата. Учесниците во форумот се експерти во полето на развојот на детскиот и младинскиот спорт од целиот свет. Тренери, доктори од детските тимови, новинари од светски водечки медиуми, познати фудбалери, претставници на фудбалски академии и федерации ќе дискутираат за подготовките на младите играчи за интернационални натпревари, нови методи за спортска едукација, принципи за формирање успешен детски тим, начини на професионален развој на младите фудбалери.
Годинава еден од говорниците на форумот ќе биде и светската фудбалска легенда, двократниот добитник на „Ballon d’Or“ – Франц Бекенбауер.
Во Мадрид Бекенбауер како глобален амбасадор на проектот ќе се сретне со младите учесници и ќе им раскаже за своите спортски искуства, интересни случувања од неговата професионална кариера и ќе го сподели знаењето кое им е потребно на спортистите почетници за постигнување врвни резултати.
Учесниците во завршните настани на оваа сезона на проектот ќе имаат можност да го проследат и финалниот натпревар на 2019 УЕФА Лигата на шампиони на стадионот „Ванда Метрополитано“ во Мадрид.
„Навистина е голема чест да се биде дел од ’Фудбал за пријателство’, Интернационалната општествено одговорна програма на компанијата Гаспром. Вредностите кои се промовирани од страна на младите учесници од различни земји се безвременски – без идејата за еднаквост, љубезност и праведност, не може да се замисли балансиран свет. Соединувањето на деца кои имаат желба меѓусебно да соработуваат и да комуницираат е главната цел, затоа што способноста за компромис, пронаоѓање заеднички јазик со најразлични луѓе е клучот за успехот во животот, без разлика дали ќе одберат професионално да се занимаваат со спорт или, пак, нивен избор ќе биде друга кариера“, изјави глобалниот амбасадор на проектот „Фудбал за пријателство“, Франц Бекенбауер.
„Среќна сум што проектот ’Фудбал за пријателство’ ми дава можност да запознаам професионални фудбалери и што оваа година во Мадрид ќе се запознаам и ќе разговарам со вистинска фудбалска легенда – Франц Бекенбауер! Одлично е да се биде дел од ваков глобален проект поддржан од познати спортисти од целиот свет! За мене ова е одлична мотивација да продолжам да го следам својот сон“, изјави Софи Фолдс, 12-годишна млада амбасадорка на проектот од Вашингтон, САД.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Наполи добива големо засилување пред Суперкупот во Ријад
Белгискиот напаѓач Ромелу Лукаку (32), кој беше надвор од терените четири месеци поради повреда, почна со тренинзи и би можел да игра за Наполи оваа недела во Суперкупот, кој се одржува во Ријад, Саудиска Арабија, објавија италијанските медиуми.
Пред почетокот на оваа сезона, кон средината на август, Лукаку го повреди бутниот мускул на пријателскиот натпревар против Олимпијакос.
Поради ова, Наполи мораше да бара замена и во летниот преоден рок го доведе данскиот напаѓач Расмус Хојлунд од Манчестер Јунајтед.
Со 89 гола, Лукаку е најдобриот стрелец во историјата на белгиската репрезентација. Тој е член на Наполи од летото минатата година, а на 38 натпревари забележа 14 гола и 11 асистенции.
Во полуфиналето на италијанскиот Суперкуп, Наполи игра против Милан (18 декември), а во второто полуфинале се среќаваат Болоња и Интер (19 декември). Финалето е закажано за 22 декември.
Foto/ depositphotos
Спорт
Бразилецот Да Силва ќе го засили РК Вардар
Бразилскиот среден бек Жоао Педро да Силва од јануари ќе го засили Вардар. Искусниот организатор на игра ќе потпише договор до јуни 2028 година, со што „црвено-црните“ добиваат искусен играч во бековската линија за следните две ипол сезони.
„Да Силва (1994) е препознатлив е по брзата реакција во играта, игра „два на два“ со линијата и веруваме дека со таков профил на играч Вардар го ќе добие на поголема разновидност во нападот.
Доаѓањето на Жоао Педро да Силва се вклопува во амбициите на клубот за силна пролетна полусезона во Лига Европа и во домашното првенство, како и во стратегијата да се гради костур на тимот на подолг рок“, објави клуб от на социјалните мрежи.
Деталите од договорот ќе бидат официјализирани со неговото пристигнување во Скопје во јануари.
Вардар во февруари и март ќе игра мечеви од главната фаза на Лига Европа, а исто такa пролетва ќе бидат и мечевите од разигрувањето за титулата во домашното првенство.
Izvor/ facebook.com/rkvardar
Спорт
Бруно го најави своето заминување од „Олд Трафорд“
Капитенот на Манчестер Јунајтед, Бруно Фернандес, по спектакуларниот натпревар со Борнмут (4:4), реши да ја „отвори душата“, пред новинарите и да го навести заминувањето од клубот. .
Португалецот беше играч на натпреварот по којзнае кој пат, но тоа не беше доволно за Јунајтед да победи.
„Клубот сакаше да си заминам ова лето и така се чувствував. И им го кажав тоа на директорите, но не мислам дека имаа храброст да ја донесат таа одлука. Решив да останам од семејни причини, но и затоа што ми е грижа за клубот. Разговорите со тренерот ме убедија дека треба да останам. Но, од страна на клубот, чувствував дека тие мислат „ако си замине, тоа нема да биде толку лошо за нас“. И тоа многу ме повреди, но и ме растажи, бидејќи сум играч кој не заслужува критики. Секогаш сум достапен, играм добро или лошо, но секогаш давам се од себе на теренот. А ја гледате целата ситуација, играчи кои не ја ценат доволно големината на клубот и не ги бранат неговите бои колку што треба“, рече Бруно Фернандес.
Не заврши тука, бидејќи тој одговори и шпекулациите за трансфер во Ал Хилал, кој понуди огромни пари за неговиот потпис.
„Претседателот на Ал Хилал ми се јави лично. Рубен Невеш ми испрати пораки дека сака директно да разговара со мене. Тие сакаа да играм на Светското првенство за клубови за Ал Хилал. Тоа беше „љубов“ што започна од периодот кога Жорж Жезус беше на клупата, во 2023 година. Тоа беше првиот пат кога ме повика“, откри Бруно и продолжи:
„Не можам да се жалам, платен сум многу добро, но разликата е очигледно огромна. Сепак, тоа никогаш не ми било важно. Ако еден ден морам да играм во Саудиска Арабија, тогаш ќе играм таму. Мојот начин на живот ќе се промени, моите деца ќе имаат сончеви денови, по шест години во Манчестер со дожд и студ. Ќе играм во лига која расте со познати играчи. Можев веќе да заминам, како многу играчи и да кажам „Сакам да заминам, не сакам да тренирам, сакам да имам 20 или 30 милиони евра“, за да добијам уште повеќе пари. Но, никогаш не го направив тоа. Не чувствував дека сум во позиција да го направам тоа. Секогаш чувствував емпатија и наклонетост кон клуб“, рече Бруно.
Капитенот на Јунајтед сигурно ќе биде главна тема на медиумите по неговото признание и очигледнаото навестување за напуштање на клубот следното лето.
Foto/ depositphotos

